Спорт
Пандев: Ако продолжи сезоната сакам Лацио да биде шампион

Капитенот на македонската фудбалска репрезентација Горан Пандев за „Арена Спорт“, открил дека сака Лацио да ја освои титулата доколку продолжи сезоната во Серија А. Доколку првенството не продолжи смета дека не треба никој да испадне туку дека лигата треба да се прошири со два тима од Серија Б.
Фудбалерите во Италија од 4 мај добија дозвола индивидуално да тренираат, а во тренинг центрите доколку ништо не се смени ќе се вратат на 18 мај.
„Секој ден сме во контакт со луѓето од клубот, во контакт сме и ние играчите. Требаше да започнеме да тренираме во групи на 4 мај, но од тоа нема ништо го одложија за 18 мај. Сепак се уште нема дефинитивна одлука дали ќе продолжи Серија А, не е одреден датумот, не се знае дали ќе почнеме или првенството ќе биде одложено. Од 4 мај ќе можеме да тренираме надвор индивидуално, но се уште нема да можеме да тренираме во нашите бази. И ова решение не е најдобро, подобро е да тренираме во нашите бази таму имаме подобри услови, бака треба да трчаме по парковите каде што има други луѓе.
Дали е најдобро да се прекине сезоната во Серија А?
„Мислам дека тоа е најреално, многу луѓе починаа. Доколку почнеме да играме ќе играме без публика, а да се игра без публика не е тоа тоа. Не знам што да кажам ако продолжиме ќе мораме да имаме подготовки, два месеци седиме дома, можеби нема да биде проблем да ја истуркаме оваа сезона но што е со следната. Ако продолжиме помалите тимови ќе имаат проблем, Не сме ние Јувентус, немаме 22-23 фудбалери„.
Ако не продолжи сезоната кој ќе испадне од лигата?
„Мислам дека нема да биде прогласен шампионот, лигата треба да се прошири, а наредната сезона да испаднат четири тима. Од втората лига би требало да влезат Беневенто и Кротоне. Мислам дека најреално е да нема шампион и да не се испаѓа од лигата“.
Доколку сезоната продолжи кој е неговиот фаворит за титулата?
Навивам за Лацио, влегоа во врвна форма. Ако продолжи сезоната мислам дека Лацио има најголеми шанси да го освои скудеото. Навивам за Лацио шест сезони бев таму“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
За Ендрик нема место во Реал

Младиот бразилски напаѓач, Ендрик не успева да се наметне во Реал под команда на Чаби Алонсо. Бразилецот е закован за клупата, не одигра ниту една секунда од почетокот на сезоната и се очекува во јануари да биде испратен на позаијмица.
Пред неколку недели Ендирк се поврзуваше со Валенсија, а бразилскиот „ESPN“ пишува дека Марсеј се приклучил во трката.
Тимот предводен од Роберто де Зерби има бод помалку од првопласираниот Пари Сен Жермен и се чини дека би можеле да се борат оваа сезона за титулата.
Со оглед на тоа што Африканскиот куп на нации доаѓа во зима, Марсеј ќе биде без Обамејанг и Гири со што ќе се отвори дупка во нападот и потенцијален проблем во трката за трофејот.
Ендрик би можел да биде решението. Засега, Бразилецот не сака да брза со одлуката, но очигледно е дека ќе мора да замине од Мадрид доколку сака да игра и да се избори за место во репрезентацијата која ќе настапи на Светското првенство следното лето.
Спорт
„Модриќ, Џеко, Варди. Кој ќе плати за да гледа гробишта за слонови?“

Италијанскиот фудбалски новинар Паоло Барџиѓа предизвика бурни реакции откако објави нова епизода од подкастот „Центрокампо“, каде што даде низа остри коментари против одредени фудбалски ветерани, вклучувајќи го и Лука Модриќ.
Неговите изјави, кои ги пренесоа „Milannews.it“ и бројни корисници на социјалните мрежи, предизвикаа бран полемики во Италија.
Во клип кој брзо стана вирален, Барџиѓа ја спореди италијанската Серија А со „гробишта на слонови“, алудирајќи на фактот дека клубовите сè повеќе им даваат шанса на играчите во доцните фудбалски години, наместо на помладите таленти.
Како примери ги наведе Лука Модриќ, Един Џеко и Џејми Варди.
„Модриќ во Милан, Џеко, Варди… Тие се готови како играчи! Кој ќе плати за да гледа гробиштата на слонови? Го носите Ричи за 25 милиони, а играте со некој што има 40 години!“, рече Барџиѓа, предизвикувајќи лавина реакции од јавноста.
Сепак, формата на хрватскиот ас ги негира сите негови тврдења. Лука Модриќ, кој ова лето пристигна во Милано како слободен агент од Реал Мадрид, продолжува да докажува дека возраста не е пречка за него. Од почетокот на сезоната, тој ги одигра сите шест натпревари од Серија А во почетниот состав и e еден од клучните играчи во тимот на Масимилијано Алегри.
„Росонерите“ моментално се на третото место на табелата, а примија само три гола.
Покрај тоа, „Ла Газета дело Спорт“ наведува дека Модриќ е на самиот врв во лигата по бројот на прецизни додавања и точноста на додавањата, поради што раководството на Милан веќе планира да му понуди продолжување на договорот.
Спорт
„Нејмар во Интер? Глупости!“

Во изминатите неколку дена се појави информација дека Нејмар бил понуден на Наполи и Интер ова лето, но повредата го натерала да остане во Сантос.
Бидејќи неговиот договор со Сантос истекува на крајот од годината, извесно е дека брилијантниот напаѓач ќе го промени клубот.
Се споменуваше Интер Мајами, каде што ќе им се придружи на Меси и Суарез, а се пишуваше дека повторно ќе биде понуден на клубови од Серија А.
Сепак, тоа нема да биде Интер од Милано, бидејќи спортскиот директор на овој клуб, Пјеро Аусилио, ги негираше тврдењата на медиумите.
„Нејмар во Интер? Тоа се глупости! Никогаш не сме разговарале за тоа, ниту сме испратиле понуда. Се обидовме со Лукман, но напредокот на Пио Еспозито и Бони ни овозможи да видиме напредок. Исто така, го следевме Хојлунд“, рече Аусилио во интервју за „Кориере дело Спорт“.