Спорт
Пелистер ја доби супер драмата во Битола, израмни на 1-1 во финалето со МЗТ

Пелистер ја забележа првата победа во финалната серија од кошаркарскиот плеј-оф против МЗТ Скопје Аеродром. Славеше на натпреварот број два на домашене терен со 82-79 во крајно неизвесен и комплетно различен меч од првиот со Скопје во кој доминираше МЗТ. Битолчани победија дури по дополнителнитеп ет минути, во регуларниот дел беше 70-70.
Серијата сега се сели во главниот град каде што во вторник ќе биде одигран третиот натпревар од финалето.
Пелистер беше поуспешен во првото полувреме, откако ја доби воведната четвртина со 20-15, а во втората беше подобар со 19-16 и на пауза отиде со позитива од осум поени. Бранителот на трофејот успеа да ја надомести оваа негатива со одличниот трет сегмент во кој беше поуспешен со 12-20. Во неизвесната последна четвртина двата тима наизменично беа во водство, драмата во финишот само ја потврди незивесноста што ја донесе оваа средба. Екипите на помалку од една минута ба израмнети на 70-70, а и двата тима пропуштија шанси за победа промашувајќи ги излегните прилики за поени.
Во дополнителните пет минути, Пелистер предводен од Бобан Стајиќ беше поуспешен, поприсебен и поконцетриран и успеа да слави значајна победа со која ја продолжи финалната серија. Малешевиќ постигна 20, Кесар заврши со 15, а Стајиќ додаде 14 поени за Пелистер, а кај МЗТ Војдан Стојановски реализира 16 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Д.Р. Конго нов спонзор на Барселона

Фудбалскиот клуб Барселона објави дека потпишал четиригодишен договор за спонзорство со Демократска Република Конго, со кој африканската земја ќе стане спонзор на дресовите на каталонскиот клуб.
Во соопштение на веб-страницата на клубот, Барселона соопшти дека договорот е потпишан со цел да се промовира фудбалот, културата и мирот. Клубот не објави финансиски детали, но шпанските медиуми објавија дека договорот е вреден 44 милиони евра.
Во следните четири сезони, дресовите за тренинг на сите професионални клубови на Барселона ќе го имаат натписот „R.D Congo – Coeur d’Afrique“, што во превод значи „Д.Р. Конко – Срцето на Африка“, отпечатен на задната страна.
„Овој договор означува заедничка посветеност за поттикнување на развојот на спортот во Конго и, како дел од соработката, клубот ќе придонесе за збогатување на тренингот на младите спортисти преку пренесување на својот екосистем на вредности, несомнен столб на моделот и стилот на Барса“, се вели во соопштението.
Барселона се обврза да учествува во развојот на кампови и програми за фудбал, кошарка, ракомет, футсал и хокеј на ролерки.
Договорот, исто така, вклучува и отворање на Домот на Демократска Република Конго во комплексот на стадионот „Камп Ноу“.
Договорот беше критикуван од бројни организации, поради тешката ситуација во Демократска Република Конго, каде што мнозинството од населението живее под линијата на сиромаштија, но и прашањата за почитување на човековите права, по извештаите за вонсудски егзекуции во последните месеци.
Фото/ Принскрин
Спорт
Млад дефанзивец на Ајакс во Челзи за 35,5 милиони фунти

Челзи постигна договор со Ајакс за трансферот на младиот дефанзивец Јорел Хато.
Како што објави „Скај спорт“, „сините“ ќе платат 35,5 милиони фунти (42 милиони евра) плус одредени бонуси за 19-годишниот холандски репрезентативец.
Хато ќе отпатува во Лондон во наредните денови на медицински прегледи пред да потпише повеќегодишен договор.
Тој не беше во тимот на Ајакс за Купот Комо во неделата бидејќи не сакаше да ризикува повреда пред да се пресели на „Стемфорд Бриџ“.
Челзи го реализираше трансферот на Хато, како замена за Марк Кукуреља на левата бековска позиција. Шпанецот минатата сезона одигра речиси 70 натпревари за клубот и репрезентацијата.
Хато ќе стане седмиот играч што Челзи го потпиша ова лето, по Жоао Педро, Лиам Делап, Џејми Гитенс, Естевао Вилијан, Дарио Есуго и Мамаду Сар.
Foto/ EPA
Спорт
„Залуден е талентот ако не работиш напорно“

Португалскиот фудбалер Жоао Феликс потпиша за Ал Наср пред неколку дена, иако беше на прагот да се врати во Бенфика. За Феликс зборуваше и неговиот поранешен соиграч Саул Нигез, кој објасни зошто Португалецот немаше брилијантна кариера како што се очекуваше.
„Фудбалот е тимски спорт. Тој ги имаше сите потребни квалитети за да стане фантастичен фудбалер, но не е важно колку си добар и талентиран, бидејќи ако не работиш напорно и не даваш 100 отсто од себе, тогаш сè е залудно“, рече Саул.
Новиот играч на Фламенго истакна дека тој и некои играчи на Атлетико се обиделе да му го објаснат ова на Феликс кога виделе дека не се труди доволно на тренинзите.
„Многумина од нас се обидоа да му помогнат на Феликс и да му ги објаснат овие работи, но ако тој не го сака тоа, тогаш тоа е крајот на приказната.“
Феликс во летото 2019 година за сума од 126 милиони евра му се приклучи на Атлетико од Бенфика. Само на моменти го покажуваше својот талент, учествуваше во освојувањето на шампионската титула во 2021 година. Атлетико го испраќаше на позајмици во Челси и Барселона, а минатото мето го продаде во Челси за 52 милиони евра. Пред неколку дена Ал Наср за 30 милиони евра го откупи неговиот договор.
Foto/ „X“