Светскиот рекет број 1, Новак Ѓоковиќ, беше најголемата надеж на Србија за две нови златни медали, но тие паднаа во вода по двата пораза во сингл и во мешани двојки во полуфиналето по што, единствено, за што може да се надева, е бронзен медал.

Со овој неуспех Србинот нема да може да го повтори успехот на Штефи Граф од 1988 година, која останува единствената тенисерка на светот која во една година ги освоила четирите гренд слема и олимписко злато во сингл.

Особено болеше поразот во сингл од Александер Зверев откако тој водеше со 6:1/3:2, па загуби 10 од следните 11 гема.

„Тоа е спортот. Тој беше подобар. Играта ми се распадна, застанав и му дадов шанса да се врати во игра. Не пристигнав свеж во Токио, бев многу изморен, но и многу мотивиран за медал. Во моментот се чувствувам ужасно, но сега ќе морам да закрепнам и да донесам барем еден медал за мојата земја“, вели Србинот.

Валтери Ботас во Мерцедес го имаше најдоброто време на вториот тренинг пред Унгарското ГП, совладувајќи го својот колега Луис Хамилтон за минијатурни 0.027 секунди.

Нивниот ривал од Ред бул, Макс Ферстапен, не успеа да го повтори првото место од првата сесија со трето место, додека неговиот колега, Серхио Перез беше далеку на петтото место. Изненадување направија двата возачи на Алпине – Фернандо Алонсо, кој вчера наполни 40 години беше седми, додека Естебан Окон беше петти.

Двата болиди на Ферари не успеаја да влезат во топ 10, додека малку разочарувачка беше формата и на Мекларен – Лендо Норис беше 9., а Даниел Рикардо само на 13. место.

Температурите во Унгарија беа високи, а на температурата на патеката беше околу 60 степени, иако интересно, за неделната трка има прогнози за можен дожд.

FP2 CLASSIFICATION

The running order from our second session of the weekend!#HungarianGP 🇭🇺 #F1 pic.twitter.com/G5S3JV3wjH

— Formula 1 (@F1) July 30, 2021

Манчестер сити ќе го срушат британскиот рекорд за трансфери, носејќи го Џек Грилиш од Астон вила за 100 милиони фунти, тврдат британските медиуми.

Пеп Гвардиола одамна е заинтересиран за 25-годишниот капитен на Астон вила, а понудата ќе го сруши британскиот рекорд за трансфери и се очекува да биде комплетиран следната недела. Грилиш, секако, ќе добие повеќекратно зголемување на својата плата од 160.000 фунти неделно која ја добива на „Вила парк“.

Според „Телеграф“, првите преговори помеѓу двата клуба се случиле оваа недела, и Сити првично понудиле 100 милиони фунти, и сега преговараат за „пакет“ кој би бил прифатлив за Вила. Додека се вршат овие преговори, Грилиш е на Миконос на одмор и треба да се појави на тренинзи следната недела.