Спорт
Оваа тројка не може да игра заедно, Покетино треба да бега од ПСЖ
Манчестер сити, со победата на ПСЖ (2:1), го обезбеди првото место во својата група, во Лигата на шампионите. По мечот аналитичарите и медиумите се согласни дека дуелот на „Итихад“ го покажал сите слабости во играта на ПСЖ. Се потенцира тимската игра на ПСЖ, против ѕвездите од Париз, кои не делувале како тим.
Англичаните, го советуваат Маурицио Покетино да се замине од клубот и да ја прифати понудата од Манчестер јунајтед.
„Да сум на негово место би избегал од таму. Невозможно е да играте со Нејмар, Мбапе и Меси“, рекол Џејми Карагер, потенцирајќи дека Покетино мра да прави компромиси за да ги задоволи егата на големите ѕвезди.
„Невозможно е да се браните со седум фудбалери. Тие тројца не играат одбрана. Не можете да си дозволите таква игра. Бековите секогаш имаат проблем, секогаш се сами против тројца. На Покетино не му дозволуваат да биде Покетино. И како треба да одговори? Со Ди Марија во средината, тоа е дополнителен проблем и тој не може да помогне во одбраната“, рекол Тиери Анри.
На оваа изјава на Анри се надоврза Мајл Овен, поранешниот фудбалер на Ливерпул, реал и Манчестер јунајтед.
„Врзани му се рацете. Едноставно не може да елиминира ниту еден од тројцата напаѓачи. Во Манчестер јунајтед би добил простор за работа, би можел да го составува тимот како што сака“.
„Манчестер сити се тим за разлика од ПСЖ и покрај тоа што има страшен индивидуален квалитет. На крајот секогаш победува тимската работа“, изјавил Алесандро дел Пјеро.
„Лекип“, најмногу го критикува Лионел Меси. За својата изведба Аргентинецот, на скалата од 1 до 10, доби четворка.
„Тој направи неколку добри работи, но да се разбереме Меси има посебни стандарди. Тој е далеку од она што се очекува од него. Повеќе не прави никаква разлика во последната третина од теренот“, пишува во коментарот на „Екип“ и дополнува дека неиграњето на Марко Верати му ги расипало сите планови на Покетино.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…