Спорт
Пипен: Ова не е вистинската НБА

ЛА Лејкерс во финалната серија во НБА-лигата води против Мајами со 3-1 во победи и е на чекор до нова титула во најсилната светска кошаркарска лига. Сепак, легендата на лигата и на Чикаго Булс, Скоти Пипен, смета дека кошарката што се игра во „Дизни-светот“ во Орландо, Флорида, не е онаа вистинската.
„`Меурот` не е вистинската НБА, овде ја нема вистинската НБА-рутина. Нема напорни патувања, нема гледачи, нема никакви пречки. Нема вистинска бучава, како да се играат пријателски мечеви, го нема вистинскиот притисок врз навивачите. Видете што прави Рондо во финалната серија, човекот во кариерата не погодил тројка, а сега гаѓа со 50 %. Секоја вечер спиеш во ист кревет, ќе прошеташ до сала за вежбање, не мораш да се возиш во автобуси и не мораш 2 часа пред мечот да дојдеш на терен за да разговараш со новинарите. Ова е некоја друга игра“, смета Пипен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шредер и Вагнер не дозволија изненадување – Германија ќе се бори за златото на ЕП

Актуелните светски шампиони, репрезентативците на Германија, први изборија пласман во финалето на Европското првенство. Германија, во првото полуфинале на 42. Евробаскет, ја победија Финска 98:86 (30: 26, 31:21, 20:26, 17:13).
Германците беа фаворити пред дуелот со најпријатното изненадување на првенството и таа улога во целост ја оправдаа.
Финците добро отворија водеа со 12:4 и 18:11, потоа Германците направија серија 0:11, ја презедоа контролата врз натпреварот, а полувремето го заврши со постигнати 61 поен.
Имаа Германците неколку пати предност и од 19 поени, но Финците одбиваа да се предадат, дојдоа во финишот на третиот период на негатива од шест поени, а во последната четвртина се влезе со предност од осум поени за Германија.
Финците во решавачкиот период промашија се што можеа, постигнаа само два поени во првите четири минути, не блескаа ниту Германците, но барем ја одржуваа двоцифрената разлика.
Финците имаа повеќе скокови (38-35), Германија имаше четири асистенции повеќе (23-19), Германците погодија три тројки повеќе (14-11), од 33 обиди колку што имаа и Финците. Повторно в очи паѓа односот на слободните фрлања и повотрно е во корист на Германија (31-18).
На крајот заслужен триумф на Германците кои в недела ќе се борат за своето второ злато кога станува збор за континеталните шампионати. Противник ќе им биде победникот од натпреварот меѓу Грција и Турција.
Денис Шредер со 26 поени, 12 асистенции и четири скока ја предводеше Германија. Франц Вагнер 20 од 22 поени постигна во првото полувреме.
Кај Финска се истакнаа Оливие Енкамуа со 21 поен и девет скока, односно Лаури Марканен со 16 поени и осум скока.
Foto/ EPA
Спорт
Црвена звезда го продаде најдобриот стрелец

Најдобриот стрелец на Црвена звезда во минатата сезона, Шериф Ендиај, кариерата ќе ја продолжи во Турција. Преодниот рок во оваа земја трае до полноќ.
Црвена звезда го продаде напаѓачот од Сенегал в Самсунспор. Според српските медиуми, спрскиот шампион од овој трансфер заработи шет милиони евра.
Во текот на денот, Ендиај ќе замине за Турција каде што, по медицинските прегледи, ќе потпише четиригодишен договор со новиот клуб. Тој се враќа во Турција, бидејќи во Црвенз звезда дојде од Адана, каде што играше две сезони.
Во дресот на Црвена Звезда, тој постигна 40 гола и запиша 12 асистенции на 89 натпревари. Освои две двојни круни и беше најдобар стрелец на првенството минатата сезона.
Спорт
Очоа ќе брани за АЕЛ Лимасол

Гиљермо Очоа има сериозни планови да настапи на Светското првенство во 2026 година.
Искусниот мексикански голман потпиша за АЕЛ од Лимасол и ќе биде во натпреварувачка форма пред Светското првенство следната година.
Очоа дебитираше за Мексико пред точно 20 години. Препознатлив е по своите наверојатни партии на најголемото фудбалско натпреварување, а сега доаѓа на Кипар, за прв пат во кариерата.
Очоа претходно го носеше дресот на Клуб Америка, Ажаксио, Малага, Гранада, Салернитана.
Забележа над 150 настапи за мексиканската репрезентација, а учествуваше и на Светските првенства во 2006, 2010, 2014, 2018 и 2022 година.
Foto/ ael.com.cy