Спорт
Пике јавно откри како во Шпанија може да се поткупи судија
Барселона во последните недели е во центарот на вниманието на фудбалската јавност поради обвинувањата дека плаќала судии, а по „случајот Негреира“ започна вистински „лов“ на Барселона од останатите клубови. За сето ова проговори и Џерар Пике, кој јасно кажа што мисли за обвинувањата на сметка на клубот.
Каталонците се обвинети дека плаќале за да имаат подобар статус кај судиите. Во овој момент сите шпански клубови, со исклучок на Реал, целосно им го свртеа грбот и бараат драконски казни.
„Никогаш во мојот живот не сум го сретнал господинот Негреира, ниту неговиот син. Подготвен сум да се заколнам пред суд, или пред секој што сакате, дека Барселона никогаш не подмитувала судии. Ако сакате да поткупите судија, многу е едноставно – контактирајте го, сретнете се со него на тајна локација и дајте му плик со пари. Зарем тоа не е полесно отколку наводно да одите преку потпретседателот на Судискиот комитет“, рече Пике и додаде.
„Без разлика каков хаос се обидуваат да направат, никој никогаш нема да може да го оцрни нашиот најдобар тим во историјата кој постигна неверојатни успеси. Сега сите се обидуваат гневот на навивачите на другите клубови да го насочат кон Барса. Ние играчите како одминува времето ги запознаваме судиите и знаеме какви се. Сепак, тренерите кои кога ќе дојдат во клубот не ги познаваат и затоа клубовите плаќаат судии советници“.
Тој се осврна и на фактот дека сите други клубови од Ла Лига издадоа соопштение на оваа тема барајќи казна за Барса. Последен што зборуваше беше Реал Мадрид, но Пике верува дека тоа го направиле против своја волја.
„Сите клубови, освен Реал Мадрид, се свртеа против Барселона. Разбирам дека на крајот и Реал го објави своето соопштение за медиумите, но тоа го направи под притисок на јавноста“, додаде тој.
На оваа тема вчера се огласи претседателот на Барселона, Жоан Лапорта, кој јасно порача дека едвај чека да се соочи со сите оние кои се обидуваат да го нарушат угледот на каталонскиот клуб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Олимпијакос е финалист во Конференциската лига, за трофејот ќе игра против Фиорентина
Ривал на Фиорентина во финалето на Конференциската лига ќе биде Олимпијакос. Црвено-белиот тим ја совлада Астон Вила со 2:0 во реваншот од полуфиналето во Пиреја.
Грчкиот тим се пласираше во првото финале во натпреварување организирано од УЕФА, благодарение на Ајуб Ел Каби, кој погоди двапати во 11. и 79. минута. Репрезентативецот на Мароко во двата натпревари против Астон Вила постигна пет од шестте голови на Олимпијакос.
Домашните брзо поведоа пред своите гледачи, во 11.минута Ел Каби го прифати додавањето во шеснаесетникот, брзо реагираше и упати удар кој заврши во долниот десен агол.
Со оглед на тоа што грчкиот тим имаше 4:2 од првиот натпревар, овој резултат им одеше во прилог во текот на целиот натпревар. За нов гол се чекаше до 79.минута и повторно стрелец беше Ел Каби.
Олимпијакос за трофејот ќе се борис со ланскиот финалист Фиорентина. Финалето ќе се игра на 29.мај, на стадионот на АЕК во Атина.
Спорт
(Видео) Непобедливиот Баер израмни во 97.минута, во финалето со Аталанта
Баер Леверкузен и Аталанта ќе се борат за трофејот во Лига Европа. Вечерва, Аталанта постигна историски успех, се пласира во своето прво европско финале, откако во ревашот го победи Марсеј со 3:0. Баер ја продолжи серијата без пораз, урна рекорд стар 59 години, откако уште еднаш на волшебен начин избегна пораз. До 82.минута новиот шампион на германија губеше од Рома 0:2, на крајот со голот на Станишиќ во 97.минута избори реми 2:2. Баер нема пораз на 49 натпревар во низа.
Баер во Леверкузен доминираше против Рома, но до 82.минута не успеа да го совлада одличниот Миле Свилар кој натпреварот го заврши со 12 одбрани. Рома успеа да ја наулира негативата од првиот меч, два пати од белата точка погоди Паредес, откако аматерски пебали направија Та во 43. и Хложек во 66.минута.
Во 82.минута Манчини си постигна авто-гол, а на истекот на 97.минута Станишиќ ги постави конечните 2:2.
Баер се избори за првото европско финале по пауза од 22 години, кога играше финале во Лигата на шампионите.
Во Бергамо, Аталанта го прегази Олимпик Марсеј. По првиот меч резултатот беше 1:1, а во реваншот Аталанта славеше со 3:0. Стрелци на головите беа Лукман во 30., Руџери во 52. и Туре во 85.минута.
Финалниот натпревар во Лига Европа ќе се одигра на 22 мај во Даблин.
Спорт
Феликс во голем проблем, за Барса непотребен, во Атлетико непожелен
Жоао Феликс на лето би можел да се најде во нов проблем, Барселона не е подготвена да го купи, додека во Атлетико Мадрид никој не сака да се врати.
Извори од Мадрид денеска пишуваат дека Диего Симеоне јасно им ставил до знаење на раководството дека преговара или со Барселона или со кој било друг клуб за продажба или нова позајмица на Португалецот. Но, за прв пат се додава и дека ниту неговите соиграчи не сакаат тој да се врати во својот тим и во соблекувалната.
Очигледно, на ниту еден од играчите не му се допадна што Жоао Феликс прослави гол против нив и патем, навивачите прилично го замразеа поради тоа.
На играчите им е доста од неговото недолично однесување, веруваат дека не се вклопува во тимот и дека е премногу егоцентричен и дека и со своите квалитети не прави разлика на теренот.
Инаку, Атлетико Мадрид постави цена од 60 милиони евра, но Барселона нема намера да плати толку. Дополнително, Чави Ернандез изјави дека на позицијата лево крило повеќе би сакал Дани Олмо и Никo Вилијамс.