Натпреварите од седмото коло од Лигата на шампионите ќе се играат во следните два дена.

Дербито ќе се одигра на „Џузепе Меаца“ во Милано, силите ќе ги одмерат лидерите во Серија А и Премиер лигата, Интер и Арсенал.

Интер и Арсенал, во оваа фаза играа и минатата сезона, тогаш италијанскиот тим победи со 1:0.

Интер ги загуби последните два натпревари во Лигата на шампионите и никогаш не загубил три во својата историја, додека Арсенал бележи совршен настап – шест победи во шест натпревари во лигашката фаза.

„Топџиите“ се во серија од десет последователни победи во лигашката фаза, а им треба само уште една топка во мрежата за јубилејниот 400-ти гол во историјата на Купот/Лигата на шампионите.

ЛШ, 7.коло, вторник:

Каират-Бриж (16.30)
Боде/Глимт-Манчестер Сити (18.45)
Интер-Арсенал (21.00)
Копенхаген-Наполи (21.00)
Олимпијакос-Баер Леверкузен (21.00)
Реал-Монако (21.00)
Спортинг-ПСЖ (21.00)
Тотенхем-Борусија Дортмунд (21.00)
Виљареал-Ајакс (21.00)

Табела:

Foto/ depositphotos

Ол-стар натпреварот, оваа година ќе се игра на 15 февруари во Инуит Дом, новата арена на Лос Анџелес Клиперс.

Во пресрет на натпреварот на „Сите Ѕвезди“, познати се стартните петорки. Стартерите за натпреварот, ги избираат навивачите и комисија составена од претставници на медиумите, но гласаат и самите играчи. Гласовите на навивачите сочинуваат половина од вкупниот број гласови.

Тројца играчи прв пат ќе бидат стартери во тимот на Источната конференција: Тоа се Канингем (Детроит), Мекси (Филадлефија) и Браун (Бостон). Покрај нив во петорката се бекот на Њујорк, Брансон и крилото на Милвоки, Адетокумбо.

Што се однесува до Западот, во петорката само Стеф Кари е Американец. Тројца доаѓаат од Европа: Јокиќ, Дончиќ и Вамбањама, а еден од Накада, Гилџес-Александер.

Отсуството на Леброн Џејмс од стартната петорка е секако новост, по 20 години тој нема да биде стартер на Ол-стар натпреварот.

Комплетните состави ќе бидат објавени во следните неколку недели.

Foto/ depositphotos

Голден Стејт Вориорс, скапо ја платија убедливата победа над Мајами Хит со 135:112. Поранешниот играч на Мајами, Џими Батлер, поради повреда го напушти теренот.

Еден од главните играчи на франшизата, Џими Батлер, незгодно се приземји и, судејќи според она што беше видено, сериозно го повреди коленото. Крилниот играч испушти болен крик, а неговите соиграчи го изнесоа од теренот.

„Се молиме сè да биде во ред“, рече тренерот на Вориорс, Стеф Кари, кратко по натпреварот.

Батлер заврши со 17 поени, Кари имаше дабл-дабл од 19 поени и 11 асистенции, а најефикасен беше Брендин Подземски, кој постигна 24 поени, имаше шест скока и четири асистенции.

На другата страна, Норман Пауел беше најефикасен со 21 поен, по него следеа Ендру Вигинс со 18, Келел Вер со 15 и Италијанецот Симоне Фонтекио со 13 поени и осум скока.

Резултати:

Атланта – Милвоки 110:112
Кливленд – Оклахома 104:136
Вашингтон – ЛА Клиперс 106:110
Њујорк – Далас 97:114
Сан Антонио – Јута 123:110
Филаделфија – Индијана 113:104
Бруклин – Феникс 117:126
Детроит – Бостон 104:103

Foto/ depositphotos