Дефанзивецот на Барселона, Жан-Клер Тодибо (21) е позитивен на коронавирусот.

Утринава беше објавено дека еден фудбалер од оние 9 кои беа тестирани бил позитивен на Ковид 19, а попладнево беше откриено дека тоа е токму Французинот Тодибо. Тој се наоѓа во својот дом, во изолација.

Тодибо минатата сезона беше на позајмица во Шалке 04, а сега му се стави на располагање на тренерот Сетиен пред четвртфиналниот дуел против Баерн, во петок од 21 часот.

Позитивно за останатите фудбалери на Каталонскиот клуб е што Тодибо во изминатите денови немал контакт со ниеден фудбалер од првиот тим.

Легендарниот шпански голман, Икер Касилјас вели дека неговото заминување во 2015 година од Реал Мадрид во Порто било трауматично, но тој вели дека, без оглед на се, „Кралскиот клуб“ е неговиот дом.

Екс-голманот на Реал и на „Фуријата“ на почетокот на месецов официјално соопшти дека ја завршува играчката кариера. Во шпанските медиуми се појави информација дека Касилјас ќе му биде советник на првиот човек на „Карлевите“, Флорентино Перез.

„Моето заминување беше трауматично, но тоа е мојот дом. Тоа беше како развод на брак, имаше грди зборови, но како поминуваше времето, се се смири. Две-три години по моето заминување од Реалимав подобар однос со Перез и тој ми рече дека морам да бидам во клубот. Ќе разговараме сега затоа што Реал е мојата куќа и мојот живот. Флорентино неодамна ме викна и ми рече дека има понуда за мене. Сега кога сум во Мадрид, ќе разговараме“ изјави Касилјас за шпански „АС“.

Останаа уште 8 клубови во борбата за „шехарот со големите уши“ по до сега невиден систем на натпреварување.

Порталот „Euro Club Index” кој детално се занимава со статистика и параметри битни во фудбалот пресмета на основа на својата методологија кој ќе биде освојувач на најважниот клупски пехар во Европа.

Според компјутерот, најголеми шанси има Манчестер Сити (24%), а веднаш зад нив е Баерн Минхен со 21%.

Интересно е тоа што овие два тима ќе се сретнат уште во полуфинале, под услов Сити да го елиминира Лион, а Баерн да ја совлада Барселона.

Трет фаворит е ПСЖ, со 18% шанси за титула, а Аталанта има само 2% шанси да стигне до престижниот трофеј.

Барса, според рангирањето на компјутерот, има 18%, Атлетико Мадрид 13 и Лајпциг 4%.

Најмали шанси за успех му се даваат на Лион, само 1%.

Manchester City (24%) are the favourites to win the @ChampionsLeague. FC Bayern München (21%) are their biggest challengers. #UCL pic.twitter.com/kikQ9D1Alj

— Euro Club Index (@EuroClubIndex) August 12, 2020

Компјутерски е пресметано и кој има најголеми шанси да го подигне пехарот во Лига Европа.

Манчестер Јунајтед е на врвот, па по „ѓаволите“ е Севилја.

Manchester United (32%) are favourites to win the Europa League after the quarter-final matches. The other three teams have an almost equal chance of winning the cup. #UEL pic.twitter.com/FWx69iSFB5

— Euro Club Index (@EuroClubIndex) August 12, 2020