Спорт
Пикси го отпиша, и Конте веќе не смета на него – Михајловиќ ќе го спасува!

До неодамна Александар Коларов (35) беше капитен на фудбалската репрезентација на Србија и првотимец во екипата на Интер, а сега е принуден да бара нов клуб.
Се чини дека бекот со старшно силен удар се наоѓа пред најтешкиот период во кариерата.
Откако селекторот на „орлите“, Драган Стојковиќ Пикси и официјално го пречкрта, сега на неговите услуги не смета ниту тренерот на „Нероазурите“, Антонио Конте.
Италијанските медиуми пишуваат дека Србинот кој минатото лето дојде во Милано од редовите на Рома и кој зема по 3 милиони евра по сезона не воодушевил со своите настапи во „градот на модата“, па нема да биде изненадување ако летово тој ја промени средината.
Со сигурност повторно ќе се подгреат надежите дека Коларов на лето ќе се пресели во Црвена Звезда, но поверојатно е неговото останување во Италија.
Наводно, екс-српскиот селектор, а сега актуелен тренер на Болоња, Синиша Михајловиќ би можел да му пружи „рака за спас“ и ова лето да го доведе во својот тим. Сепак, се уште не е сигурно дали Михајловиќ по завршувањето на сезоната се уште ќе е кормилар на Болоња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пафос освои бод кај Олимпијакос, Бодо/Глимт се врати од 2:0 против Славија

Вчера деботантите Карабаг и Унион Сен Жилоа забележаа сензационални победи во Лисабон над Бенфика, односно во Ајндховен над ПСВ, а и вечерва клубвите што прв пат играат во Лигата на шампионите имаа успешни настапи. Пафос одигра 0:0 против Олимпијакос во Атина, а Бодо/Глимт во Прага се врати по минусот од два гола и одигра 2:2 со Славија.
Спорт
Одбраната на трофејот во Купот Вардар ќе ја почне против Новаци
Фудбалскиот клуб Вардар одбраната на титулата во Купот на Македонија ќе ја започне на домашен терен против Новаци.
Во Куќата на фудбалот со ждрепка беа одредни осминафиналните двојки. Се игра еден натпревар, а термините се 24.09.2025 и 29.10.2025.
Осминафинални двојки во Купот на Македонија:
Македонија ЃП – Струга Трим Лум
Охрид Лихнидос – Шкупи 1927
Вардар – Новаци
Башкими 1947 – Силекс
Шкендија – Тиквеш
Работнички – Брегалница 2008
Шкендија Арачиново – Пелистер
Беласица – Детонит Плачковица
Спорт
Парти инсистира дека е невин по обвиненијата за силување

Фудбалерот на Виљареал, Томас Парти, претпладнево се изјасни за невин кога се појави пред судот во Лондон, по обвиненијата за силување и сексуален напад.
Парти беше обвинет по пет точки за силување и едно обвинение за сексуален напад, поради спорни настани во 2021 и 2022 година. Обвиненијата се однесуваат на три жени.
Парти во тоа време беше член на Арсенал, а веќе една година англиските медиуми пишуваат за овој случај.
„Топџиите“ не го продолжија договорот со 32-годишникот, па тој го напушти клубот како слободен агент и се пресели во Шпанија со одобрение на судот.
Според условите што ги постави судот, Парти не смее да контактира со ниту една од трите жени, мора да пријави каква било промена на адресата во полиција и мора редовно да одговара на судските покани за сослушувања. Следното е закажано за 2 октомври.
Фудбалерот ги негира сите обвинувања.
Парти синоќа играше за Виљареал, против Тотенхем во првиот натпревар од Лигата на шампионите, на тереното влезе во 78-та минута, но не можеше да го спречи поразот на „Жолтата подморница“.
Парти е роден во 1993 година во Гана, а на 19-годишна возраст дојде во шпански Леганес. Набрзо се пресели во Атлетико Мадрид, во чиј прв тим беше од 2015 до 2020 година, исклучувајќи ги позајмувањата во Мајорка и Алмерија.
Тој беше член на Арсенал од летото 2020 година, кога клубот за неговиот трансфер на Атлетико му плати 50 милиони евра.
Foto/ EPA