Спорт
Од доставувач на машини за перење до Лига на шампиони – Милан му даде договор на Жуниор Месијас

Милан го добија на позајмица со опција за купување фудбалерот од средниот ред на Кротоне, Жуниор Месијас, комплетирајќи го неверојатниот пат на фудбалерот кој пред пет години работеше како доставувач и играше во Серија Д.
30-годишниот Бразилец доаѓа на позајмица од 2.6 милиони евра со опција за постојан договор за 5.4 милиони евра плус бонуси, откако минатата сезона импресионираше со Кротоне.
Месијас имаше 9 гола и 4 асистенции во својата прва сезона во Серија А за Кротоне, откако пред да дојде во клубот во 2019 играше за Казале, Киери и Гоцано, клубови од Серија Д, до трансферот во Серија Ц во 2018/19.
Тој претходно играше фудал само како хоби, работејќи како доставувач на цигли од срушени згради, и како доставувач на машини за перење. Поранешниот фудалер Елио Роси го сретнал на еден локален меч во Торино и успеал да му најде договор од 1.500 евра месечно да стане фудбалер на Казале.
Things you love to see. Professional debut in Serie C in 2018, aged 27. Serie B debut in August 2019, aged 28. Serie A debut in August 2020, Aged 29. Junior Messias proving that it's never too late ⚽️❤️? #SerieA #CrotoneSpezia #crotone #Letfy #SerieATIM pic.twitter.com/g4G27o2gEB
— Dean Selvey (@DeanSelvey) March 9, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Барселона ја декласира Валенсија

Барселона го одигра својот прв домашен натпревар оваа сеозна. На стадионот „Јохан Кројф“, Барселона ја декласира Валенсија со 6:0.
Првото полувреме не навестуваше дека екипата од Валенсија ќе доживее дебакл.
Фермин Лопез ја доведе Барселона во водство по додавање од Феран Торес, а потоа следеше канонада во втората половина од натпреварот.
Во игра влезе Рафиња, кој целосно ја поремети играта на противникот.
Бразилецот го дуплираше водството на својот тим во 53-та минута, а три минути подоцна, Лопес повторно го запиша своето име на семафорот.
Рафиња ја зголеми предноста на Барса со брилијантен гол, а потоа на сцена стапи Роберт Левандовски.
Полјакот на теренот влезе во 68-та минута и набрзо го постигна првиот гол на овој натпревар.
Се играше во 78-та минута кога Левандовски ја затресе мрежата на Валенсија по одлично додавање од Дани Олмо, а потоа во 86-та минута го постави конечниот резултат, по асистенција од Бернал.
Барселона сега е на два бода зад Реал Мадрид, кој е единствениот тим со сите четири победи.
Foto/ EPA
Спорт
(Видео) Деби гол на неуништливиот Модриќ за триумф на Милан

Фудбалерите на Милан ја победија Болоња (1:0) на „Сан Сиро“ во натпреварот од третото коло на италијанската Серија А.
Херој на Росонерите беше 40-годишниот Лука Модриќ, кој го постигна својот прв гол во дресот на славниот клуб во 61-та минута.
Крајот на натпреварот го обележа интересна ситуација судијата Матео Марченаро покжа на пенал, но откако ја прегледа снимката го поништи, а потоа му покажа црвен картон на тренерот на Милан, Масимилијано Алегри, кој „полуде“ по таа одлука.
Милан на крајот стрепеше за победата, иако беше подобар во текот на целиот натпревар, дури четири пати неговите ја погодија стативата.
Тоа го направија еднаш Первис Еступињан и Самуеле Ричи, а двапати напаѓачот Сантијаго Хименез.
Милан ја оствари втората победа сезонава, има шест бода, додека Болоња остана на три бода, освоени во дуелот со Комо.
Foto/ EPA
Спорт
Шредер е МВП – Во најдобрата петорка само НБА играчи

Вечерва во Рига со победа на Германија заврши 42. Европското првенство во кошарка. Германија во спектакуларно финале ја победи Туција со 88:83. За најдобар играч на финалето е прогласен Исак Бонга.
МВП титулата, за најдобра играч на турнирот му припадна на Денис Шредер. Капитенот на Германија го реши финалето со шест поени во последните 67 секунди, мечот го заврши со 16 поени и 12 асистенции.
Покрај Шредер во иделаната петорка на првенството се уште четворица НБА играчи: Јанис Адетокумбо (Грција), Алперен Шенгун (Турција), Франц Вагнер (Германија) и Лука Дончиќ (Словенија).
Инаку ФИБА ја објави и втората најдобра петорка на шампионатот. Во неа се турскиот капитен Џеди Осман, финската ѕвезда Лаури Марканен, полскиот играч Џордан Лојд, Дени Авдија од Израел и Србинот Никола Јокиќ.
Foto/ EPA