Спорт
Официјално: Хамилтон заминува од Мерцедес во Ферари
Седумкратниот светски шампион Луис Хамилтон по завршувањето на сезоната 2024 ќе го напушти Мерцедес и ќе се пресели во Ферари, потврдија германскиот и италијанскиот тим.
„Мерцедес и Луис Хамилтон ќе ја прекинат соработката на крајот на 2024 година. Луис ја активираше клаузулата во договорот кој беше потпишан минатата година“, се вели во соопштението на Мерцедес.
Mercedes-AMG PETRONAS F1 Team and Lewis Hamilton will part ways at the end of the 2024 season. Lewis has activated a release option in the contract announced last year.
— Mercedes-AMG PETRONAS F1 Team (@MercedesAMGF1) February 1, 2024
Само неколку минути подоцна, Ферари потврди дека Хамилтон потпишал повеќегодишен договор со почеток во 2025 година.
Team Statement
Scuderia Ferrari is pleased to announce that Lewis Hamilton will be joining the team in 2025, on a multi-year contract. pic.twitter.com/moEMqUgzXH
— Scuderia Ferrari (@ScuderiaFerrari) February 1, 2024
Претходно во текот на денот се појави информација дека се работи за шокантен трансфер на Хамилтон во Маранело од 2025 година, а првата потврда дојде во форма на соопштение од Мерцедес.
Британецот во тимот ќе му се придружи на Шарл Леклер, кој неодамна потпиша нов повеќегодишен договор со легендарниот тим. Ова значи и дека Карлос Саинц јуниор ќе мора да најде нова работа.
Гласините за потенцијалната преселба на Хамилтон во италијанскиот тим се појавуваа со години, но двете страни до денес жестокот ги демантираа таквите шпекулации.
Сигурни извори тврдат дека преговорите се воделе во последните неколку дена бидејќи во исто време Ферари преговарал со Саинц за продолжување на соработката. Во моментот кога првиот човек на Ферари, Џон Елкан открил дека постои можност да го ангажира седумкратниот светски шампион, вложил се за да се оствари договорот.
Претстојната сезона ќе биде 12-та за Хамилтон во Мерцедес, тимот со кој освои шест титули во периодот од 2014 до 2020 година. Единствената преостаната титула ја освои како возач на Мекларен, но со мотор на Мерцедес, во 2008 година.
Британецот освои 90 од рекордните 103 победи како возач на германскиот тим, а во период од 11 сезони забележа вкупно 148 подиуми, со 78 пол-позиции.
Од друга страна, Ферари е без титула од 2007 година, кога на тронот на Формула 1 беше Кими Раиконен. Меѓу другите, Фернандо Алонсо, Себастијан Фетел и Шарл Леклер останаа со кратки ракави во борбата за титулата како возачи на италијанскиот тим.
Преселбата на Хамилтон во Ферари целосно ќе ја отвори ситуацијата околу преодниот рок во Формула 1. Како главен кандидат за замена на Британецот се споменува Алонсо, додека Саинц неочекувано остана без место. Она што е познато е дека Џорџ Расел има договор со Мерцедес до крајот на следната сезона, дека Макс Верстапен е врзан за Ред Бул до 2027 година, како и Ландо Норис со Мекларен.
Овогодинешниот шампионат во Формула 1 започнува со Големата награда на Бахреин на 2 март.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Му платија 700 милиони долари, веднаш направи нешто што МЛБ досега не видела
Јапонскиот бејзбол играч Шохеи Охтани, изминатата ноќ, влезе во историјата на МЛБ.
Шохеи Охтани дојде во Лос Анџелес Ејнџелес како фрлач (pitcher) и веднаш стана голема ѕвезда бидејќи правеше работи кои не се видени во модерниот спорт, а тоа е да игра и во поле и покрај тоа што е фрлач.
Јапонецот уриваше рекорди во фрлања и погодоци (хоум ран), па го привлече вниманието на градскиот ривал Лос Анџелес Доџерс кој му плати дури 700 милиони долари.
Овој 10-годишен договор е најголемиот во историјата на спортот, а лудилото допрва ќе следи бидејќи Шохеи Охтани направи нешто што досега не е видено.
Шохеи Охтани игра на позицијата удирач и стана првиот играч во историјата на МЛБ кој има 50 хоум ран (погодок кога топката оди преку трибините и не може да се фати) и 50 украдени бази (кога играчот ќе стигне до базата пред да дојде топката до неа).
„Овој спорт се игра повеќе од 200 години, никој во историјата на лигата не го направил она што него му успеа“, изјави тренерот на Лос Анџелес Доџерс, Дејв Робертс.
Рекордот беше соборен во Мајами за време на натпреварот помеѓу Доџерс и Марлинс, во седмиот ининг Охтани влезе во историјата.
Спорт
Симеоне: Овој формат на ЛШ ве тера да играте на победа
Тренерот на Атлетико Мадрид, Диего Симеоне изјави дека е задоволен од исходот на натпреварот против Лајпциг.
Фудбалерите на Атлетик во четвртокот го победија Лајпциг со 2:1, во натпреварот од првото коло во Лигата на шампионите.
Шпанскиот клуб победи со голот на дефанзивецот Хосе Марија Хименез во 90. минута.
„Овој формат нè принудува да победиме, од нерешен резултат има малку корист. Целосно сум задоволен, натпреварот беше многу добрар. Ова ќе го кажев и доколку завршеше нерешено. Игравме на различни начини и со различни играчи. Играчите добро го протолкуваа тоа и добивме важен натпревар. Се се одвиваше онакак како што замисливме, контролиравме 80 проценти од играта“, изјави Симеоне по мечот.
Клубот од Мадрид во недела ќе му гостува на Рајо Ваљекано во шестото коло од шпанската лига.
Спорт
Ембид ќе заработува 64 милиони долари по сезона
Џоел Ембид е еден од најдобрите центри во денешната НБА и е член на Филаделфија ’76 од почетокот на кариерата.
Според Шемс Чаранија, моментално единствениот активен НБА инсајдер, Филаделфија ќе му плати на Џоел Ембиид 193 милиони долари во следните три сезони.
Максималниот договор трае до 2028/29 година и тоа значи дека Ембид ќе заработува 64,33 милиони долари годишно, или ќе инкасира над 301 милион долари за пет години со стариот максимален договор.
Тоа е еден од најголемите договори во историјата на НБА.
Ембид дојде од Универзитетот Канзас во НБА во 2014 година кога Фили го избра од третата позиција на драфтот. Тој беше МВП во 2023 година и член на идеалната петорка.
Ембид е седумкратен Ол-стар, двапати водечки стрелец во лигата, четири пати член на втората најдобра петорка во лигата и три пати се најде во вториот најдобар одбранбен тим во лигата.