Откако попладнето Данска и Египет одиграа крајно драматичен и напнат меч кој беше неизвесен до крајот и беше решен по изведувањето на пенали, можеби не очекува слична драма во дуелот помеѓу Франција и Унгарија, откако Шпанија и Шведска лесно ги решија своите четврт-финални мечеви.

Данска ќе игра со Шпанија, откако „фуријата“ ја продолжи добрата игра на Мундијалот со победа од 31:26 над Норвешка, обезбедена откако во првото полувреме направија предност од шест гола (21:15), а Шведска со 35:23 го декласираше Катар.

Франција, пак, се намачи со Унгарците, кои прво водеа во првото полувреме, за потоа да бркат предност и да израмнат на 30:30 за продолженија.

СП ЕГИПЕТ 2021, ЧЕТВРТ-ФИНАЛЕ

Данска – Египет 39:38 (16:13, 12:15. 7:7, 4:3)

Франција – Унгарија 30:30, продолженија

Шпанија – Норвешка 31:26 (21:15)

Шведска – Катар 35:23 (14:10)

ПОЛУФИНАЛЕ

Данска – Шпанија

Франција/Унгарија – Шведска

Јирген Клоп е познат како еден од најдобрите фудбалски тренери на планетата, докажувајќи се со Борусија Дортмунд и Ливерпул, но покрај тоа тој е мајстор на телевизиските реклами, откако само од спонзорски договори зарaботил 7.5 милиони евра минатата година, на што се надополнува и платата од 18 милиони евра годишно која ја зема од Ливерпул.

Неговиот советник, Марк Козике вели дека се одбиваат повеќе понуди отколку што се прифаќаат, а и покрај тоа тој е ексклузивно лице на автомобилскиот гигант Опел, на ВР-Банк, на Дојче Фермогенсбератунг (ДВ, најпознати како долгогодишни спонзори на Михаел Шумахер), на пивото Ердингер, на „Скај ТВ“, а најновиот договор е со „Сникерс“ за Европското првенство во фудбал следната година.

„Одлучивме дека Јирген стои за работи на кои пишува ‘Made in Germany’. Се обидуваме да осигураме дека тој промовира германски компании. Освен британскиот ‘Скај’, но тој е исто како да е германски бренд поради долгата историја на ТВ-преноси од Бундеслигата“, вели Козике.

Покрај овие постоечки договори, во минатото тој ги промовираше и Пума, Њу Баланс и Адидас. Клоп не е на социјалните мрежи, а откако стана тренер на Ливерпул во 2015, само еднаш се појавил како гостин на ТВ-шоу – на „Мандеј најт фудбал“ на Скај во септември 2016 година. Тој дури откажа присуство на шоуто на Греем Нортон на Би-Би-Си по освојувањето на титулата од ЛШ во 2019, а одбива можност да се снима документарен филм како тој на Манчестер сити и Тотенхем.

Челси одигра само 0:0 со Вулверхемптон во дебито на Томас Тухел на клупата на „сините“, а во далеку поинтересниот меч Барнли ја продолжи фантастичната низа на резултати победувајќи ја Астон вила со 3:2 откако по час игра губеше со 1:2.

Иако вчера го одработи првиот тренинг и тешко дека неговото влијание може да се забележи по еден натпревар, „сините“ овој пат играа со 3-4-3 тактика и со неверојатни 433 додавања во првото полувреме, најмногу за Челси откако се води оваа статистика (2003).

Chelsea completed 4️⃣3️⃣3️⃣ passes in the first half 👏

More than Chelsea have managed in the first half of ANY Premier League game since the stat was first counted in 2003-04 👀 pic.twitter.com/Iw9VjOZzOA

— Goal (@goal) January 27, 2021

И покрај ова, патот до голот на Вулфс тешко се наоѓаше, а и гостите имаа неколку добри шанси да ги однесат трите поени.

Барнли на Шон Дајч, пак, тимот што ја прекина низата од 68 домашни меча без пораз на Ливерпул во претходното коло, стигна до нова победа кога за три минути ја демонтира Астон вила.

Оли Воткинс уште во 14. минута ја донесе Вила во водство на „Турф мур“, но Бен  Ми израмни во 58. минута. Џек Грилиш ја врати предноста во 68. минута пред Двајт Мекнил и Крис Вуд во 76. и 79. минута да го комплетираат пресвртот.