Спорт
Првенец за Кулушевски, Рамос утна два пенали, „петлите“ триумфално во Португалија
Репрезентацијата на Шведска вечерва со 2-1 славеше против Хрватска во рамки на Лига А во Лигата на нации на УЕФА. Дебитански погодок на овој меч имаше шведскиот фудбалер со македонски корени, Дејан Кулушевски. Тој ги „начна“ Хрватите уште во 36 минута, а во последните моменти од првиот дел Даниелсон прецизно стрелаше за 2-0 за „викинзите“.
دوري الامم الاوروبية " الجولة 5 " | السويد 1 × 0 كرواتيا | هدف اول السويد ???? HD
Via : @if24hd_ pic.twitter.com/NmGrOW8FSO
— فهد منتخبات (@ibszcpoiow295) November 14, 2020
Избраниците на селекторот Далиќ одиграа слаб меч. Почесниот погодок за Хрватска всушност беше автогол на стрелецот на вториот гол за Шведска – Даниелсон.
Дербито на ова коло се играше на „Луж“ во Лисабон. Португалија предводени од Кристијано Роналдо го пречека светскиот шампион, Франција и воедно доживеа минимален пораз од 1-0.
Стрелец на победоносниот гол за „петлите“ беше Канте во 54 минута, по ударот на Рабио.
Инаку Французите беа поконкретни во првото полувреме, Марсијал промаши три чисти шанси.
Во вториот дел најдобрата прилика за израмнување ја имаше Мутињо во 75 минута по еден удар од далечина, но Лорис со парада спречи израмнување.
Во Базел Швајцарија ја пречека фаворизираната Шпанија. Домаќините го добија првото полувреме во своја корист благодарение на одличниот погодок на Фројлер во 26 минута.
Трагичар кај Шпанците беше рекордерот Серхио Рамос кој промаши два удари од белата точка, при 1-0 за Швајцарија. Рамос беше непрецизен во 57 и 80 минута(голманот Зомер одбрани), а делумно го спаси погодокот на неговиот колега Морено во 89 минута со што мечот заврши 1-1.
На стадионот на Лајпциг, селекцијата на Германија со пресврт славеше триумф против Украина, 3-1.
Гостинско водство донесе Јеремчук во 12 минута, а „панцирите“ до полувреме направија целосен пресврт. Најпрво Сане погоди во 23 минута за 1-1, а Вернер во 33 прецизно стрела за 2-1.
Конечните 3-1 со гол во второто полувреме ги постави Вернер, во 64 минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓоковиќ: Сакам да учествувам и на ОИ во 2028 година
Новак Ѓоковиќ го искористи петтото прогласување за најдобар спортист на планетата за да ги открие своите идни планови.
Српскиот тенисер, на новинарите во Мадрид им откри дека се ште не размислува за пензионирање.
„Мојата најважна цел годинава е златен медал на Олимписките игри во Париз. Верувам дека е можно, да не верувам, немаше ни да играм. Секогаш мора да верувате дека се е можно во животот. Којзнае дали повторно ќе имам таква шанса. Сакам да учествувам на Игрите во Лос Анџелес во 2028 година, но никогаш не се знае што ќе се случи.
Тој објасни и зошто решил да не игра на Мастерсот во Мадрид.
„Го подготвувам своето тело за Ролан Гарос, Вимблдон, Игрите и Ју-ес Опен и овој период е исклучително важен за мене. Планирам за две недели да учествувам на Мастерсот во Рим. Се надевам дека следната година ќе играм во Мадрид. Сè уште сум млад, ми останува уште многу време за игра“, се пошегува Ѓоковиќ, кој за околу еден месец полни 37 години.
Спорт
Крај на сезоната за Де Јонг
Фудбалерот на Барселона Френки де Јонг го повреди скочниот зглоб на натпреварот против Реал Мадрид. Холанѓанецот во финишот на првото полувреме, со помош на лекарскиот тим го напушти теренот.
Барселона ја потврди повредата на Де Јонг без да прецизира колку време ќе биде надвор од терените.
Каталонските медиуми објавија дека Холанѓанецот ќе отсуствува пет недели, што значи дека оваа сезона за него заврши.
Според истите извори, 26-годишниот холандски репрезентативец би требало да биде подготвен за Европското првенство кое е закажано од 14 јуни до 14 јули.
Холандија на ЕП ќе игра во групата Д со Франција, Полска и Австрија.
Спорт
(Видео) Филаделфија за 30 секунди испушти +5 – Њујорк во серијата води со 2:0
Њујорк Никс во нестварна завршница успеаја да ја совладаат Филаделфија со 104:101 и поведоа со 2-0 во серијата.
На Филаделфија не и помогна тоа што имаа водство од 101:96 на 30 секунди пред крајот на четвртата четвртина… Сепак, тогаш Брансон погоди тројка од дриблинг, а во следниот напад Донте ДиВинченцо покажа зошто тој е еден од најдобрите шутери во оваа сезона во НБА и тој погоди тројка.
На крајот, Тајрис Макси промаши, а Оу-Џи Ануноби од линијата за слободни фрлања го постави конечниот резултат 104:101. Џоел Ембид се обиде во последната секунда од тешка позиција, но не успеа да му донесе продолжение на својот тим.
Во демонстрација на физички напорна кошарка, која често недостасува во текот на регуларниот дел, беа забележани многу дуели кои беа полни со физички контакти.
Според американските медиуми, Сиксерси не биле задоволни од судењето, па ќе поднесат официјална жалба до раководството на НБА.
Џејлен Брунсон беше најефикасен кај победниците со 24 поени, но со очаен шут од поле – 8/29. Тој забележа и осум скока и шес асистенции. Џош Харт ги одигра сите 48 минути за тимот на Том Тибодо и за тоа време забележа 21 поен (7/16 од поле), 15 скока и три асистенции.
Донте ДиВинченцо додаде 19, Ајзеаа Хартенштајн 14, а Оу-Џи Ануноби 10 поени во тимот за кој, да потсетиме, поради повреда не настапува Џулиус Рендл.
Филаделфија го доби во нападот она што го бара од двајцата најдобри играчи, но целосно потфрли остатокот од екипата. Тајрис Максинатпреварот го заврши со 35 поени (12/22 од поле), девет скока и 10 асистенции.
Џоел Ембид одигра 39 минути и покрај тоа што се уште не е целосно закрепнат од повредата на коленото и имаше 34 поени (12/29 од поле, 8/12 слободни фрлања), 10 скока и шест асистенции.