Ѕвездата на Ајакс, Едсон Алварез вели дека славната актерка Салма Хајек го убедувала да потпише за францускиот Рен, каде што нејзиниот сопруг е газда, но тој останал во холандската престолнина.

Алварез вели дека бил поласкан што неговата мексиканска сонародничка, Хајек, која е во брак со францускиот милијардер Франсоа-Анри Пино од 2009 година, лобирала, но дека направил вистинска одлука.

„Беше тешко да се одбие Рен, но на крајот немав сомнежи дека сакам да останам во Ајакс. Сакам да играм во Лигата на шампиони против големи клубови, а пред оваа сезона бев стартер само шест месеци и немав доволно време да се докажам. Како позната сонародничка, таа ми се јави и се обиде да ме убеди да отидам во Франција. Тоа ме изненади и ми поласка, но и објаснив дека сакам да останам во Ајакс“, вели 23-годишниот Алварез, кој стана миленик на публиката во Амстердам оваа сезона.

Британската полиција отвори официјална истрага откако навивачите на Кристал палас покажаа огромен банер против новите сопственици на Њукасл јунајтед, обвинувајќи ги за тероризам и убиства.

Навивачите на „Холмсдејл роуд“ делот на стадионот покажаа огромен банер при влегувањето на стадионот за мечот од Премиерлигата, во кој Саудискиот инвестициски фонд (ПИФ) држи меч, додека под директорот на Премиерлигата, Ричард Мастерс има крв и торба со пари. Покрај тоа тука беа и прекршоците на саудискиот режим: тероризам, обезглавување, нарушување на човековите права, убиство, обвинувања и цензура. Фудбалерите на Њукасл потоа беа исвиркани.

„Во саботата на 23 октомври, полицијата доби извештај за навредлив банер од навивачите на Кристал палас. Ги разгледуваме информациите и сите обвинувања за расизам ќе бидат разгледани сериозно“, објави полицијата во Кројдон.

Луис Хамилтон призна дека му е забавно да се игра со својот ривал за титулата, Макс Ферстапен пред нивната пресметка на Американското ГП. Асот на Ред бул, Ферстапен има шест поени предност пред Хамилтон на шест трки пред крајот, а прво во Тексас ќе стартува пред Хамилтон на пол-позицијата.

Ривалите уште во петокот почнаа со „игрите“ помеѓу себе, кога Хамилтон го истурка Ферстапен на последната кривина од патеката, пред да возат тркало-до-тркало на стартно-целната рамнина. Ферстапен го пушти ривалот од Мерцедес, но го нарече преку радиото „глупав идиот“ и му покажа среден прст.

Хамилтон признава дека го направил тоа намерно.

„Прво, не го истуркав од патеката. Тој реши да оди од надворешната страна и отиде прешироко. Се боревме во последната кривина. Забавно е да се играш и ќе биде забавно на трката“, изјави Хамилтон.

Ферстапен, пак, вели дека стартот ќе биде професионален, без трикови.

„Како и секогаш, до крај професионално. Ние не сме единствените кои сме се судриле во овој спорт и такви работи се случуваат. Пак сме во првиот ред и сите очекуваат добра трка“, вели Ферстапен.

⚔️ La bataille entre Lewis Hamilton et Max Verstappen durant la séance d’essais libres 2 !

🗣 Max Verstappen : « Quel stupide idiot ! »#F1 | #USGP 🇺🇸 pic.twitter.com/30agrvmUzP

— En Pole (@EnPole_) October 22, 2021

We're set up for a blockbuster race, we can't wait!#USGP 🇺🇸 #F1 pic.twitter.com/W4TWfkVKK3

— Formula 1 (@F1) October 23, 2021