Спорт
По победата во Париз, Чави се гордее на децата од Ла Масија
Тренерот на Барселона Чави Ернандез презадоволен го напушти Париз. Барселона го победи ПСЖ со 3:2 во првиот четвртфинален натпревар во Лигата на шампионите.
На „Паркот на принцовите“, ПСЖ и Барселона одиграа извонреден натпревар, со два пресврти, кој заврши со можеби и изненадувачка победа на Каталонците.
„Исклучително сум горд на мојот тим. Ако човек сега не се чувствува горд, тогаш – кога? Мислам дека ПСЖ веројатно сè уште останува фаворит да оди понатаму. Тие се фантастичен тим, денеска успеавме да ги лимитираме, особено во првото полувреме одигравме убав пресинг, длабок“, изјави Чави и додаде:
„Тактички одигравме одличен натпревар, добро го браневме Мбапе и создадовме многу шанси на другата страна. Рафиња и Роберт (Левандовски) ја направија разликата во наша корист, а Педри ни помогна многу. Завршивме само половина од работа, ПСЖ е еден од најдобрите тимови во светот во моментов“.
За Барса играа двајцата најмлади стартери во историјата на четвртфиналето на Лигата на шампионите: Ламине Јамал (16 години и 272 дена) и Пау Кубарси (17 години и 79 дена).
„Мораме да бидеме горди на Ламине и Пау, како и на Фермин (Лопез) – сите тие се играчи од нашата школа Ла Масија, екстра посветени на тимот. Пау е неверојатен играч, не е нормално 17-годишник да игра така во Лигата на шампионите, светска класа. Ова е новата Барса, но ние сме на добар пат. Сега треба да се опоравиме и да се подготвиме за реваншот“.
Реваншите се закажани за следната недела: во вторник Барселона ќе игра со Пари Сен Жермен, а Борусија и Атлетико Мадрид во Дортмунд. Во среда Реал Мадрид ќе гостува во Манчестер, додека Арсенал ќе игра против Баерн во Минхен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.