Бразилскиот голман Матеус (33) ќе стане нов играч на Црвена звезда, објави португалскиот „Рекорд“.

Овој голман од Бело Хоризонте ќе потпише тригодишен договор (по принципот 2+1) со српскиот шампион.

Црвена звезда ќе ѝ плати на Брага еден милион евра, додека трансферот би можел да се зголеми за уште 250.000 во зависност од настапот на Матеус.

Искусниот голман е член на Брага од 2014 година, а последната полусезона ја помина на позајмица во Ајакс.

Бранеше 10 пати за тимот од Амстердам, додека во Брага собра дури 372 настапи во изминатата деценија.

Со Брага освои два португалски купа, како и два Лига купа.

Трансферот на Матеус значи дека Израелецот Омри Глејзер ќе мора да си најде нов клуб. Глазер не импресионираше минатата сезона, а проблем повеќе пртствува и фактот што тој во овој момент не може да го напушти Израел, поради ситуацијата на Блискиот исток.

Пол Погба кариерата ќе ја продолжи во Монако. Поранешниот француски репрезентативец кој последниот натпревар го одигра пред две години, во интервју за ТФ1 обвини дека не добил никаква помош од Јувентус, во текот на суспензијата поради допинг, која траеше 18 месеци.

„Мислев дека сум во војна со антидопинг властите, а не со клубот. Иако побарав помош од Јувентус, не ја добив“, изјави Французинот за каналот TФ1.

Французинот падна на допинг тест по натпреварот од Серија А против Удинезе во 2023 година, и првично беше суспендиран на четири години, но казната му беше намалена на 18 месеци.

Јувентус официјално го раскина неговиот договор во ноември 2024 година. Погба стекна право на настап во март оваа година.

„Го замолив клубот да ми обезбеди фитнес тренер бидејќи сè уште бев член на тимот. Имав право на тоа. Да речеме дека Јувентус не ме поддржуваше и тоа ми остана врежано во сеќавањето. Не разбирав зошто. Мислев дека сум во конфликт со антидопинг властите, а не со Јувентус. Повеќе не можев секој ден да ги возам моите деца на училиште и да поминувам покрај стадионот и тренинг центарот знаејќи дека нема да играм долго време. Децата постојано ме прашуваа кога ќе се вратам на теренот и кога повторно ќе ме видат на теренот. Сега сум подготвен, физички и психички, и едвај чекам да почнам одново. Имам 32 години, но сè уште се чувствувам како дете“, заклучи Погба.

Освен за Јувентус, тој двапати беше и член на Манчестер јунајтед.

Бостон Селтикс го испратија Џру Холидеј (35) во Портланд Треил Блејзерс во замена за Анферни Симонс (26) и два пика од втората рунда на драфтот. Бостон на тој начин се ослободи од еден од клучните играчи во освојувањето на титулата минатата година, а причините се првенствено финансиски. Холидеј има договор уште три години и ќе заработи нешто повеќе од 100 милиони долари во тој период. Со неговото заминување, Бостон ќе заштеди околу 40 милиони долари данок на луксуз следната сезона.

Кошаркарскиот свет е шокиран од овој потег на Портланд бидејќи се чини дека Бред Стивенс (генерален менаџер на Бостон) го „ограби“ тимот од Орегон.

Џру Холидеј има 35 години и има многу богат договор бидејќи ќе заработи 32,4 милиони долари оваа сезона, потоа 34,8 милиони долари следната, а му следуваат и 37,2 милиони долари во 2028, но таа опција е тимска за продолжување на таа дополнителна година од договорот.

Анферни Симонс има 26 години и во претстојната сезона ќе заработи 27,7 милиони долари и ќе стане неограничен слободен агент во летото 2026 година. Бостон Селтикс го намалија данокот на луксуз што се наплаќа на нивната франшиза, што им носи заштеда од околу 40 милиони долари.

Портланд го враќа Џру Холидеј, две години по трејдот во кој за Холидеј ги даде Малколм Брогдон, Роберт Вилијамс, избор од првата рунда во 2024 година (кој стана Баб Карингтон) и избор од првата рунда во 2029 година.

Оригиналниот пакет што Портланд го доби во размената на Дамијан Лилард ги вклучуваше: Холидеј, Деандре Ајтон, Тумани Камара, еден избор од првата рунда, како и две размени на избори од првата рунда.

Овој трансфер го означува почетокот на активно лето за Селтикс, кои планираат да го обноват составот откако Џејсон Тејтум ја скина Ахиловата тетива во втората рунда од плејофот.

Според извори на ESPN, Бостон сè уште е активен во преговорите за размена на неколку клучни играчи од постоечкиот состав.

Постои можност Џејлен Браун наскоро да добие нов тим, а веројатно истото ќе се случи и со Кристапс Порзингис.