Спорт
По Клоп, тука е Милнер – нов тригодишен договор за ветеранот

Џејмс Милнер потпиша нов тригодишен договор со Ливерпул, со кој ќе остане на „Енфилд“ до 2022 година, истиот ден кога и тренерот Јирген Клоп ја продолжи верноста со клубот.
Фудбалерот од средниот ред дојде во Ливерпул од Манчестер сити во 2015 година како слободен играч, и неговиот сегашен договор завршуваше на крајот на сезоната, но сега тој сигурно останува барем уште две години.
33-годишниот ветеран има 198 меча за „црвените“ и оваа сезона има клучна улога во тимот кој направи неверојатна предност на табелата. Тој има 25 гола за клубот и покрај тоа што под Клоп почесто игра како дефанзивец отколку како играч од средниот ред. Милнер освои две титули од Премиер лигата со Сити во 2012 и 2014, а имаше и 61 настап за Англија пред да се повлече од репрезентацијата во 2016.
„Имав среќа и привилегија да играм за овој клуб веќе четири и пол години и фантастично е да се види растот на тимот. Уживам на тренинг секој ден, со овие соиграчи, со овој менаџер и со овој тим. Сакав да останам што е можно подолго“, вели Милнер.
This Friday just keeps getting better! ??@JamesMilner has signed a new contract extension! ? pic.twitter.com/SIKtuPg4N5
— Liverpool FC (@LFC) December 13, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Полуфинални дуели на Евробаскетот – Во центарот на вниманието е дуелот Грција-Турција

До крајот на Евробаскет 2025 останаа да се одиграат уште четири натпревари. Денес на програмата се полуфиналните натпревари на шампионатот во Рига, во кои ќе се натпреваруваат Финска – Германија и Турција и Грција.
Јасно е дека очите на јавноста ќе бидат вперени во второто полуфинале, пресметката на соседите. Сè е подготвено за уште еден епски судир.
Турција ја победи Полска во четвртфиналето со 91:77, по одличната игра на Шнегун, кој забележа трипл дабл (19 поени, 12 скока и 10 асистенции). Грција ја победи Литванија со 87:76 во четвртфиналето, предводена од Јанис Адетокумба, чии поени на крајот го решија натпреварот.
Во последните осум меѓусебни натпревари, Грција ја победи Турција исто толку пати, вклучувајќи ги и пријателските. Интересно е и тоа што Грците не загубиле од Турција во официјален натпревар од 2010 година. Тогаш на Светското првенство во Истанбул, Турците победија со 76:65, а подоцна го освоија среброто.
Пред овој дуел, Турците имаат голем проблем бидејќи Чеди Осман се повреди против Полска и прашањето е колку долго и дали воопшто ќе биде на теренот.
„Тој прими терапија, но не можеше да тренира со тимот. Ќе знаеме каква е неговата повреда и дали ќе биде подготвен за натпреварот, непосредно пред почетокот“, рече селекторот Ергин Атаман.
Чеди Осман е еден од најзаслужните за досегашниот настап на Турција на првенството – тој има просек од 14,9 поени, 2,4 скока и 1,6 асистенции по натпревар, со дури 51 процент успешност во шутот за три поени.
Од друга страна, Грција се потпира на Јанис Адетокумбо, кој постојано покажува дека е лидер на оваа грчка селекција.
Грција и Турција полуфиналето ќе го започнат во 20 часот, претходно во 16 часот својот меч ќе го започнат Финска и Германија.
Спорт
Ферари останува без двајца клучни инжинери

Италијанските медиуми донесуваат вести што ги загрижуваат фановите. Двајца истакнати експерти од одделот за погонски единици на Ферари ќе го напуштат тимот од Маранело.
Според извештаите на „Кориере дело Спорт“ и порталот „Ауторејсер“, Ферари наскоро ќе остане без Волф Цимерман и Ларс Шмит.
Двајцата се клучни луѓе во одделот за развој на мотори, а наводно ги чека нов предизвик во „Ауди“.
Германскиот производител го презема тимот Стејк оваа зима и веќе започна да го формира својот тим. Точниот датум на нивното заминување од Маранело сè уште не е познат.
Цимерман, лидер на проектот за погонски единици на Ферари, се смета за вистински иноватор во светот на моторите во Ф1. Неговото заминување се смета за особено чувствително за Скудерија.
Сепак, развојот на моторите за 2026 година го води Енрико Гвалтиери, што му дава на Ферари одреден континуитет.
Шмит е главен инженер за развој на перформансите на моторот со внатрешно согорување.
Заедно со Цимерман, се очекува тој да го зајакне проектот Ф1 на Ауди.
Цимерман и Шмит повторно ќе соработуваат со Матија Биното, кој го напушти Ферари на крајот од 2023 година.
Спорт
Јунајтед го испрати Онана во Трабзон

Голманот на Манчестер Јунајтед, Андре Онана, се пресели во турскиот Трабзонспор до крајот на сезоната.
„Скај Спортс“, објави дека Трабзонспор ќе ја покрие целата плата на Онана за време на неговиот престој во клубот.
По низа грешки, Онана го изгуби местото на голот на Јунајтед, а оваа сезона одигра само еден натпревар за Манчестер Јунајтед, во Лига купот, во поразот од четвртолигашот Гримсби по изведувањето на пенали.
На голот, Алтај Бајиндир ги започна сите три натпревари во Премиер лигата против Арсенал, Фулам и Барнли.
Онана ја започна својата кариера во Ајакс, а на Олд Трафорд дојде од Интер во јули 2023 година за 47,2 милиони фунти.
Одигра 50 натпревари за репрезентацијата на Камерун.