Фудбалерите на Реал Мадрид, доживеаја пораз на домашен терен од Алавес (1:2), во 11.коло.

Како многу пати оваа сезона Реал одигра катастрофално прво полувреме, во кое му дозволи на ривалот рано водство. Лукас Перез, во петтата минута, погоди од белата точка. На пеналот му претходеше играњето со рака, од страна на Начо, пред својот гол.

До крајот на полувремето, Тибо Куртоа, со брилијанта интервенција го спречи Лукас Перез да го постигне вториот гол.

Вториот дел донесе нов „студен туш“ за Реал. Куртоа лошо исфрли една топка, Хоселу внимателно ја следеше акцијата, а откако ја пресече топката лесно ја испрати во празниот гол.

Во 62 минута, Куртоа повторно го спречи Перез да постигне гол во ситуација кога напаѓачот на Алавес беше сам пред него. Неколку минути подоцна Перез му приготви шанса на Хоселу, а неговиот удар заврши крај дирекот.

Најблиску до постигнување на гол фудбалерите на Реал беа во 92.минута, кога топката по ударот со глава на Маријано Дијаз, од гол линијата во поле ја исфрли Лагвардија.

Трошка надеж за Реал беше голот на Касемиро во 86.минута. Бразилецот најдобро се снајде по една мешаница пред голот на Пачеко.

Веќе во наредната минута Куртоа спречи гол по обидот на Борха Саинз.

Последната шанса за израмнување Реал ја имаше в 96.минута, но ударот на Иско заврши во горниот дел од гредата.

Реал го доживеа вториот пораз на домашен терен во Ла Лига, вкупно трет во првенството. Со 17 поени, Реал се на четвртото место на табелата. Од друга страна Алавес ја забележа третата победа сезонава и со 13 поени се на деветтото место.



Тренерот на Беневенто, Филипо Инзаги, ги исповалил своите фудбалери по ремито со актуелниот шампион Јувентус (1:1) во деветото коло, во Серија А.

„Пред неколку месеци игравме по кал, на терените во Серија Б. А сега останавме непоразени во дуелот со Јувентус. Малку да бевме попаметни ќе победевме“, рекол Инзаги кој како играч го носел дресот на Јувентус.

„Момците заслужија да уживаат. Во изминатите 18 месеци завршија одлична работа. Јувентус е еден од најдобрите тимови во Европа. Горд сум на моите играчи“.

Беневенто, дебитант во Серија А, во првите девет кола има освоено 10 бода и се наоѓа на делба на 12 позиција во првенството.

Еден Азар, за чии трансфер Реал Мадрид издвоија 100.000.000 евра, доживеа нова повреда.

Белгиецот го започна натпреварот со Алавес во 11.коло, во Ла Лига, но го напушти теренот пред истекот на првото полувреме. Азар се пожали на болки во ногата по половина час игра, а теренот го напушти во 37.минута.

Азар, поради повредите, го пропушти целиот втор дел од минатата сезона, а од почетокот на оваа одигра само пет натпревари.

🏥LA IMAGEN🏥

Así se ha retirado HAZARD del terreno del juego con MOLESTIAS. Minuto 37, Real Madrid 0-1 Alavés. #LaLigaSantander pic.twitter.com/pbWzMen0An

— El Chiringuito TV (@elchiringuitotv) November 28, 2020