Спорт
Партизан победи по прекинот во Мадрид, Егзум заврши со скината тетива!
Партизан на Жељко Обрадовиќ продолжува со сензационалната игра и во плејофот на Евролигата, стигнувајќи до 95:80 победа на гости кај Реал Мадрид во меч кој за жал беше одбележан со масовната тепачка на играчите на 1:40 пред крајот, по која Данте Егзум остана со посериозна повреда на тетивата.
По еден фаул на Серхио Љуљ над Кевин Пантер, тој ги загуби нервите и влезе во конфликт, по што се вмеша и Данте Егзум, кој налета на Јабуселе и најмногу настрада. Судиите долго размислуваа кого да казнат за инциденетот, пред на крајот да решат мечот предвреме да заврши бидејќи немаше доволно играчи за да се доврши мечот.
Партизан почнаа со неверојатна 11:0 серија, постигнувајќи дури 31 поени во првите 10 минути, за на полувреме да имаат 14 поени предност. „Кралевите“ се обидоа да се вратат на -5 благодарение на Руди Фернандез и Чако Родригез, но потоа Нанали и Пантер пак ја вратија предноста на „црно-белите“.
Сега, посебно заграни од финишот на мечот, Партизан ќе имаат шанса во два меча во „Штарк арената“ да го обезбедат првиот Фајнал фор по 13 години. Третиот меч се игра на 2 мај, а четвртиот, ако биде потребен, на 4 мај. Според српските медиуми, УФЦ-потегот на Јабуселе го остави Егзум со сериозна повреда на тетивата.
KAVGA ÇIKTI!
Real Madrid – Partizan maçı boks alanına döndü. pic.twitter.com/sZhchMPTD4
— Fotomaç (@fotomac) April 27, 2023
— OvoOno (@OvoOnoX) April 27, 2023
ЕВРОЛИГА, ПЛЕЈОФ
(1:1) Монако – Макаби Тел Авив 86:74 (22:18, 20:23, 25:13, 19:20)
(0:2) Реал Мадрид – Партизан 80:95 (21:31, 16:20, 25:24, 18:20)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Модриќ и наредната сезона ќе игра за Реал
Лука Модриќ и наредната сезона ќе го носи дресот на реал Мадрид. „Мундо Депортиво“. Овој медиум, кој е поблизок до Барселона отколку до Реал, тврди дека Модриќ и челниците на Реал постигнале вербален договор за продолжување на договорот на уште една година. Договорот е постигнат по тричасовната средба одржана вчера во Валдебебас.
Истата информација ја објавија и „Онда Мадрид“ и „Телемадрид“, два медиуми специјализирани за следење на Реал Мадрид. Според нив, Модриќ ги прифатил условите што му ги понудил клубот. Тој досега заработуваше околу 10 милиони евра нето по сезона, а сега се согласи да ја преполови платата.
Според Шпанците хрватскиот играч за врска планира да одигра уште една сезона во Реал, а потоа како 39-годишен да се збогува од фудбалот. Така Модриќ би станал најстариот фудбалер во историјата на Реал Мадрид кој се пензионирал во дресот на шпанскиот великан. Рекордот моментално го држи Пако Хенто, кој се пензионираше на 38 години.
Хрватската легенда на Реал Мадрид освои се. Меѓу другото, пет европски, четири шпански титули и два Купа на кралот и Златната топка. Тој одигра 531 натпревар, постигна 39 и постави 86 гола.
Во тековната сезона претежно беше резерва, но со значаен придонес на патот на Реал кон освојување на Ла Лига и финалето на Лигата на шампионите. Иако беше во стартниот тим на само 22 натпревари, успеа да постигне 2два гола и да забележи осум асистенции.
Спорт
Бекеле по 12 години повторно на Олимписките игри
Кенениса Бекеле, големата атлетска ѕвезда, ќе учествува на Олимписките игри во Париз, 12 години по неговиот последен настап на најголемиот светски спортски настан.
Бекеле, кој има 41 година, последен пат настапи на Олимписките игри во Лондон во 2012 година, кога заврши на четвртото место на трката на 10 километри.
Тој ги пропушти Рио де Жанеиро (2016) и Токио (2022) и сега е дел од 10-члениот атлетски тим на Етиопија за Париз.
Во главниот град на Франција ќе трча маратон на кој во последно време бележи одлични резултати. Тој во декември го освои четвртото место во Валенсија, додека неодамна беше втор во Лондон.
Бекеле освои три олимписки злата и едно сребро. Во Атина во 2004 година победи на 10 километри и беше втор на 5 километри, додека четири години подоцна во Пекинг славеше и на 5 и на 10 километри.
Олимпискиот маратон за мажи е закажан за 10 август.
Спорт
(Видео) Индијана избори мајсторка против Њујорк
Кошаркарите на Индијана славеа против Њујорк (116:103) и со тоа го обезбедија мајсторка во „Медисон Сквер Гарден“.
Екипите продолжија да го бранат домашниот терен, па така и во шестиот меч од полуфиналната серија на Истокот, гостинот загуби.
Најзаслужни за триумфот на Индијана беа Паскал Сијакам со 25 поени, седум скока и пет асистенции и Мајлс Тарнер со 17 поени, осум скока и три асистенции.
Тајрис Халибартон (+9ас), Ти Џеј Меконел и Ендру Небхард постигнаа по 15.
На другата страна се истакнаа Џејлен Брансон кој постигна 31 и Донте ДиВинченцо кој постигна 17 поени.
Првото двоцифрено водство „Пејсерс“ го остварија на крајот од првото полувреме и со исклучок на почетокот на вториот дел не го испуштија.
Разликата во последната четвртина се искачи на +23.
Решавачкиот седми натпревар е закажан за в недела од 21.30 часот во Њујорк.
Победникот, во финалето ќе игра против Бостон Селтикс, кој ги елиминираше Кливленд Кавалирс.