Спорт
Пипен: „Последниот танц“ не е точен!

Спортските настани пролетоска беа покриени од пандемијата на коронавирусот во светски рамки, а документарниот филм „Последниот танц“ посветен за кариерата на Мајкл Џордан внесе свежина. Сепак, предизвика и многу конроверзи, пред се како во него е прикажан еден од најблиските соиграчи на Џордан – Скоти Пипен.
Медиумите во САД тогаш пишуваа дека Пипен е бесен на Џордан за сето она што се нашло во документарецот, но во јули Пипен сето тоа го демантираше објаснувајќи дека нема причина да се навреди од нешто што се случило пред 30 години.
Сега, во интервју за „Гардијан“ Пипен сепак вели дека некои работи му пречеле во документарецот.
„Не мислам дека `Последниот танц` е точен во смисла на дефинирање што се случило во една од најголемите ери во историјата на кошарката. Мислам дека тој документарец тоа не го стори, туку поентата на Мајкл беше тој самиот да се глорифицира, да се издигне. Мислам дека на некој начин тоа му се `удри од глава`, затоа што луѓето можеа да видат за каква личност се работи“ вели Пипен.
Екс-кошаркарот во интервјуто раскажува дека по прикажувањето на документарецот расговарал со Џордан и му го кажал своето мислење за него.
„Му реков дека не сум премногу задоволен, тој го прифати тоа и ми рече `Во право си`. Тоа беше се“ раскажа Пипен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Димитриевски би можел да се пресели во Елче

Столе Димитриевски до крајот на преодниот рок ќе ја напушти Валенсија. Целта на македнскиот репрезентативец е да остане во Шпанија.
Димитриевски, минатото лето како слободен играч пристигна во Валенсија од Рајо Ваљекано. Претходно клубот го продаде Георги Мамардашвили во Ливерпул, но клубот од Англија репи да го остави голманот на позајмица.
Кога клубовите се договорија јасно беше дека Димитриевски ќе биде резерва. Бранеше само на натпреварите во Купот и на неколу натпревари во првенството кога Грузиецот беше повреден.
Статусот на Димитриевски не се подобри ниту по завршувањето на сезоната, Мамардашвили замина, но Валенсија реши на позајмица од Атлетик Билбао да го донесе младиот голман Хулен Агирезабала.
Поради ваквата одлука на клубот македонскиот репрезентативец сака да ја напушти „Местаља“.
Шпанските медиуми пишуваат дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez
Спорт
Де Брујне ја објасни разликата помеѓу Конте и Гвардиола

Кевин Де Брујне вели дека се стреми кон 25-от трофеј во својата прва сезона со Наполи и ги објасни разликите помеѓу Пеп Гвардиола во Манчестер сити и Антонио Конте.
„Би рекол дека имаат два различни начини на игра. Пеп е веројатно малку повнимателен во контролата и поседот на топката, додека Конте е малку поструктуриран во играта и многу се фокусира на менталитетот. Пеп работи повеќе во просторот“, изјави Де Брујне за „Кориере дело Спорт“.
„Постојат неколку различни работи, но секој тренер има свои принципи и карактеристики“.
Белгиската ѕвезда, исто така, објасни кој трофеј најмногу сака да го освои за време на неговиот престој во Наполи.
„Веројатно Скудетото, но никогаш не сакам да бирам. Ќе земам што можам да освојам. Сепак, бидејќи никогаш не сум играл во Италија, освојувањето на лигата би била добра цел, тоа би било многу кул“.
Спорт
На сите играчи што ќе испаднат од Серија А ќе им бидат намалени платите

Италијанската фудбалска федерација и Серија А постигнаа договор со кој платите на фудбалерите ќе бидат намалени за 25 проценти доколку нивните тимови испаднат во Серија Б.
Петгодишниот договор беше објавен денеска. Намалувањето на платите има за цел да го намали финансискиот притисок врз клубовите испаднати од Серија А и ќе важи за сите договори потпишани по 2 септември 2025 година.
Новиот систем автоматски ги намалува платите, освен ако не е поинаку наведено во договорот на играчот.
Постојните договори ќе останат предмет на претходно договорени услови. Доколку тимот се врати во Серија А, платите ќе се вратат на нивната оригинална вредност.
Колективниот договор, исто така, воведува структура на минимална плата врз основа на возраста на играчот, која не може да се намали дури ни по испаѓањето.