Спорт
Инзаги и Интер се под притисок во Порто, Сити и Лајпциг стартуваа од нула
Вечерва и утре ќе се одиграат последните четири реванш натпревари од осминафиналето на Лигата на шампионите. Вечерва од 21 часот се среќаваат Порто – Интер и Манчестер Сити – Лајпциг.
Интер во Португалија ќе ја брани минималната предност оставрена на Џузепе Меаца, додека Сити и Лајпциг се издначени по првите 90 минути (1:1).
Интер во првиот натпревар го совлада португалскиот тим со 1:0.
„Кориере дела сера“ пренесува дека тренерот на тимот на Интер, Симоне Инзаги ќе добие отказ доколку не се пласира во четвртфиналето.
„Фудбалерите на Интер немаат доверба во тренерот, прват довербата во тренерот беше разнишана откако Интер минатата сезона не го освои Скудетото, иако имаше големи шанси да го стори тоа. Односите меѓу играчите нагло се влошија. Односот меѓу Ромелу Лукаку и Лаутаро особено е доведен во прашање, а Марцело Брозовиќ, кој важеше за клучен играч, не се чувствува конфорно откако го загуби местото во стартниот тим од Хакан Чалханоглу“, пишува весникот.
Челниците на Интер се незадоволни поради лошите игри во Серија А во последните недели и двата порази во последните три натпревари.
Инзаги го презеде Интер во јуни 2021 година. Миланскиот клуб моментално е на второто место на табелата во Серија А со 18 бодови помалку од првопласираниот Наполи.
Манчестер Сити и Лајпциг одиграа нерешено 1:1 во Германија и сега им претстои реванш на „Етихад“.
Менаџерот на Сити, Пеп Гвардиола вели дека тој и неговите играчи се под огромен притисок да ја освојат Лигата на шампионите.
„Освојувањето на Лигата на шампионите би го дефинирало мојот мандат во Манчестер Сити во очите на јавноста, но јас не се согласувам со тоа. Ни судат нашите резултати во тоа натпреварување. По мојот прв натпревар во Лигата на шампионите, ме прашаа дали јас дојдов во клубот за да го освојам ова натпреварување. Ќе бев под таков притисок доколку бев тренер на Реал. Колку и да напредуваме, очекувањата на луѓето нема да се променат“, рече Гвардиола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.
Спорт
Брест не може на својот стадион да биде домаќин во ЛШ
Најголемото изненадување во Франција, Брест, кој како трет во француското првенство директно се пласираше во Лигата на шампионите, европските натпревари ќе ги игра на стадионот „Стад де Рудуру“ во Генгамп, најави градоначалникот на Брест, Франсоа Куиландре. Иако во игра беше и „Роажон парк“ во Рен, Куиландре истакна дека Рудуру е „најблискиот стадион до Брест“.
„Жал ми е што не е во Ле-Бле, но исто така ја зајакнува нашата идеја за изградба на нов стадион“, додаде тој.
„Стад Франсис-Ле-Блеу“, каде Брест игра во Лига 1, не ги исполнува стандардите што ги бара УЕФА за натпревари од Лигата на шампионите, особено затоа што три од неговите четири трибини се цевчести структури, што е забрането со континенталните прописи.
По техничкиот преглед на крајот на април, УЕФА го извести Брест дека, доколку не се изведат градежни работи, ќе им дозволи да играат на совјот стадион но тогаш капацитетот би бил само 5.000 места.
Брест мора да ја извести УЕФА до 22 мај каде ќе биде домаќин.
Брест пред неколку години започна проект за изградба на нов стадион со 15.000 седишта, чија изградба е планирана за 2025 година и кој не треба да биде завршен пред 2027 година.