Спорт
Пелистер ја шокираше Шкендија, Струга победи кај Шкупи

Попладнево се одиграа натпреварите од 18.коло, во Првата македонска фудбалска лига. Во ова коло порази, на домашен терен, забележаа првите три тима на табелата: Шкендија, Шкупи и Македонија ЃП.
Фудбалерите на Пелистер направија вистинска сензација со победата над лидерот Шкендија во Тетово. Битолчани славеа минимална победа со голот на Меневски постигнат во 90.минута.
Вардар победата на гостувањето кај Беласица ја најави по само 18 секунди игра, со голот на Мирчевски. Во вториот дел Стојчевски и Цветаноски, со головите во 54. и 61.минута ја потврдија победата.
Ренова, во натпревар со два пресврти успеа да ги однесе бодовите од гостувањето во Ѓорче Петров. Првиот дел им припадна на фудбалерите на Реноа со голот на Муарем. Македонија ЃП, во вториот дел направија пресврт преку Адем и Фернадињо.
Една минта по голот на Фернандињо, на 2:2 израмни Селмани, а во 87.минута важни три бода за Ренова обезбеди Шефити.
Во дербиот на колот, Струга го изненади Шкушпи среде Чаир. Цаке го постигна првиот гол за Струга, израмни Диак, а трите бода на стружани им ги обезбеди јахја во 82.минута.
Со ист резултат (1:2), изненадување во Кратово направија фудбалерите на Академија Пандев. Трпановски и Велиновски погодија за „Пандевци“, а почесниот гол за Силекс го постигна Ивановски.
Работнички, забележа значајна победа над Борец (2:1). Гостите имаа предност од 12.минута со голот на прекец. Три минути подоцна израмни Станковски, а истиот играч во 71.минута им ја обезбеди победата на „романтичарите“.
Резултати:
Беласица-Вардар 0:3
Шкендија-Пелистер 0:1
Силекс-Академија Пандев 1:2
Работнички-Борец 2:1
Шкупи-Струга 1:2
Македонија ЃП-Ренова 2:3
Табела:
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мијатовиќ: Винисиус не заслужува да го носи дресот на Реал

Предраг Мијатовиќ, стрелецот на голот во 1995 година со кој Реал по 30 години пауза стана европски првак, жестоко го критикуваше Винисиус Жуниор. Актуелниот потпретседател на фудбалскиот клуб Партизан, рече дека Бразиелцот не заслужува да го носи дресот на Реал.
Реал во неделата, победи во Овиедо со 3:0. Два од трите гола Реал постигна во самиот финиш на мечот. Еден постигна Винисиус, но медиумите во Шпанија по мечот повеќе пишуваа за однесувањето на Бразилецот, отколку за она што го покажа на теренот.
„Некои работи не се менуваат. Сметам дека со однесувањето не заслужува да го носи дресот на Реал Мадрид. Се мотивира така што се расправа со сите. Тој е исклучителен фудбалер, но мора внимателно да процените дали вреди да се биде во клубот“, рече Мијатовиќ.
Фото/ Принтскрин
Спорт
Ништо од Димитриевски, Леванте го потпиша Мет Рајан

Голманот на фудбалската репрезентација на Македонија, Столе Димитриевски ги разгледува опциите да го смени клибот до крајот на преодниот рок. Валенсија, откако Георги Мамардашвили си замина во Ливерпул, на позајмица го донесе Хулен Агирезабала од Атлетик Билбао и тој е проектиран да биде прв голман.
Столе Димитриевски минатото лето пристигна во Валенсија како слободен играч, требаше да биде прв голман, бидејќи Георги Мамардашвили оствари трансфер во Ливерпул.
Сепак клубовите договорија грузискиот голман да остане на позајмица една сезона, поради што Димитриевски бранеше само на неколку натпревари.
Сега кога Мамардашвили замина, Валенсија, на барање на тренерот Карлос Корберан, на позајмица го донесе Хулен Агирезабала од Атлетик Билбао. По овој потег што го повелекова „лилјаците“ беше јасно дека Димитриевски ќе замине од „Местаља“.
Пред пет дена шпанските медиуми објавија дека Димитиревски е блиску до договор со Леванте, но по се изгледа трансферот нема да се случи.
Претпалднево, Леванте повтрдија дека потпишале договор со искусниот австралиски голман Мет Рајан (33). Тој потпиша како слободен агент (година плус година), откако му истече договорот со Ленс.
Шпанските медиуми, пред три недели, пишуваа дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez
Спорт
Евертон плати 40 милиони евра за Диблинг

Поранешниот фудбалер на Саутемптон, 19-годишниот Тајлер Диблинг, ќе ја продолжи кариерата во синиот дрес на Евертон.
Клубот од Ливерпул потпиша четиригодишен договор со талентираниот фудбалер, а „Светците“ ќе добијат 35 милиони фунти (околу 40,5 милиони евра) како обештетување, евентуално уште пет милиони во бонуси, што е вкупно 40 милиони фунти (околу 46 милиони евра).
Диблинг дебитираше за Саутемптон кога имаше само 17 години, а во Евертон ќе го носи дресот со број 20.
Диблинг е осмото засилување за тимот на Дејвид Мојес ова лето.
Пред него пристигнаа Џек Грилиш (позајмен од Манчестер сити), Карлос Алкараз (Фламенго), Тиерно Бери (Виљареал), Марк Траверс (Борнмут), Адам Азну (Баерн), Кирнан Дјусбери-Хол (Челзи) и Том Кинг (Вулверхемптон).
Во второто коло од Премиер лигата, Евертон за прв пат играше на новиот стадион „Хил Дикинсон“ и го победи Брајтон со 2:0.
Foto/ Everton FC