Томас Тухел, утре, трет пат во кариерата ќе се сретне со Манчестер јунајтед. Челси, во дербито на колото ќе ги пречека „црвените ѓаволи“, од 17.30 часот.

Тухел, кој на почетокот на годината го наследи Френк Лампард во Челси, во минатото два пати имал можност да води тим против Манчестер јунајтед.

Пред две сезони, во осмина-финалето, во Лигата на шампионите, Јунајтед го елиминираше ПСЖ, иако тимот на Тухел победи на „Олд Трафорд“ во првиот меч со 2:0. Реваншот беше кошмарен за него и неговиот тим, Јунајтед со победа од 3.1 се пласираа во наредната рунда.

„Тоа е најлошиот пораз во мојата кариера. Дојде од никаде. Бев два дена во темнина. Тој натпревар и утрешниот не можат да се споредат“, рекол Тухел.

Во пресрет на натпреварот Челси се петти на табелата со 43 поени, додека Јунајтед се втори со шест поени повеќе од „сините“.

Лионел Меси се уште не донел одлука дали ќе остане во Барселона, по завршувањето на сезоната. Најдобриот играч и стрелец на Барселона, веројатно го чека епилогот од претседателските избори, пред да ја донесе конечната одлука. Поврзано со ова, најчитаниот шпански спортски весник, „Марка“, тврди дека Аргентинецот ќе остане во клубот.

Меси, кој во летниот преоден рок побара, но не доби дозвола за трансфер, наводно го сменил мислењето во моментот кога Џозеп Марија Бартомеу ја напушти претседателската функција.

„Нашите извори од Барселона не уверуваат дека најреална е опцијата Меси да остане во клубот. Лео бил блиску да донесе таква одлука. Луѓе блиски до Меси ни рекоа дека до пред неколку месеци неговото заминување беше извесно, но сега ситуацијата радикално се сменила“, пишува „Марка“.

Изминатите месеци, француските медиуми го поврзуваа со трансфер во ПСЖ, додека некои други тврдеа дека тој ќе замине кај својот поранешен тренер Пеп Гвардиола во Манчестер сити.

„Меси им се налутил на челниците на ПСЖ, кои јавно говорат дека ќе го донесат во Париз. Причина за ова е што тој никогаш не бил во контакт со ПСЖ, а воедно ги одбил и сите менаџери кои носеле понуди од други клубови. Исто така неговиот татко Хорхе, кој е задолжен за неговата кариера, веќе долго време е во Аргентина и нема никаков контакт со други клубови“.

Сепак за да ја донесе конечната одлука, Меси најпрво ќе мора да разговара со новиот претседател, кој ќе треба да му ги изложи плановите за развојот на клубот.

„Новиот претседател ќе мора да му ај презентира својата визија. Меси инсистира на засилувања. Прво засилување може да биде неговиот сонародник Кун Агуеро, а тука е и Жоржињо Вајналдум. Двајцата се достапни бидејќи во јуни ќе бидат слободни играчи. Барселона ги сака и Халанд, Де Лихт и Кунде, но за нивните трансфери треба да се издвојат многу пари, а Барселона пари нема“, пишува во текстот на „Марка“.

Мајами Хит славеа победа во дуелот со Јута Џез 124:116. Изминатата ноќ во НБА лигата, победи забележаа Сакраменто, ЛА Лејкерс, Голден стејт Вориорс, Оклахома Тандер, Финикс Санас, Торонто Репторс и Бостон Селтикс.

Мајами славеа во дуелот со најдобриот тим во лигата, благодарение на Џими Батлер и Горан Драгиќ. Батлер Јута ја почести мсо 33 поени, а ветеранот Драгиќ влегувајќи од клупата постигна 26 поени. За Јута ова беше третиот пораз на последните 25 натпревари. Џезерите ги предводеше Донован Мичел со 30 поени.

ЛА Лејкерс ја прекинаа серијата од четири порази, со победата над Портланд 102:93. Леброн Џејмс доминираше кај Лејкерси со 28 поени, 11 скокови, 7 асистенции, 4 украдени топки и 3 блокади. Придонес во победата дадоа и Шридер со 22 и Херел со 17 поени.

Демијан Лилард го предводеше Портланд со 35 поени.

Голден стејт Вориорс им се реваншираа на шарлот за поразот од пред неколку дена. Вориорс, благодарение на Дрејмонд Грин, славеа победа со 130:121. Грин забележа трипл-дабл со 11 поени, 12 скока и дури 19 асистенции. Вориорс ги предводеше Стеф Кари со 29 поени.