Спорт
По само 3 месеци, Шкендија и Хуан Фелипе се разделија

Играше за Вардар, беше омилен кај „Комитите“, па реши да одите во Тетово, во редовите на лутиот ривал Шкендија. Сепак, авантурата на Бразилецот Хуан Фелипе во градот под Шар Планина траеше само 3 месеци.
Актуелниот македонски фудбалски шампион на клупската веб-страница објави дека ја прекинале соработката со 31-годишниот Бразилец и тоа во меѓусебен договор.
„Шкендија и бразилскиот фудбалер дојдоа до решение за спогодбен раскин на договорот. Челниците на клубот и фудбалерот на состанокот одржан неодамна дојдоа до заклучок дека во овој момент најдобро за двете страни е договорот да биде раскинат порано од предвиденото. Шкендија му се заблагодарува на Хуан Фелипе за неговиот придонес во црвениот дрес за време на периодот додека беше со нас. Му посакуваме среќа во иднина“ – се вели во соопштението на Шкендија.
Бразилецот Фелипе беше најдобриот играч на Вардар при освојувањето на двете шампионски титули во сезоните 2015/16 и 2016/17, а несомнен беше и неговиот голем придонес во обезбедениот историски пласман во групната фаза од Лига Европа.
Тетовската екипа со Фелипе сакаше да ја пополни празнината по заминувањето на капитенот на тетовци, Ферхан Хасани, но тој не ги повтори игрите по кои стана препознатлив во дресот на Вардар.
Засега не е познато која е неговата следна дестинација во кариерата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Марк Маркез го задржа максималниот учинок во квалификациите

Марк Меркез ја освои пол-позицијата за ГП на Катар.
Ова е четврти пат шпанскиот мотоциклист да биде на првото место, па го задржа максималниот учинок во квалификациите.
Шпанецот постави најдобро време од 1:50.499, што беше недостижно за помладиот брат Алекс, кој беше втор.
Третото место му припадна на Фабио Квартаро, кој е на Јамаха.
Катастрофа во квалификациите имаше клупскиот колега на Марко Маркез, Франческо Бањаја, кој на стартот ќе биде само 11-ти.
Италијанецот имаше пад и во квалификациите, поточно во вториот дел, па тоа имаше големо влијание на крајот да биде само 11. место.
Спорт
(Видео) Шпанскиот возач во Формула 1 Фернандо Алонсо на тренингот во Бахерин остана без волан

Шпанскиот возач во Формула 1 Фернандо Алонсо на вчерашниот тренинг пред трката за Големата награда на Бахреин се соочи со еден необичен проблем и остана без волан во текот на треингот.
Има долго кариера зад себе Алонсо во најбрзиот караван во светот, меѓутоа веројатно ваква ситуација не памети.
Во еден момент додека возеше Шпанецот остана без волан, но за среќа не беше во полна брзина и се најде на дел од патеката каде што има простор да реагира, па се помина без инцидент.
Fernando Alonso's steering wheel has come off
The Spaniard is back in the pits now as Aston Martin investigate the issue #F1 #BahrainGP pic.twitter.com/fV1INSJYM4
— Formula 1 (@F1) April 11, 2025
Спорт
Модриќ го напушта Реал Мадрид на крајот на сезоната?

Хрватскиот репрезентативец Лука Модриќ по крајот на сезоната најверојатно ќе го напушти Реал Мадрид.
Договорот на Модриќ со шпанскиот тим истекува за два и пол месеци, а како што пренесува локалниот „Ас“ продолжувањето на соработката не е во оптек.
Хрватот има 39 години и веќе ги надмина сите очекувања на навивачите, кои пред две сезони сакаа тој да остане барем уште една година.
Познато е дека Реал Мадрид ретко задржува фудбалери кои се на залезот на кариерата, но Модриќ е многу заслужен што се уште е во шпанскиот тим.
Сепак, „Ас“ смета дека тоа повеќе нема да биде така.
Во иста ситуација ги ставија Лукас Васкез и Давид Алаба.