Реал Мадрид ќе биде хендикепиран вечерва во Атина, против Олимпијакос во петтото коло од групната фаза на Лигата на шампионите. Тимот на Чаби Алонсо, поради лошите резултати (три натпревари без триумф) има императив на победа.

Клубот вчера потврди дека голманот Тибо Куртоа нема да биде во составот поради вирусна инфекција, додека тренерот Чаби Алонсо ќе има на располагање само еден вистински стопер, Раул Асенсио.

Дин Хаусен е надвор од тимот поради проблем со коленото, Антонио Ридигер сè уште не се опоравил од повреда на мускулот, а Едер Милитао е повреден од репрезентативната пауза.

Поради ова, францускиот играч од средниот ред Чуамени повторно ќе мора да влезе на позицијата стопер, позиција што ја покривал во неколку наврати претходно.

Реал Мадрид во моментов има три победи и еден пораз во Лигата на шампионите, додека Олимпијакос е на дното на табелата со два нерешени резултати и два порази.

Тимот од Мадрид одигра нерешено 2:2 со Елче во Ла Лига минатата недела, откако претходно одигра 0:0 против Рајо Ваљекано, а загуби со 1:0 против Ливерпул во Лигата на шампионите.

Пред оваа мини-криза, Алонсо со тимот оствари импресивни 13 победи во 14 натпревари на почетокот од сезоната.

Грчкиот гигант Олимпијакос не може да смета на Александрос Паскалакис и Константинос Ангелакис вечерва. Во составот за дуелот со Реал Мадрид, Олимпијакос особено смета на искуството на Дани Гарсија, кој во текот на својата кариера играше за четири клуба во Ла Лига и добро го познава Реал.

Искуството не завршува со споменатиот дефанзивец. Во тимот е и Ајуб Ел Каби, напаѓач кој постигна 10 гола оваа сезона, вклучувајќи еден во Лигата на шампионите.

Интересно, Олимпијакос никогаш не загубил како домаќин од Реал.

Среда:

Копенхаген – Каират 18.45 часот
Пафос – Монако 18.45
Арсенал – Баерн 21.00
Атлетико (М) – Интер 21.00
Ајнтрахт – Аталанта 21.00
Ливерпул – ПСВ 21.00
Олимпијакос – Реал Мадрид 21.00
ПСЖ – Тотенхем 21.00
Спортинг – Бриж 21.00

Фото/ Принтскрин

Луис Хамилтон, седумкратниот светски шампион, беше депресивен по трката во Лас Вегас. Трката, Хамилтон ја заврши на осмото место.

Британецот зад воланот на Ферари истакна дека целата оваа сезона била катастрофална за него и дека не очекува да биде подобро следната година.

Фред Васер, шефот на Скудерија, му рече дека Хамилтон претерувл со изјавата.

„Ја разбирам реакцијата на Луис веднаш по трката. Сепак, тој треба да се смири и да се фокусира на преостанатите две трки во Катар и Абу Даби.“

Французинот верува дека не е сè толку црно во Ферари.

„Тој немаше толку лош ритам во Лас Вегас, но многу отежна тоа што стартуваше од 20-то место. Не сме задоволни, но мора да останеме заедно и да бараме најдобро решение“, рече Васер.

Хамилтон е 74 поени зад својот тимски колега Шарл Леклер и сè уште нема пласман на подиумот откако се пресели во најпознатиот тим во светот.

Фото/ Принтскрин

Диего Симеоне, на прес конференцијата, пред натпреварот со Интер го кажа она што голем број Интеристи сакаа да го чујат со години.

„Не знам“, одговори Аргентинецот кога беше прашан дали еден ден би го тренирал Интер.

Но…

„Но, да… Можам да се замислам себеси еден ден како тренер на Интер“, додаде Чоло, кој од 2011 година предводи друг клуб за кој играше за време на својата играчка кариера, Атлетико Мадрид.

Симеоне веќе еднаш во животот се пресели од Атлетико во Интер, тоа беше во 1997 година по три успешни сезони на тогашниот „Винсенте Калдерон“. Тој остана на „Меаца“ релативно кратко време, само две сезони, но дури и тоа беше доволно навивачите на Интер да можат да кажат дека тој е еден од нив.

Атлетико и Интер повторно се среќаваат во Лигата на шампионите, овој пат во првата фаза (среда, 21.00 часот).

Последен пат се сретнаа во осминафиналето во сезоната 2023/24, а шпанскиот тим се пласираше понатаму, откако ја доби пенал серијата.

Кога Аргентинецот ќе стане тренер на Интер? Тешко е да се претпостави од неколку причини, од кои една е платата на Симеоне, тој со години е еден од најплатените тренери во светот на фудбалот.

Нероаѕурите му плаќаа на Симоне Инзаги три пати помалку, што беше рекордна плата за тренер во Италија. Неговиот наследник Кристијан Киву работи за 2,5 милиони евра годишно.

Foto/ EPA