Фудбалската јавност во Англија шпекулира за кам-бек, што до темел ќе ја стресе Премиер лигата. Жозе Мурињо е подготвен веднаш да се врати на клупата на Челзи.

По отпуштањето на Енцо Мареска, поради лоша серија резултати, Челзи повторно бара нов главен тренер, а името на „Специјалниот“, наводно е при врвот на таа листа.

Иако Мурињо неодамна се врати во Бенфика, клубот каде што ја започна својата тренерска кариера и кој самиот го опиша како „стара љубов“, извори тврдат дека тој би го напуштил Лисабон без многу размислување доколку повикот дојде од „Стемфорд Бриџ“.

Според новинарите на Индикаиле, Мурињо не ја крие желбата да се врати во Лондон.

„Жозе Мурињо сака да се врати на позицијата тренер на Челзи и е подготвен веднаш да го преземе тимот доколку клубот го контактира. Челзи е неговата вистинска љубов, но се чини дека чувството не е взаемно. Челзи сака современ тренер“, се наведува во извештајот.

Токму во таа последна реченица лежи клучот за дилемата – додека Мурињо јасно покажува емоции и подготвеност да го прекине штотуку започнатиот проект во Бенфика, раководството на Челзи наводно разгледува „современи“ и подолгорочни решенија, поради што неговото враќање засега е повеќе носталгија отколку за конкретни планови на клубот.

Мурињо испиша историјата на Челзи во два мандата. Првиот мандат го започна во 2004 година и, со поддршка на Роман Абрамовиќ, го врати клубот на врвот на англискиот фудбал по 50-годишно чекање, пред да замине во 2007 година.

Неговиот втор мандат започна во 2013 година и заврши на крајот од 2015 година. Со „сините“ освои три титули во Премиер лигата, ФА Купот, три Лига Купови и Комјунити Шилд.

По краткиот и турбулентен престој во Фенербахче, Мурињо ја презеде Бенфика, но очигледно враќањето во клубот каде што ја започна својата тренерска кариера нема да биде пречка доколку добие покана од неговиот омилен клуб.

Во својата кариера, тој ги водеше и Порто, Интер, Реал Мадрид, Манчестер Јунајтед, Тотенхем и Рома.

Foto/ depositphotos

Европската јавност е во шок од трагедијата во клубот „Le Constellation“ во швајцарскиот скијачки центар Кран-Монтана, каде што 40 лица загинаа, а 115 беа повредени на новогодишната ноќ.

Меѓу повредените е и францускиот фудбалер, Тахирис Дос Сантос, кој игра за Мец, има само 19 години и добил тешки изгореници од пожарот што избувнал.

Животот на Дос Сантос не е во опасност, но тој бил итно префрлен во болница со хеликоптер, каде што добил медицинска помош.

Неговиот клуб, Мец, објави дека најважно во моментов е состојбата на 19-годишниот играч да се стабилизира, за да може да биде префрлен во друга болница, поблиску до неговото живеалиште.

„ФК Мец со длабока тага објавува дека Тахирис Дос Сантос, играч на клубот по потекло од Мон Сен Мартен, е повреден во пожар што избувна во Кран Монтана (Швајцарија) на новогодишната ноќ. Тешко повреден, 19-годишниот млад играч е префрлен со хеликоптер во Германија, каде што е хоспитализиран и добива медицинска нега.

Длабоко потресени од оваа вест, администраторите на клубот, играчите, тренерите и персоналот се во шок и ги испраќаат своите мисли до Тахирис во овој тежок момент додека се бори со болка. Клубот, исто така, изразува целосна поддршка на неговото семејство и работи со медицинските власти за Тахирис да биде префрлен во болницата „Мерси“, близу до неговиот дом.

„Дополнителни информации за состојбата на Тахирис ќе бидат објавени доколку има значителни промени во неговото здравје. Дотогаш, ФК Мец ги моли сите да ја почитуваат приватноста на Тахирис и неговото семејство“, се вели во соопштението.

Лос Анџелес Клиперс, изминатата ноќ ја победија Јута со 118:101 благодарение на уште една феноменална партија на Кавај Ленард.

Откако постигна 41 поен против Хјустон, 28 против Портланд, 55 против Детроит, 33 во Сакраменто, Леонард блескаше против Јута со 45 поени.

Харден го следеше со 20, Николас Батум додаде 14, што беше повеќе од доволно за шестата последователна победа на Клиперси, кои се во најдобра форма од почетокот на сезоната.

Тие се уште се надвор од плеј-ин зоната, но се најблиску до неа од почетокот на сезоната, која ја започнаа катастрофално, но сега се во голем налет и се чини дека е само прашање на време кога ќе го заземат местото што им припаѓа. Клиперси го решија мечот во последниот период, на почетокот од четвртината, постигнаа седум последователни тројки.

Гостите не може повеќе без тројца од стартната петорка: Лаури Марканен, Јусуф Нуркиќ и Кијонте Џорџ.

Во нивно отсуство, Кајл Андерсон се истакна со 22 поени, што е негов прв натпревар од 20+ поени по речиси три години, потоа Брајс Сенсабо со 20 и Коди Вилијамс со 18 поени. Исаија Колиер додаде 16 поени и 10 скока.

Џез го претрпеа шестиот пораз во последните осум натпревари.

Сигурни победи синоќа постигнаа Бостон против Сакраменто на гости (120:106) и Филаделфија исто така како гостин против Далас (123:108).

Кај Селтикс, Џејлен Браун, и покрај катастрофалните 1/9 во шутот за три поени, успеа да го заврши натпреварот со 29 поени (вкупно 11/25 од поле). Тој беше еден од седумте „двоцифрени“ поени кај победниците.

Дерик Вајт постигна 16 поени, колку што постигна и Пејтон Причард, Сем Хаузер имаше 15 (5/7 за три поени), Анферни Симонс додаде 14 (4/7 за три поени), Нимијас Кета 13. Демар ДеРозан беше најефикасен во поразениот тим со 25 поени, Денис Шредер имаше 18, но тоа не беше доволно за Кингс да го избегнат деветтиот пораз во последните 11 натпревари.

Во натпреварот помеѓу Далас и Филаделфија, Тајрис Макси се истакна со 36 поени, 10 асистенции и осум скока, што, заедно со 22-та поени на Ембиид и уште една одлична игра на дебитантот, Ви Џеј Еџкомб, беше доволно за победата во Тексас.

Foto/ EPA