Спорт
По 56 години, УЕФА го укинува правилото гол-во-гости!

УЕФА реши по 56 години да го смени правилото гол-на-гости, со кое тимот кој постигнал повеќе голови на гости во двомеч го добива дуелот доколку е израмнето во комбинираниот резултат, одлука која треба да биде потврдена од Извршниот Комитет на УЕФА.
Правилото последните две сезони донесе многу ситуации во кои поради пандемијата на корона вирусот беше сосема непотребно, но тоа има голема историја во европскиот фудбал, откако беше воведено во 1965 година во УЕФА Купот на куп победници. Правилото беше воведено за да се избегнат третите натпревари кога два тима беа израмнети, и во исто време да се промовира напаѓачкиот фудбал.
Оваа одлука значи дека ако еден двомеч на крајот заврши израмнет, веднаш ќе се оди на продолженија, а потоа на пенали.
Оваа сезона правилото донесе елиминација на Јувентус од страна на Порто во осминафиналето во Лигата на шампионите – Порто победи дома со 2:1, а во Торино беше 2:1 по регуларните 90 минути. Во продолженијата Сержио Оливеира даде гол од слободен удар за 2:2, пред Адриен Рабио пак да донесе водство на Јуве, од 3:2, недоволно за пласман.
За споменување е и „неславната“ победа на Барселона над Челси во полуфиналето на Лигата на шампиони во 2009 година, кога по 0:0 на „Ноу Камп“, на „Стемфорд Бриџ“, Андрес Иниеста даде гол во последната минута за 1:1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Левандовски: Борусија не ми дозволи трансфер во Манчестер јунајтед

Полскиот напаѓач Роберт Левандовски е сè уште еден од најдобрите голгетери, иако се приближува кон својата петта деценија. Тој игра елитен фудбал веќе деценија и пол, а откри, дека во минатото бил блиску до преселба на „Олд Трафорд“.
Полјакот ги тресе мрежите во Шпанија, како што тоа го правеше во Германија. Според сопственото признание, во 2012 година бил пред трансфер во Манчестер јунајтед.
– Им реков „да“ вистина е. Но, Борусија не сакаше да ме продаде, мислеа дека ќе вредам повеќе за година или две – рече Левандовски.
Иронијата на судбината сакаше Левандовски навистина да го напушти Дортмунд две години подоцна. Но, тој отиде во Баерн како слободен агент, па Борусија не доби ниту цент од трансферот.
– Можеби малку жалам што не се обидов во Премиер лигата, но кога ќе се осврнам назад, играв за Баерн, Барселона, Борусија Дортмунд и можам да кажам дека сум задоволен од мојата кариера.
Спорт
Сценарио кое никој не го сака – Влаховиќ би можел да остане во Јувентус

Српскиот фудбалер Душан Влаховиќ сè уште не знае каде ќе ја продолжи кариерата и покрај секојдневните информации и шпекулации околу неговата иднина.
Според „Калчомеркато“, само два клуба биле сериозно заинтересирани за напаѓачот, Фенербахче и Милан.
Преговорите со турскиот тим одамна се замрени, додека „росонерите“ практично се повлекоа откако се „шпекулираше“ дека Макс Алегри се свртел кон Расмус Хојлунд од Манчестер јунајтед.
Доколку Данецот навистина дојде во Милан на позајмица, нема да има потреба од трансфер на српскиот напаѓач.
Тогаш сценарио кое ниту Јувентус ниту Душан Влаховиќ не го посакуваа би се реализирало, напаѓачот би останал во Торино.
Играчот влегува во последната година од договорот, а доколку ја помине и сезоната 2025/26 со „старата дама“, тоа значи дека би заминал следното лето без обештетување.
Тоа би бил дополнителен удар за Јувентус, кој нема да врати ниту дел од 70-те милиони (плус уште 10 за бонуси) што ги плати кога Влаховиќ дојде од Фиорентина.
Спорт
Јунајтед не попушта – Челзи за Гарначо треба да плати 58 милионие вра

Челзи го сака Алехандро Гарнача, а Аргентинецот сака да се пресели на „Стемфорд Бриџ“, но бафре засега преговорите со Манчестер јунајтед се тешки.
Челзи за Гарначо понудиле четворица фудбалери: Кристофер Енкунку, Николас Џексон, Аксел Дисаси и Ренато Веига, поточно еден од нив во замена за Аргентинецит.
Наводно, на Јунајтед не му треба ниту еден од овие играчи, бидејќи им се потребни пари за да го засилат редот за врска и потенцијално голманот, Џанлуиџи Донарума.
Јунајтед постави јасна цена за Аргентинецот, таа е 50.000.000 фунти, или 58.000.000 евра и засега одбиваат да ги намалат своите барања.
Челзи ги сака и Џави Симонс и Гарначо, но за да ги реализираат овие трансфери, мора да го продадат гореспоменатиот квартет што му го понудија на Јунајтед.
Преговорите продолжуваат, Симонс и Гарначо веќе се договорија со Челзи и внимателно ги следат преговорите.