Спорт
Поведена истрага против ПСЖ
Обвинителство во Париз отвори прелиминарна истрага против Пари Сен Жермен и претседателот на клубот Насер Ал-Келаифи, под обвинение за „прикриено работење“, објави „Лекип“.
Истрагата ја иницирал извештајот од декември 2022 година поднесен од Хиким Буајила, поранешен советник на претседателот на Пари Сен Жермен.
Тој открил дека повремено платата ја добивал преку тениската академија Смеш, која е со седиште во Доха и нема никаква врска со Буаџил. Како што изјавил, никогаш не играл тенис.
Спорниот договор бил потпишан во јули 2015 година за наводна функција тениски тренер на неопределено време.
Истрагата е доделена на полицискиот оддел на 16. арондисман на Париз, каде што се наоѓа седиштето на Пари Сен Жермен.
На прашањата што ги испрати „Лекип“ до клубот, добил одговор дека „Буџила никогаш не бил вработен во Пари Сен Жермен или во beIN“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Милан реши да го задржи Јовиќ
Српскиот напаѓач Лука Јовиќ и во наредната сезона ќе го носи дресот на Милан. Јовиќ на почетокот на минатата сезона пристигна на „Сан Сиро“ од Фиорентина, имаше добра сезона, поради што и доби нов едногодишен договор.
Тимот на Милан ќе претрпи одредени поромени во пресрет на новата сезона. Челниците решија Јовиќ повторно да ја има улогата на резервен напаѓач, Клубот допрва ќе бара напаѓач кој ќе дојде на местото на Оливие Жиру.
Прва желба на Милан е Џошуа Зиркзе, кој имаше одлична сезона во Болоња, со која избори пласман во Лигата на шампионите.
Спорт
„Газета дело спорт“: Мартин во Дукати наместо Бастианини
Хорхе Мартин возач на Прамак Дукати и лидер во светскиот шампионат во Мото ГП, ќе го замени Енеа Бастианини во фабричкиот тим на Дукати, објави во четвртокот „Газета дело Спорт“. Според овој извор соработката ќе започне во 2025 година.
Мартин пред две недели забележа двојна победа на Големата награда на Франција. Шпанецот најпрвин победи во спринтот, а потоа и во главната трка и ја забележа втората победа сезона.
„Сите возачи сакаат да си го најдат своето место. Со она што го направив и покажав мислам дека го заслужувам тоа. Но, што е најважно, заслужувам место таму каде што ме сакаат и каде што се борат за мене“, изјави Хорхе Мартин тогаш, очигледно малку исфрустриран од бавноста на носењето одлуки во Дукати.
Од тимот, по трката во Каталуња, на која победи Пеко Бањаја, најавија дека до крајот на неделата не бри требало да биде официјализирано ништо поврзано со вториот возач за наредната сезона, но со оглед на тоа дека шпекулациите се зголемуваат, Дукати сепак би можел да се огласи порано.
Хорхе Мартин се наоѓа пред клучната одлука во кариерата, бара тим кој ќе го препознае неговиот талент и кој ќе биде подготвен да го следи во борбата за титули.
„Трпелив сум, но решен да ја најдам вистинската средина“, изјави Мартин.
Спорт
Сојунџу ќе го пропушти ЕУРО 2024
Еден од капитените на фудбалската репрезентација на Турција, Чаглар Сојунџу ќе го пропушти континеталниот шампионат во Германија. Сојунџу е фудбалер на Атлетико Мадрид на позајмица во Фенербахче. Тој е еден од клучните дефанзивци во тимот на Винченцо Монтела.
Сојунџу се повреди на натпреварот од последното коло од турската Суперлига меѓу Фенербахче и Истанбулспор.
Првично Фенербахче објави дека повредата не е сериозна, но вчера Сојунџу не можел да го одработи тренингот. Дополнителните прегледи покажале дека поради повредата на бутниот мускул тој ќе мора да мирува еден месец.
Турската репрезентација на ЕУРО 2024 е во групата Ф со селекциите на Португалија, Чешка и Грузија, а првиот натпревар ќе го одигра на 18 јуни во Дортмунд против Грузија.
Сојунџу, тој досега во кариерата за Турција одиграл 55 натпревари и постигнал два гола.