Фудбалсата репрезентација на Македонија, која пред неколку недели избори пласман на Евро 2021, ја задржа 65. позиција на ранг-листата на ФИФА. Ова е претпоследната листа што ФИФА ја објави оваа година.

Македонија во ноември славеше две победи, над Грузија (1:0) и Естонија (2:1), и забележа пораз од Ерменија (0:1).

На врвот на оваа листа првите шест репрезентации – Белгија, Франција, Бразил, Англија, Португалија и Шпанија – ги задржаа своите позиции, Аргентина го скокна Уругвај, деветти е Мексико, а десетта Италија.

Мексиканците напредуваа две места, а од топ-10 испадна Хрватска.

Хрватите се најдобро пласирани од репрезентациите што произлегоа од поранешна Југославија. Србија е на 30., Босна и Херцеговина на 55., на 62. и 63. се Словенија, односно Црна Гора, а Косово е на 117. место.

Foto/bbc.co.uk

Светската фудбалска федерација (ФИФА) го објави распоредот на „шеширите“ за ждрепката, која ќе ги одреди квалификациските групи за пласман на Светското првенство. како што веќе пишувавме Македонија е во четвртиот „шешир“, што значи дека нема да може да се сретне со Босна и Херцеговина, Словенија, Албанија, Бугарија, Израел, Белорусија, Грузија и Луксембург.

Пласман на СП во Катар ќе изборат само победниците на десетте групи. Второпласираните репрезентации и двете најдобри селекции од третото издание на Лигата на нации ќе играат две бараж-рунди, по што ќе бидат познати уште три репрезентации кои ќе играат на Мундијалот.

Во Катар, од Европа ќе се пласираат 13 репрезентации.

Ждрепката ќе се изврши на 7.декември во Цирих, ќе започне во 18 часот.

Кристијан Ериксен дојде во Интер како големо засилување, но не успеа да ги оправда очекувањата. Според италијанските медиуми, Данецот ги број последните денови на „Џузепе Меаца“.

Интер е подготвен да го продаде Ериксен за сума од 30.000.000 евра. Според шпекулациите, голем интерес за Ериксен покажале од Арсенал.

Ериксен има договор со Интер до 2024 година.

Доколку Ериксен замине, Интер ќе се обиде да донесе еден од овие четворица играчи: Корентан Толисо (Баерн), Фред (Манчестер јунајтед), Гранит Џака (Арсенал) и Леандро Паредс (ПСЖ).