Спорт
Олимписката легенда Фара не успеа да се квалификува за Токио

Четирикратниот олимписки шампион, Британецот Мо Фара не успеа да се квалификува за Олимписките игри во Токио и нема да ја брани својата титула на 10.000 метри.
Фара, кој има освоено две злата на 5.000 метри и две на 10.000 метри, не успеа да го постави потребното квалификациско време на Британскиот шампионат во Манчестер. Нему му беше потребно време од 27:28.00, но наместо тоа истрча 27:47.04 и нема да ја брани титулата од 2012 и 2016.
„Излегов таму и го дадов мојот максимум. Имав прекрасна кариера и благодарен сум на тоа. Тоа е се што можев да направам. Вечерва не бев доволно добар“, вели Фара.
Трката во Манчестер беше поставена токму за Фара да може да постави квалификациско време. Ова беше првпат по цела деценија тој да загуби трка на 10.000 метри, откако од 2017 се фокусираше на маратонските трки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
БиХ избори осминафинале на Евробаскетот

Кошаркарите на Босна и Херцеговина ја победија Грузија во Лимасол (84:76) и со тоа обезбедија осминафинале на Европското првенство.
Босанците, кои во најголеиот дел го контролираа натпреварот, малку се коцкаа во во последната четвртина, но на крајот заслужѓено славеа.
Грузијците успеаја да анулираат предноста на Босанците од 15 поени, на седум минути до крајот резултатот беше 71:71 и тука застанаа. Во наредните нешто повеќе од пет минути, избраниците на поранечниот македонски селектор, Александар Џикиќ, не постигнаа ниту еден поен, противникот направи серија 9:0 и го реши мечот.
Грузија и покрај поразот се уште има шанса за пласман во нокаут фазата, , вечерва од 20.30 часот Грција треба да ја победи Шпанија.
Најдобри кај БиХ беа Јусуф Нуркиќ со 15 поени и 12 скока, Џон Роберсон додаде 15 со пет асистенции, а Александар Лазиќ имаше 13 поени.
За Грузија, Сандро Мамукеласвили постигна 20 поени со осум скока, Камар Болдвин постигна 18, а Гога Битадзе имаше 15 поени и пет скока. Целосно потвфрли најдобриот грузиски играч, Токо Шенгелија со шест поени, пет скока и четири асистенции.
Foto/ FIBA
Спорт
Левандовски одбил плата од 100 милиони евра за сезона

Преодниот период во Европа заврши, но сè уште трае во арапскиот свет, иако веќе е познато дека Саудијците нема да ги остварат плановите. Ал Хилал и Ал Наср, клубови со неограничени финансиски можности и големи навивачки бази, се обидоа да го реализираат трансферот на Роберт Левандовски.
За разлика од повеќето играчи, кои привлечени од богатите винансиски договори се селат во Саудиска Арабија, Полјакот рекол : Не.
„Мундо Депортиво“, повикувајќи се на неименуван поратал од Саудиска Арабија, објави дека понудата за Левендовски била 100.000.000 евра фиксно, плус бонуси, само за една година од договорот.
Левандовски е решен да ја нападне Лигата на шампионите со Барселона и да се обиде да ја одбрани титулата во Шпанија.
Зад оваа можност стои Пини Захави, влијателен менаџер, кој со години ја води кариерата на поранешниот напаѓач на Борусија Дортмунд и Баерн, кој, како што се истакнува понатаму во текстот, ги поканил саудиските клубови повторно да се обидат во јануарскиот преоден рок или можеби следното лето.
Полјакот, Левандовски има договор со Каталонците до јуни 2026 година, со можност за обновување до летото 2027 година.
Foto/ EPA
Спорт
Екс-играч на Челзи го засили Клуж

Курт Зума стана нов фудбалер на Клуж, објави романскиот клуб.
Искусниот дефанзивец потпиша двегодишен договор со Романците, со опција за продолжување на соработката за уште една сезона.
Тој пристигнува во Клуж како слободен агент, откако се раздели со Вест Хем ова лето. Може да се каже дека ова е еден од најголемите трансфери во оваа земја во последните години.
Во текот на својата кариера, Зума ги носеше дресовите на Евертон, Стоук, Сент Етјен, Челзи.
Фото/ Принтскрин