Атланта Хокс и Лос Анџелес Клиперс го израмнија резултатот на 2-2, во полу-финалните серии против Филаделфија Севентисиксерс, односно Јута Џез.

Атланта во драматичен натпревар, ја победи Филадлефија со 103:100. Гостите имаа осум поени предност во првата четвртина, 13 плус во втората, а во последните две минути влегоа со предност од четири поени. Во тие момент на сцена стапија Тре Јанг и Џон Колинс.

Колинс погоди тројка, потоа Јанг врза четири коша, а овој играч на крајот од линијата за слободни ја потврди победата.

Јанг блескаше со 25 поени и 18 асистенции, Богдан Богдановиќ постигна 22 поени, а Колинс и Клинт Капела имаа дабл-дабл, првиот од 14 поени и 12 скокови, а вториот од 12 поени и 13 скокови.

Филадлегија ја предводеа Тобајас Херис со 20 поени, Џоел Ембид со 17 поени и 21 скок, односно Бен Симонс со 11 поени, 12 скокови и девет асистенции.



Шпанија, на Картука стадионот во Севилја, не успеа да ја победи Шведска, во првото коло во Е-групата, на Европското првенство. Играчите на „црвената фурија“ не го криеле разочарувањето од нерешениот резултат 0:0, за кој сами се виновни, бидејќи не успеаја да реализираат ниту една од неколкуте добри шанси за гол.

„Целиот тим е фрустриран, многу труд вложивме во овој натпревар. Од десет вакви натпревари мислам дека би победиле во девет“, рекол 27-годишниот Ајмерик Лапорт.

„Едноставно, сега треба да го заборавиме овој натпревар и да се насочиме кон следниот и да се обидеме да победиме“, истакнал играчот на Манчестер сити.

Шпанија во наредната рунда ќе игра против Полска, во сабота од 21 часот. Полјаците, вчера доживеаја пораз од Словачка.

Аргентина и Чиле одиграа 1:1, во првиот натпревар во Б-групата, на Копа Америка. Аргентина имаше повеќе шанси, но не успеа со победи во Рио де Женеиро.

Аргентинците, во првото полувреме, целосната доминаија на теренот ја материјализираа со само еден гол. Откако Лаутаро Мартинез не погоди во 12.минута и Нико Гонзалес промаши две добри шанси, гол и тоа спектакуларен од слободен удар постигна Меси во 33.минута.

Чиле во вториот дел влезе офанзивно, таквата определба им донесе пенал во 53.минута. Видал не успеа да го совлада Емилијано Матинез, но одбиената топка Варгас ја врати во голот.

До крајот немаше возбудувања, па двата тима освоија по еде бод.

Во вториот меч од оваа група, Парагвај со 3:1 ја победи Боливија.