Спорт
Во спорт во кој се бројат стотинките, Мерцедес им ја украде предноста во боксот на Ред бул
Советникот на Ред бул, Хелмут Марко ги обвини Мерцедес дека успеале да им ја „украдат“ предоста која Ред бул ја има со влегувањето во боксот оваа сезона.
Ред бул постојано се фалат со својот „најбрз тим во боксот“, откако имаа пет најбрзи влегувања во боксот во седумте трки оваа сезона. Најбрзото влегување во боксот им беше 1.93 секунди, а исто така се сопственици на светскиот рекорд од 1.82 секунди за промена на четирите гуми на Макс Ферстапен на Бразилското ГП во 2019 година.
Меѓутоа, ФИА, по барање на Мерцедес, воведе нова техничка директива со која треба да се успорат менувањата на боксот, посебно на тие под 2 секунди. Тимовите сега ќе мораат да ја почитуваат границата од минимум 0.15 секунди реакција меѓу поставувањето на гумите до „пуштањето“ на болидот, а потоа ќе следат и дополнителни 0.2 секунди од дозволувањето болидот да тргне. Иако се работи за делови од секундата, Марко вели дека Мерцедес се виновни за ова.
„Мерцедес бараа таква предност бидејќи сакаа да ни ја украдат предноста која ја имавме во пит стопот. Сега ќе губиме до 4 десетинки од секундата. Седум години напорна работа и тренинг отидоа одеднаш“, вели Марко.
Шефот на Мерцедес, Тото Волф призна дека неговиот тим барал промена на правилата, но поради безбедносни причини.
„Ние побаравме од ФИА безбедносен механизам кој е поврзан со системот кој го користиме за да знаеме како да го оптимизираме. Тоа го направивме пред три-четири недели и се работи чисто за технолошко прашање. Дали ќе има и друго влијание? Не знам, но нашето прашање беше такво“, вели Волф.
Red Bull clocked the fastest pit stop EVER in Sao Paulo ⏱
But it was almost cancelled out seconds later ?#BrazilGP ?? #F1 pic.twitter.com/Zk0bPLimNc
— Formula 1 (@F1) November 19, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.