Спорт
Пандев: Сакам опстанок за Џенова и пласман летово со Македонија на ЕП

Капитенот на македонската фудбалска репрезентација, Горан Пандев (36) во интервју за порталот „Ил Секоло“ од Џенова говори за неговите планови и ѓелби во иднина.
Пандев е дециден дека во моментов му се најбитни опстанокот на Џенова во Серија А и пласманот на Македонија на ЕУРО2020.
„Играм за Џенова, најстариот клуб во Италија, а ова е навистина ‘жешка’ околина. Имам играно во големи клубови порано, но луѓето на стадионот ‘Луиџи Ферарис’ можат да ви дадат екстра мотив. Мораме да избориме опстанок во Серија А. Сакам да ја завршам кариерата во Џенова и со изборен пласман на Европското првенство во лето со Македонија. Со нациоаналниот тим во март имаме плеј-оф против Косово, тоа ќе биде натпревар на животот“ – вели меѓудругото Горан Пандев.
Тој 5 сезони е дел од Џенова и постојано покажува и докажува како се бранат боите на клубот и репрезентацијата.
Крајот на неговата фудбалска кариера се доближува, па евентуалниот пласман на ЕП со репрезентацијата би било одлична можност да каже збогум на фудбалот на најдобриот можен начин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Касано: Италијанското првенство е скандалозно лошо

Поранешниот италијански напаѓач Антонио Касано (43) го критикуваше квалитетот на Серија А. Касано рече дека лигата се одржува во живот само од страста на навивачите, додека нивото на фудбал во Италија е во целосна стагнација. Касано верува дека на играта ѝ недостасува ритам и флуидност, со прекумерни доцнења што придонесува одредени натпревари да бида „мачни за гледање“, падот на квалитетот се одрази и на лошите резултати на италијанските клубови во Европа, пишува „Goal.com“.
Најновите резултати на италијанските тимови во Лигата на шампионите беа причина за неговите зборови. Интер беше единствениот клуб што победи, убедливо победи кај Унион Сент Жилоа со 4:0.
Наполи на Антонио Конте претрпе шокантен пораз од 6:2 против ПСВ, додека проблемите на Јувентус продолжија со пораз од 1:0 против Реал Мадрид, продолжувајќи ја својата серија без победа на седум натпревари. Аталанта на Иван Јуриќ ја заокружи разочарувачката недела играјќи 0:0 со Славија Прага.
Овие неуспеси предизвикаа нова дебата за состојбата на италијанскиот фудбал.
Поранешната ѕвезда на Рома и Реал Мадрид, тврди дека бавниот стил на игра и недостатокот на реформи доведоа до тоа натпреварите во Серија А да бидат здодевни.
„Италијанското првенство е мизерно, не нуди никакви емоции. Само страста на навивачите го одржува во живот, но квалитетот е навистина низок. Срамно е, речиси срамно. Гледањето некои натпревари е мачно. Нема ритам, нема спектакл“, рече Касано.
Последниот италијански клуб што ја освои Лигата на шампионите беше Интер во 2010 година. Иако Јувентус и Интер во меѓувреме стигнаа до финалето, тие успеси беа исклучоци што го потврдуваат правилото за опаѓање на конкурентноста.
Касано истакнува дека недостатокот на динамика и постојаните прекини, како што се 44 фаули на натпреварот помеѓу Интер и Рома, ги прават тимовите неподготвени за европските предизвици. Додека повиците за промени стануваат сè погласни, останува да се види дали раководството на Серија А ќе преземе конкретни чекори.
Првенството продолжува во петок со натпреварот меѓу лидерот Милан и Пиза, а во недела е закажано дербито меѓу Интер и Наполи.
Спорт
Капело:: Влаховиќ мора секогаш да биде стартер во Јувентус

Легендарниот италијански тренер Фабио Капело го коментираше пред медиумите на Апенинскиот полуостров големото дерби од третото коло од Лигата на шампионите помеѓу Реал и Јувентус во Мадрид.
Сосема очекувано, бидејќи Капело, заедно со неговиот сонародник Карло Анчелоти, беше единствениот во светот кој имаше чест да биде тренер и на Реал Мадрид и на Јувентус во својата богата кариера.
По голема борба, Реал победи со 1:0 на стадионот „Бернабеу“, но гостите од Торино можеа со малку повеќе среќа и вештина да го избегнат поразот.
„Чесен пораз кој ќе ја подигне самодовербата и потенцијалот на Јувентус. Сега има три натпревари што мора да ги добијат“, коментираше Фабио Капело за италијански Скај.
Тој го пофали Дуашан Влаховиќ, кој пропушти добра шанса во 50-тата минута при резултат 0:0.
„Влаховиќ мора да биде стартер во овој Јувентус“, рече Капело и забележа дека на тимот „и недостасуваат играчи од средниот ред кои можат да влезат во шанса и да се најдат пред голот на противникот“.
Спорт
(Видео) Де Зерби ги обвини судиите за поразот во Лисабон

Олимпик Марсеј доѓивеа пораз на гостувањето кај Спортинг (2:1). „Лавовите од Лисабон“ славеа по пресврт во последните 15 минути, откако во финишот на првиот дел Марсеј остана со играч помалку на теренот.
Емерсон Палмиери симулираше пенал, кој првично им беше досуден на гостите, но по прегледувањето на ВАР видеото, тој беше поништен.
Бидејќи левиот бек веќе имаше жолт картон, тој доби втор и автоматски исклучување, а во тој момент Марсеј водеше со 1:0.
После тоа, Спортинг ја искористи предноста на теренот и направи пресврт.
Роберто де Зерби, тренерот на Марсеј, ги критикуваше судиите по поразот на неговиот тим.
„Според мене, ја плативме цената за грешките на судијата. Не ми се допадна начинот на кој судеше. Мислам дека судијата не беше на ниво за ваков натпревар. Дали беше премногу тешко да се издржиме? Не, мислам дека дури и со 10 играчи не страдавме толку многу. Немаше многу шанси за гол. Внесоа квалитетни и свежи играчи. Бев доста смирен, дури и со играч помалку. Сепак, тие ги искористија своите шанси.“
Ontem tivemos a sorte que nos faltou noutras ocasiões ao longo dos anos. O momento que decide o jogo foi este, Emerson já com amarelo pôs-se a jeito, mas saiu a lotaria ao SCP quando o árbitro assinalou penalty. Chamado ao VAR teve que alterar decisão e mostrar o 2° amarelo… pic.twitter.com/TLIrLXXWQw
— António de Almeida (@AdeAlmeida) October 23, 2025