Спорт
Покетино: Ќе бидам глуп ако останам, а не го смениме начинот на работење
Менаџерот на Тотенхем, Маурисо Покетино, истакнал дека не би било логично тој да остане, а клубот да не направи промени во начинот на своето работење. Тотенхем последниот трансфер го направиле на 31 јануари 2018 година, бидејќи парите ги насочија кон изградбата на новиот стадион.
Покетино успеа оваа сезона да го направи (не)возможното и со Тотенхем да се пласира во финалето во Лигата на шампионите. Сепак Аргентинецот открил дека има намера да седне и сериозно да разговара со сопственикот Даниле Леви околу трансфер политиката.
„Не планирам да отворам нова страница без план, без јасна идеја“, рекол Аргентинецот.
Договорот на Покетино важи уште четири години, но тој не ја исклучил можноста да замине доколку тимот ја освои Лигата на шампионите.
„Знам добро како функционираат работите. Јасно ми е дека треба да почнеме да работиме на поинаков начин, што не значи дека по секоја цена мораме да трошиме повеќе пари. Но, доколку очекувањата се секоја година да играме финале во Лигата на шампионите, тогаш мораме да имаме план. Тој план мора да биде поинаков од овој што го применувавме во изминатите пет години. Ако од нас се бара да правиме нешта како што тоа го прават Ливерпул, Сити или Челси тогаш можностите мора да ни бидат исти. Доколку ен се смени нешто, а јас останам, тогаш ќе испадна глупав“, заклучил Покетино.
Тотенхем, во последното коло во Премиер лигата ќе играат против Евертон, а само чудо може да им ја одземе таа позиција на табелата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.