Динамо Загреб и Левски од Софија го договориле трансферот на репрезентативецот на Курасао Најџел Роберта.

Динамо за трансферот на 22-годишниот напаѓач ќе издвои 950.000 евра. Бугарските медиуми, објавија дека преговорите помеѓу двата клуба траеле речиси еден месец и дека наскоро се очекува трансферот да биде официјално потврден.

Роберта, кариерата ја започнал во академијата на Феенорд, играл за сите младински селекции на Холандија, според „Трансфермаркт“, неговата вредност на фудбалскиот пазар изнесува 1.300.000 евра.

Италијанскиот напаѓач Филипо Фалко до крајот на оваа недела ќе потпише договор со Црвена звезда. „Скај Спорт Италија“, објави дека српскиот шампион на Лече, за услугите на Фалко, ќе им плати 1.500.000 евра.

Според овој извор, Црвена звезда и Лече се договориле, трансферот на Фалко, да биде платен во две рати.

Овој 28-годишен фудбалер, во актуелниот преоден рок имал понуди од Парма и Сасуоло. Понудите на клубовите кои играат во Серија ги одбил бидејќи не му гарантирале дека ќе биде стартер.

Фалко, во кариерата, бил играч на Болоња, Реџина, Јуве Стабија, Трапани, Чезена, Беневенто и Перуџа.

Зинедин Зидан ја задржа присебноста и покрај сензационалната елиминација на Реал Мадрид од Купот на Шпанија. „Кралскиот клуб“ синоќа со играч повеќе во дополнителните 30 минути беше поразен од членот на Третата лига, Алкојано со 2:1.

По овој шокатнтен пораз сериозно е разнишана позицијата на Зидан во Реал. Реал против Алкојано излезе со респектибилиен тим, од стартерите на теренот ги немаше Куртоа, Варан, Рамос, Модриќ и Карвахал, а во второто полувреме на теренот влегоа Азар, Бензема, Крос и Марко Асенсио.

„Мирен сум, мислам дека момците сакаа да победат. Мислам дека играчите сè уште ми веруваат. Да почекаме да видиме што ќе се случи во наредните неколку дена. Направивме неколку добри работи од почетокот на сезоната, за жал, тоа не е така во последно време“, рекол Зидан по натпреварот.

„Ја прифаќам вината. Како тренер јас сум одговорен“.