Спорт
Време е за „вистинското“ – денеска стартува осминафиналето на ЕУРО 2020
Веќе нема калкулирање, нема шанси за поправен меч, за „провлекување“ во наредната фаза – денеска почнуваат осминафиналните дуели на ЕУРО 2020 со 16 желби за успех и слава.
Денеска, прво во 18 часот, на „Јохан Кројф арената“ во Амстердам се сретнуваат Велс и Данска, две репрезентации кои не се сметаат за фаворити на турнирот, пред во 21 часот на „Вембли“ во Лондон, фаворизираните Италијанци да се судрат со нашиот добар познаник, репрезентацијата на Австрија.
Велшаните се надеваат на неверојатна реприза на 2016 година, кога успеаја да ги елиминираат фаворизираните Белгијци и да стигнат до полуфиналето, каде што загубија од евентуалниот шампион Португалија. Овојпат, малкумина веруваат во нивните шанси за голем резултат, но со расположениот Герет Бејл, кој беше еден од најдобрите во натпреварите по групи, можно е изненадување.
Данците, пак, емотивно успеаја да се пласираат во осминафиналето откако ги загубија првите два меча, а покрај тоа беа потресени со целата ситуација околу Кристијан Ериксен и неговиот срцев напад. Статистиката не е на нивна страна – по славната победа на ЕУРО 1992 (кога влегоа на турнирот како замена за поранешна Југославија), тие немаат сврзано две победи на ЕП.
Ако во првиот меч на денот нема фаворит, во вториот „аѕурите“ на Роберто Манчини влегуваат како апсолутни фаворити против Австрија. По „националната катастрофа“ и неуспехот да се квалификуваат на СП во 2018 година, Манчини го трансформираше својот тим и сега имаат неверојатна серија од 11 победи без примен гол и немаат пораз 30 меча. Покрај тоа, Италија нема загубено од Австрија во последните 13 меѓусебни меча, серија која трае од 1962 година.
Австријците, сепак, покажаа дека се сосема сериозен тим. Предводени од капитенот Давид Алаба, тие конечно првпат во историјата победија на два натпревари од едно Европско првенство (против Македонија и Украина) и ќе ја чекаат својата шанса.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.