Спорт
Пике: Ова се тешки времиња за Барса, какви што не сме виделе досега
Капитенот на Барселона, Жерард Пике призна дека иднината на неговиот тим изгледа многу проблематично по 2:0 поразот од Атлетико Мадрид и деветтото место на табелата во Шпанија, по лето полно со контроверзни мерки за намалување на трошоците и заминувањето на Лионел Меси.
Головите на Томас Лемар и Луис Суарез во првото полувреме ја запечатија едноставата победа на „рохибланкос“, и доаѓа во недела во која доживеаја уште еден тежок пораз, во ЛШ од Бенфика од 3:0. Пике беше забележан како се расправа со Серхио Бускетс по примениот гол, и по мечот призна дека ситуацијата не е добра.
Pique and Busquets got into it after they conceded ? pic.twitter.com/bQA90DfKKF
— ESPN FC (@ESPNFC) October 2, 2021
„Ситуацијата е компликувана. Страдаме и мораме да бидеме искрени околу тоа. Не се работи за еден проблем, има повеќе, но мислам дека ќе се вратиме посилни. Ова се тешки времиња, какви што не сме искусиле претходно. Но, атмосферата во соблекувалната е многу добра и сакаме да ја свртиме ситуацијата“, вели Пике.
И покрај лошите резултати, претседателот на клубот, Жоан Лапорта потврди дека Роналд Куман ќе остане тренер на тимот. Пике не сака да ја коментира таа ситуација.
„Лапорта и Куман? Како фудбалери не можеме да се вклучиме во таа расправа и не можеме да направиме ништо. Нашата работа е да излеземе на теренот и да го дадеме максимумот“, објаснува Пике.
Лемар и Суарес и пресудија на Барселона – Атлетико го доби дербито
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Играч на „Брегалница“ нападнат за време на натпревар, приведен 36-годишник од Арачиново
Вчера околу 13:50 часот, на стадионот „Фортуна“ во Скопје, полицијата привела 36-годишен маж од селото Арачиново. Тој за време на фудбалскиот натпревар меѓу екипите на ФК „Шкендија 77“ и ФК „Брегалница“ физички нападнал играч на „Брегалница“.
Интервенирале полициски службеници од скопската полиција, кои веднаш го привеле напаѓачот, соопшти МВР.
По целосно документирање на случајот, ќе следува соодветен поднесок.
Спорт
(Видео) Џејмс Харден го растури Шарлот
Лос Анџелес Клиперс ги победија Шарлот Хорнетс со 131:116 во европскиот термин.
Нaтпреварот во Шарлот го обележа ветеранот Џејмс Харден. 36-годишникот постигна 55 поени.
Харден влезе во историјата на франшизата, само во првата четвртина постигна 27 поени. Ефемтот можеше да биде и подобар доколку не промашеше две слободни фрлања во овој период од играта.
Тука не застана, постигна неверојатни десет тројки и 55 поени, а ова е 25-ти пат во неговата кариера да има натпревар со најмалку 50 постигнати поени.
Покрај 55 поени, Џејмс имаше и три скока и седум асистенции и само две изгубени топки.
Поддршка доби од Ивица Зубац со 18 поени, осум скока и шест асистенции, а двоцифрен ефект имаа и Брук Лопез и Коби Сандерс, двајцата постигнаа по 11 поени.
Во редовите на Шарлот најефикасен беше Кон Кнуепел со 26 поени, 21 постигна Брендон Милер, 19 Мајлс Бриџис.
Спорт
(Видео) Харви Барнс му пресуди на Манчестер Сити
Фудбалерите на Њукасл го победија Манчестер Сити со 2:1, во последниот меч од саботната програма во Премиер лигата. Њукасл по пауза од седум години го победи Сити, воедно ова менаџерот Еди Хау дури во 19-то соочување со колегата Пеп Гвардиола ја забележа првата победа, претходно имаше две нерешени и 16 порази. Натпреварот на „Сент Џејмс Парк“ го реши Харви Барнс со два гола.
Брилијантен натпревар одиграа Њукасл и Сити на „Сент Џејмс Парк“, сите голови беа постигнати во второто полувреме. Њукасл беше подобар противник во првото полувреме, а големи шанси пропуштија Волтемаде и Харви Барнс. Казната не ги стигна домашните фудбалери во финишот на првото полувреме кога Фил Фоден го промаши голот од пет метри.
На почетокот на второто полувреме беше релативно мирно, а потоа сè беше решено за само седум минути. Њукасл поведе преку Харви Барнс, кој погоди од 16 метри во 63-та минута.
Радоста на „Сент Џејмс Парк“ не траеше долго. По големата гужва во шеснаесетникот на домашниот тим, Рубен Дијас одлично се снајде и го израмни резултатот на 1:1.
И кога се очекуваше Сити да притисне, во следниот напад, Барнс повторно беше на вистинското место, изворедно се снајде и ја испрати топката во мрежата. Потребно беше долго време да се провери дали на голот му претходеше офсајд, но на крајот беше одлучено дека е гол.
Сити напаѓаше до крајот на натпреварот, но тимот на Пеп Гвардиола не успеа да го избегне четвртиот пораз во сезоната.
Foto/ EPA

