Спорт
Обрадовиќ откри зошто не разговара со Ѓоковиќ: За Божик јадеме прасе, не брокула
Поранешниот селектор на Девис куп репрезентацијата на Србија, Богдан Обрадовиќ, открил дека неколку години нема никаков контакт со Новак Ѓоковиќ. Се искарале поради една изјава на Ѓоковиќ. Обрадовиќ тврди дека тој е во право, а не најдобриот светски тенисер.
„Новак не смееше на новинарско прашање да одговори дека не јаде месо, дека не јаде ќебапи…Човеку, Србија традиционално живее од ќебапи, милиони туристи годишно доаѓаат да ги вкусат тие ќебапи, зошто го кажа тоа? Ние не сме вегани, ни имаме традиционални пости, но за Божик јадеме прасе. Не јадеме брокула“, рекол Обрадовиќ и дополнил.
„Браната ќе издржи, но доколку водата надојде нема да издржи. Трпи неговиот имунолошки систем. Тоа се глупости…Тој се обидува да оди против науката. Главниот протеин, кога се раѓаме доаѓа од мајчиното млеко, а 54 отсто од тој протеин е од органското месо, јајцата, кравјото сирење, кајмакот. Новак е опкружен со некои екстремни глупости. Тој се впушти експеримент, а ниту тој самиот не знае за што се работи“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лидерот Арсенал со покер голови ја честеше Астон Вила, Јунајтед се изрезилија против најлошиот тим во лигата
Фудбалерите на Арсенал, во дербито на 19-то коло ја победија Астон Вила со 4:1. „Топџиите“ ја прекинаа неверојатната серија на Астон Вила, од 11 победи во сите натпреварувања, осум од ив забелеани во Премиер лигата. Во истиот термин, Манчестер Јунајтед уште еднаш ги разочара своите навивачи, откако одиграа 1:1 со најлошиот тим во лигата, Вулверхемптон.
Арсенал продолжува да доминира во Премиер лигата и суверено ја држи првата позиција во најсилната фудбалска лига во светот со 14 победи во 19 натпревари и 45 освоени бода.
Последниот триумф, петти во последните шест натпревари, дојде во вторник вечерта против Астон Вила.
Астон Вила е еден од најдобрите англиски тимови оваа сезона, одигра егал со лидерот во првите 45 минути, период во кој двата тима имаа по една опасна шанса за гол.
Во второто, ситуацијата на теренот драстично се смени. Во 48-та минута од натпреварот, Габриел го постигна првиот гол и Арсенал поведе со 1:0, само четири минути подоцна Зубименди го зголеми резултатот на 2:0.
Во 69-та минута, Лео Тросар постигна гол за убедливи 3:0, а во 78-та минута, Жесус, на асистенција на Тросар, ја погоди мрежата на Вила за „покер“ на Арсенал и водство од 4:0,.
Оли Воткинс се погрижи за конечните 4:1 во 94-таа минута.
Во исто време, играчите на Манчестер Јунајтед, одиграа нерешено со Вулверхемптон, 1:1.
Јунајтед играше на „Олд Трафорд“ со најлошиот тим во Премиер лигата и не успеа да победи, поради што играчите беа со свирежи испратени во соблекувалната.
Џошуа Зиркзе постигна гол за водство на Манчестер Јунајтед од 1-0 во 27-та минута, а Вулверхемптон освои бод (трет за нив од почетокот на сезоната) откако Ладислав Крејчи израмни во 45-та минута.
Foto/ depositphotos
Спорт
(Видео) Борнмут освои бод кај Челзи, Евертон победи во Нотингем
Челзи не успеа да го победи Борнмут во 19-то коло, во Премиер лигата. Во терминот од 20.30 часот, Вест Хем повторно не успеа да победи, одигра 2:2 со Брајтон, Евертон триумфираше во Нотингем со 2:0, а Њукасл победи кај Барнли 3:1.
Одличен натпревар на „Стемфорд Бриџ“ одиграа Челзи и Борнмут, заврши без победник 2:2.
Сите четири гола беа постигнати во првото полувреме, а Брукс го отвори резултатот во шестата минута.
Кол Палмер израмни во 15-та од пенал, а Енцо Фернандес им донесе пресврт на домашните во 23-та.
Сепак, Џастин Клајверт израмни по четири минути и тој резултат остана на семафорот до рајот на мечот.
Челзи остана на петтото место со 30 освоени бода, додека Борнмут е на 15-та позиција со седум помалку.
Резултати:
Барнли – Њукасл 1:3 (1:2)
/Лорен 23 – Жоелинтон 2, Виза 7, Гимараеш 93/
Нотингем Форест – Евертон 0:2 (0:1)
/Гарнер 19, Бери 79/
Вест Хем – Брајтон 2:2 (2:1)
/Бовен 10, Пакета 45+4 – Велбек 32, Фелтман 61/
Спорт
(Видео) Се чини дека Јокиќ го избегна најлошото
Денвер Нагетс и негвоите навивачи, но и сите вистински кошаркарски фанови можат да здивнат. Неофицијално повредата на Никола Јокиќ не е серизона. За потсетување, лидерот на Денвер и лидер во МВП трката, во НБА лигата, го повреди коленото, во финишот на првото полувреме, против Мајами Хит.
Како што објави „Меридијан Спорт“, повикувајќи се на извори блиски до Денвер, првите индикации се дека станува збор за хиперекстензија и дека не е настаната сериозна штета на коленото..
Истите информации ги објави нешто подцна и „Моцарт спорт“, кој додава дека, најдобриот играл во лигата ќе паузира околу еден месец.
Тие информации се во согласност со првите проценки на лекарите, кои претпоставија дека станува збор за „модринка“ на коската, односно хиперекстензија на коленото.
Соиграчот на Јокиќ, Кам Џонсон, неодамна ја претрпе истата повреда и познато е дека ќе се рехабилитира од четири до шест недели.
Јокиќ утре треба да направи магнетна резонанца, но судејќи според првичните реакции, најдобриот кошаркар на светот требало да избегне подолга пауза.
Јокиќ се повреди на натпреварот против Мајами, а повредата се случи кога соиграчот на Јокиќ, Спенсер Џонс, го удри во долниот дел од ногата и му го повреди левото колено.
Јокиќ се струполи на подот, држејќи го коленото и превиткувајќи се од болка. Веднаш замина во соблекувалната и не се врати на теренот.
Денвер го загуби натпреварот во Мајами со 147:123, а Јокиќ имаше 21 поен, осум асистенции и пет скока до повредата.
This is the play where Nikola Jokic appeared to hurt his leg — hope it is nothing serious. 🙏
pic.twitter.com/XCihk0Fld4 https://t.co/NdTEYkKsbC
— Hoop Central (@TheHoopCentral) December 30, 2025
Foto/ depositphotos

