Ливерпул го победи Реал Мадрид со 2:0 во најатрактивниот натпревар од петтото коло во Лигата на шампионите. Стрелци за англискиот тим беа Алексис Мек Алистер и Коди Гакпо.

Рио Фердинанд, легендата на Манчестер јунајтед, во стручна анализа за „ТНТ“ по натпреварот изјави дека „црвените“ во овој момент се најдобар тим во Европа.

„Во моментов изгледаат како најдобар тим во Европа. Играат како тим. Не само што бележат добри резултати, туку делуваат дека се гладни за успех. Изгледаат како да не се хранети со години, како ротвајлери кои трчаат низ теренот“, рече Фердинанд.

Карло Анчелоти изјави дека неговиот тим заслужено загубил:

“Да бидам целосно искрен, резултаот е реален. Ливерпул заслужи да победи. Имаат навистина добра динамика, во одлична форма се и играат со висок интензитет”, заклучи тренерот на Реал Мадрид.

Лајт мотив одо овој натпревар се промашените пенали на Килијан Мбапе и Мохамед Салах.

По пет рунди, Ливерпул има максимален ефект, додека Реал е во тешка позиција со скромни две победи и три порази.

Фудбалерите на Црвена звезда синоќ ја забележаа првата победа сезонава во Лигата на шампионите. На домашен терен го декласираа Штутгарт со 5.1. За победата фудбалерите ќе добија големи премии.

Генералниот директор на Црвена звезда, Звездан Терзиќ откри важен детал од средбата пред натпреварот против Штутгарт.

„Одржав состанок со играчите и им кажав дека ќе победиме и дека мора да веруваат во победата. Им ветивме огромна премија за три бода. Верувавме во победа и тоа им го пренесовме на играчите. Со денови чувствувам добра енергија на тренинзите и им кажав дека имаме извонредни играчи, извонреден тренер, и покрај претходните резултати, верувавме во тоа што го правиме“, изјави Терзиќ.

Тој потоа го пофали својот тим.

„Ова е една од најголемите европски победи во историјата на Црвена звезда. Оваа победа е потврда дека се создава голема Црвена звезда. Верувам дека цела Европа вечерва зборува за Црвена звезда. Ги поканувам сите наши навивачи да дојдете на нашите натпревари и во домашното првенство бидејќи тоа е подготовка за европските натпревари, на нашите играчи им треба поддршка, се е полесно со големата поддршка од нашите навивачи, среќен сум, верувам дека цела Србија е среќна“, заклучи Терзиќ.

Оклахома Сити Тандер и понатаму е најдобриот тим на Западот. Тандер славеа во Сан Франциско против Голден стејт со 105-101.

Голден стејт беа без најдобриот играч Стеф Кари, а кај Тандер го немаше Чет Холмгрен.

На крајот мечот беше решен во последните седум секунди, откако претходно Шеј Гилџесс-Александер и Изеа Хартенштајн промашија по едно слободно фрлање и им дадоа на Вориорс напад за победа на седум секунди до крајот.

Сепак, обидот на Вигинс беше изблокиран од Лу Дорт и тука беше крајот.

Шеј беше најефикасен со 35 поени, девет скока и пет асистенции, додека брилијантно го следеше Хартенштајн со по 14 поени и скокови. Ајзеа Џо постигна 17 поени.

Кај поразениот тим Џонатан Куминга имаше 19, Бади Хилд 17, а Ендрју Вигинс 16 поени.

Резултати:

Шарлот – Мајами 94:98
Кливленд – Атланта 124:135
Индијана – Портланд 121:114
Орландо – Чикаго 133:119
Филаделфија – Хјустон 115:122 пр.
Вашингтон – ЛА Клиперс 96:121
Далас – Њујорк 129:114
Мемфис – Детроит 131:111
Минесота – Сакраменто 104:115
Њу Орлеанс – Торонто 93:119
Сан Антонио – ЛА Лејкерс 101:119
Феникс – Бруклин 117:127
Јута – Денвер 103:122
Голден Стејт – Оклахома 101:105