Тениската легенда Роџер Федерер вели дека е прекрасно да бидеш татко и објаснува дека родителството никогаш не му пречело во кариерата, иако признава дека не очекувал дека ќе има толку деца со својата сопруга Мирка.

Роџер и Мирка имаат два пара близнаци – 10-годишните ќерки Мајла Роуз и Шарлин и 5-годишните синови Лео и Лени.

„Чувството е фантастично. Учиш многу за себе кога ќе станеш родител, но најмногу од сè тука е љубовта која ја имаш кон нив и чувството да имаш нешто посебно со твојата сопруга. Мирка и јас ги сакаме нашите деца бескрајно. Четири деца, тоа е неверојатно. Искрено, никогаш не помислував дека ќе имам толку деца, но сега е забавно. Убаво е да имаш големо семејство зад себе“, вели Федерер.

Близнаците очигледно се „генетски“ во семејството Федерер – неговата ќерка Дијана има син и ќерки-близначки, додека и бабата на Федерер од мајчина страна исто така е близнак.

Пеп Гвардиола, човекот кој стана икона на „Ноу Камп“ како фудбалер и како тренер, би можел да се врати во Барселона, тврди претседателот на Блауграна, Жосеп Марија Бартомеу.

Менаџерот на Манчестер сити излезе од славниот младински состав на Барселона, за подоцна покрај фудбалер на тимот да стане и тренер во блескавата генерација со „тики-така“ стилот на фудбал со Лео Меси, Андрес Иниеста и Чави. Но, тој реши да се докажува надвор од Каталонија, станувајќи тренер на Баерн Минхен три сезони, пред сегашната работа во Манчестер сити.

Тој секогаш давал двојни одговори кога ќе го прашале за можното враќање, но сега Бартомеу уште еднаш потврди дека тој би бил добредојден во Каталонија.

„Тоа не зависи од мене. Пеп самиот реши да замине, но вратата за него секогаш е отворена во Барселона“, изјави Бартомеу во интервју за италијанскиот весник „Ла република“.

Засега, прв човек во Каталонија е Ернесто Валверде, кој има договор до крајот на сезоната 2020/21.

Според шпанскиот „АБЦ“, Кристијано Роналдо веќе се признал дека се кае што заминал од Реал Мадрид во Јувентус, најмногу поради неодамнешното освојување на шестата „Златна топка“ на неговиот вечен ривал, Лео Меси.

Португалецот, наводно на своите пријатели им кажал дека верувал дека ќе освои уште две „Златни топки“ ако останеше во „кралскиот клуб“, а наводно уште е во контакт со повеќе поранешни колеги од тимот.

На оваа приказна се надоврзува наводното незадоволство на Роналдо во Јувентус, посебно под тренерот Маурицио Сари, кој неколку пати го извади пред крајот на мечевите, зголемувајќи ги шпекулациите за незадоволство, а ниту бројките не се исти како порано – тој има само 8 гола во 17 меча оваа сезона.

Од друга страна, уште пофрустрирачки, Лео Меси покрај тоа што го помина Роналдо по бројот на „Златни топки“ (6-5), по стартот на сезоната со повреда, има 12 гола во шпанската Ла лига, со што е најдобар стрелец засега пред Карим Бензема од Реал (11).

Cristiano Ronaldo starts regretting leaving Real Madrid for Juventus, because of Lionel Messi’s recent Ballon d’Or triumph. [ABC] pic.twitter.com/vrngOGIlQE

— Real Madrid Info (@RMadridInfo) December 9, 2019