Спорт
Осум европски клуба веќе обезбедија пласман на Светското клупско првенство

ФИФА лансираше онлајн алатка за рангирање на клубови за да им овозможи на навивачите да го следат напредокот на клубовите во трката за место на првото Светско клупско првенство на ФИФА во 2025 година.
Оваа алатка следи кои тимови ширум светот се квалификувале, или се уште се во игра да се најдат во конкуренција на 32-те тима што ќе учествуваат на турнирот, кој ќе се одржи во Соединетите Американски Држави.
Клубовите кои веќе обезбедија квалификации за првото издание на Светското клупско првенство на ФИФА се:
Африка: Видад Атлетик клуб (Мароко) и Ал-Ахли (Египет)
Азија: Ал-Хилал (Саудиска Арабија), Урава Ред Дајмондс (Јапонија)
Европа: Челзи (Англија), Реал Мадрид (Шпанија), Манчестер сити (Англија), Баерн Минхен (Германија), Пари Сен Жермен (Франција); Интер (Италија), Порто (Португалија), Бенфика (Португалија).
Северна и Централна Америка и Карибите: Монтереј (Мексико), Сиетл Саундерс (САД), Леон (Мексико).
Океанија: Окленд сити (Нов Зеланд).
Јужна Америка: Палмеирас (Бразил), Фламенго (Бразил), Флуминенсе (Бразил).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Монако му нуди тригодишен договор на Миротиќ

Монако блеска оваа сезона во Евролигата, тие се на чекор до пласман на завршниот турнир, но во Кнежевството веќе размислуваат за засилувања за следната сезона.
Монако води со 2:0 во плејоф серијата од елитното натпреварување против Барселона и уште една победа би им обезбедила пласман на завршниот турнир во Абу Даби.
За следната сезона, според медиумите, прва желба е крилниот центар на Армани Милано, Никола Миротиќ.
Миротиќ не му донесе успех на Армани оваа сезона, но беше лидер на тимот на Еторе Месина.
Црногорецот со шпански пасош има договор со Миланезите уште една година, но има опција со која би можел да ја раскине соработката.
Како што објави новинарот Чема де Лукас, Монако е подготвен да му понуди тригодишна соработка на Миротиќ, кој оваа сезона постигнува 17,7 поени со 6,4 скока и две асистенции по натпревар.
Спорт
Реал е подготвен да го продаде Родриго

Крилниот напаѓач на Реал, Родриго, е на мета на критики поради лошата форма во последните два месеци.
Според извори блиски до клубот, доколку пристигне соодветна понуда ова лето, фудбалерот ќе го напушти „Сантијаго Бернабеу“, пишуваат шпанските медиуми.
Тренерот Карло Анчелоти не е задоволен од играта на напаѓачот, кој постигна само четири гола на 30 натпревари оваа сезона.
И покрај довербата што му беше укажана на почетокот на сезоната, Родриго сезонава нема никакво влијание во играта на Реал, а исто така не е ефикасен во завршниците.
Навивачите исто така изразија незадоволство од неговите настапи, а некои од нив веруваат дека продажбата би била најдобрата опција за двете страни.
Клубот е отворен за преговори, но нема да прифати понуда под пазарната вредност на играчот.
Според „Трансфермаркт“, Бразилецот вреди 100 милиони евра.
Спорт
Реал Мадрид и Баер Леверкузен (веќе) имаат нови тренери

Еден ден откако беше објавено дека Карло Анчелоти постигнал договор со Бразилската фудбалска асоцијација, европските медиуми го промовираа не само новиот тренер на Реал, туку и новиот тренер на Баер Леверкузен.
Во Шпанија речиси и да не се доведува во прашање дека Чаби Алонсо, кој помина три сезони на „Бај Арена“ и минатата сезона оствари еден од најголемите подвизи во модерната историја на европскиот фудбал, ќе стане тренер на „кралскиот клуб“.
Алонсо во кариерата, пет сезони го носеше дресот на Реал, одигра 236 натпревари од и учествуваше во освојувањето на пет трофеи.
Алонсо долго време беше проектираниот наследник на Анчелоти, а се укажува на тоа дека и во Леверкузен биле подготвени. Според „Скај Спорт Германија“, Баск ќе го наследи Баскот на „Бај Арена“.
Баер следната сезона треба да го предводи Иманол Алгуасил Баренечеа, човек кој со голем успех го води првиот тим на Реал Сосиедад од 2018 година.
Иманол Алгуасил е континуирано ангажиран во Сан Себастијан од 2011 година, кога стана тренер на младинскиот тим, потоа асистент во „Б“ тимот, потоа и тренер на тимот „Б“ и на крај го презеде првиот тим.
Под водство на Алгуасил, Сосиедад заврши под 10-то место само во првата сезона, а потоа рангирањата беа: 9-то, 6-то, 5-то, 6-то, 4-то и 6-то место минатата сезона. Тие во катуелната сезона се наоѓаат на 10-то место.