Спорт
По 36 години Жан Мишел Ола повеќе не е претседател на Лион
![](https://makfax.com.mk/wp-content/uploads/2023/05/dffb9.jpg)
Фудбалскиот клуб Олимпик Лион потврди дека Жан Мишел Олас по 36 години повеќе не е претседател на клубот. Новиот мнозински сопственик Џон Текстор ќе ја преземе функцијата генерален директор, додека Ола ќе ја добие функцијата почесен претседател.
Текстор ќе биде трајно претседател на Лион, а функцијата генерален менаџер ќе ја извршува само додека не успее да најде личност на која би му ја доверил таа функција.
Ола го напушта клубот откако му донесе 50 трофеи во машка и женска конкуренција во последните 36 години.
Најголемиот успех на Лион под водство на Ола беше освојувањето на седум последователни титули во Лига 1 од 2002 до 2008 година.
Во 1987 година, Аулас го презеде второлигашкиот клуб со долгови и го доведе до статус на еден од најголемите клубови во Европа и клуб кој ја има една од најдобрите академии во светот и поседува сопствен стадион, што е вистинска реткост во Франција.
Да потсетиме, Текстор го купи Лион минатата година за 800 милиони евра, а првичниот план беше Ола да остане претседател уште три години. Меѓутоа, американскиот инвеститор не бил задоволен од начинот на кој менаџментот под Ола ги спроведувал неговите идеи, па договорил експресна разделба. Ола доби 10 милиони евра отпремнина, и ќе остане во управата на клубот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Белгија ја запиша првата победа на ЕП
![](https://makfax.com.mk/wp-content/uploads/2024/06/12320148.jpg)
Фудбалската репрезентација на Белгија ја победи Романија во последниот натпревар од деветтиот ден на ЕП. Во Е групата Белгија победи со 2:0 (1:0). По две кола, сите селекции во Е групата имаат по три бода.
Белгија поведе по само 73 секунди игра. Стрелец беше Тилеманс, со најбрзиот гол на Белгија на големите натпреварувања.
Следеа шанси за Белгија, која доминираше, но Ница блескаше на голот на Романија. Свои шанси имаше и Романија, но и Кастелс беше располошен на голот на Белгија.
Романците поагресивно влегоа во вториот дел. Имаа две пристојни шанси во првите десет минути, но не извлекоа ништо корисно од тоа.
Пото Белгија повторно ја презеде контролата. Во еговиот гол го поништи ВАР поради офсајд.
Дилемите околу победникот ги реши Кевин де Брујне во 80.минута.
Гол-разликата ги држи Романците на првото место, а потоа следат Белгија, Словачка и Украина.
Во третото коло од групата Е се среќаваат Словачка и Романија и Украина и Белгија. Тие натпревари се закажани за среда на 26 јуни од 18 часот.
Спорт
Капитенот на Реал се сели во Саудиска Арабија
![](https://makfax.com.mk/wp-content/uploads/2024/06/012735534003.file_.jpg)
Начо Фернандез (34) по 23 години го напушта Реал, кариерата че ја продолжи во Ал Кадсија.
Фабрицио Романо објави дека поранешниот капитен на Реал веќе ги поминал лекарските прегледи и ќе потпише договор за саудискиот клуб на две години.
Начо пристигнал во Реал во 2001 година од АД Комплутенсе на 11-годишна возраст. Како сениор со Реал ги освои сите значајни клупски трофеи, шест пати ја освои Лигата на шампионите.
Спорт
(Фото) Поради селфиња со Роналдо четири пати во прекин беше натпреварот Португалија-Турција
![](https://makfax.com.mk/wp-content/uploads/2024/06/12319756.jpg)
Португалија без проблеми се справи со Турција во второто коло од групата Ф на ЕП. Португалија победи со 3:0 и го обезбеди првото место во Ф групата.
Покрај одличната игра на Португалија, комичниот автогол на Ајкадин, натпреварот во Дортмунд го одбележа и неверојатно лошата организација на службата за обезбедување.
Четири пати во текот на натпреварот, навивачи влегуваа на теренот за да дојдат до Кристијано Роналдо и да направат селфи со него.
Секако, според правилата на УЕФА, секој од тие упади не беа прикажани во ТВ пренос, но според реакциите од трибините, навивачите беа лути поради егзибициите на оние кои во второто полувреме постојано го прекинуваа натпреварот со што го нарушуваа ритамот на натпреварот.
Што се однесува до стјуардите, тие имаа малку трпение во првите три упади, но во последниот применија сила и грубо го изведоа натрапникот надвор од стадионот.