Спорт
Официјализиран најголемиот трансфер во историјата на Турција
Фудбалскиот клуб Галатасарај го урна турскиот рекорд со трансферот на Николо Заниоло. Италијанскиот репрезентативец во Истанбул се пресели од Рома за 20 милиони евра.
Николо Заниоло беше миленик на навивачите на Рома и предодреден да го наследи Франческо Тоти. Младиот офанзивец и италијански репрезентативец влезе во клупската историја, кога го постигна единствениот гол против Феенорд во финалето на Лигата на конференцијата за првиот европски трофеј на Рома.
Сепак, оваа сезона се случи шокантен пресврт. Заниоло побара трансфер во зимскиот преоден рок. Ова ги налути навивачите, а клубот по првичниот шок порача дека може да оди, но само со обештетување од 35 милиони евра. Многу клубови го посакуваа Заниоло, но само Борнмут покажа решителност да го лати обесштетувањето.
Заниоло одби да се пресели во Англија, истакнувајќи дека посакува трансфер во Милан. Сепак Рома не ги прифати условите што ги понудија челниците на италијанскиот шампион.
Така Заниоло остана во Рома, осуден да тренира со младиот тим до крајот на сезоната.
Галатасарај сензационално му понуди спас, а Заниоло го прифати и си замина од Рома за која на 128 натпревари постигна 24 гола и забележа 18 асистенции.
Заниоло од Галатасарај доби договор до 2027 година и плата од 3,5 милиони евра по сезона. Во неговиот договор откупната клаузула изнесува 35 милиони евра.
Nicolò Zaniolo to Galatasaray, here we go. Permanent deal agreed, fee close to €20m with add-ons — contract will be valid until 2027. 🚨🟡🔴 #Galatasaray
Deal will include €35m release clause.
✈️ Zaniolo, set to fly to Istanbul today as expected. Medical tests scheduled. pic.twitter.com/apTQ9yUjUg
— Fabrizio Romano (@FabrizioRomano) February 7, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ал Келаифи полуде на прашањрто за тренерот: Дали вие го разбирате фудбалот?
ПСЖ не успеа да се пласира во финалето на Лигата на шампионите. Среќата ги напушти „светците“ во натпреварите со Борусија Дортмунд. Во реваншот упатија 31 удар кон голот на Кобел, четири пати ја погодија стативата.
Сезоната, ПСЖ ќе ја заврши само со титулата во домашното првенство, која по доаѓањето на катарските газди се подразбира.
Сепак, со доаѓањето на Луис Енрике, клубот ја смени трансфер политиката. ПСЖ повеќе не ги купува најскапите суперѕвезди, туку се фокусире на собирање супер таленти. Така на реваншот со Борусија имаше тим со просечна старост од 24 години и 157 дена. Тоа е најмладиот тим во полуфиналето на Лигата на шампионите во последните 10 години.
Поради сето горенаведено, претседателот на клубот Насер Ал-Хелаифи полуде на новинарско прашање по испаѓањето од Борусија, каква е иднината на Енрике во клубот.
„Чекај, сериозно ме праша ли тоа? Навистина, дали знаеш нешто за фудбалот и дали воопшто го разбираш? Градиме долгорочен проект со најмладиот тим во Европа. Ни претстои светла иднина. ”
Спорт
Орсато означи крај во Париз и се расплака
Еден од најдобрите судии во светот, Даниеле Орсато, синоќа без грешка го водеше полуфиналниот реванш меѓу ПСЖ и Борусија Дортмунд. Натпреварот заврши со победа на германскиот тим 0:1, а Орсато откако означи крај на натпреварот се расплака.
Орсато (48) повеќе од една деценија суди натпревари од Лигата на шампионите, а во 2020 година го судеше финалето Баерн – ПСЖ. Истата година Институтот за фудбалска историја и статистика го прогласи за најдобар судија во светот. Следната година го водеше полуфиналето на Лигата на шампионите помеѓу Челзи и Реал Мадрид.
Италијанските медиуми открија зошто Орсато плачел.
Натпреварот ПСЖ-Борусија Дортмунд беше негов последен натпревар во европските купови. Тој ќе суди на претстојното евро, а потоа ќе се пензионира.
Спорт
Реал богато ќе ги награди фудбалерите доколку ја освојат ЛШ
Реал и Баерн од 21 часот во Мадрид ќе го одиграат реваншот од полуфиналето на Лигата на шампионите. Првиот натпревар во Минхен заврши 2:2. Вечерва ќе го дознаеме вториот финалист на Вембли откако синоќа место во финалето обезбеди Борусија Дортмунд која со вкупен резултат 2:0 го елиминира ПСЖ.
„Марка“, денеска ја објави сумата што секој играч на Реал Мадрид ќе ја добие од клубот како награда доколку ја освои Лигата на шампионите. Тоа е дури 1,4 милиони евра по фудбалер, што е за 500.000 евра по фудбалер повеќе отколку што за истиот успех беа наградени фудбалерите на Реал во 2022 година.
Со богата сума ќе бидат наградени и членовите на штабот, па се проценува дека Реал во случај на освојувањето на трофејот во Лигата на шампионите ќе плати издвои околу 40 милиони евра за да ги награди фудбалерите и стручниот штаб.