Спорт
Поминаа 20 години од најбизарниот (и најсомнителен) автогол во историјата
Пред точно 20 години мечот од Бундеслигата помеѓу Енерги Котбус и Борусија Менхенгладбах ни го донесе еден од најславните, најбизарни и за некои најсомнителни автоголови во историјата на фудбалот. Главен актер, голманот од Босна и Херцеговина, Томислав Пиплица.
Котбус во 85. минута од мечот имше 3:2 предност пред Марсел Витечек да упати чуден удар кон голот на Пиплица, кој остана скаменет на гол-линијата по што топката го удри во главата и заврши во голот за конечни 3:3.
Секако, веднаш постоеја шпекулации дека се работи за намерно пуштен гол иако поранешниот репрезентативец на БиХ постојано го демантира тоа.
„Бев сигурен дека оди над гредата. Но, удри некој ветер и ја спушти топката кон голот. Таа падна на мојата глава и влезе во голот. И јас бев изненаден“, објаснуваше Пиплица години подоцна.
Пиплица беше дел од славната младинска репрезентација на Југославија, која во 1987 стана светски шампион (популарните „чилеанци“), а потоа 11 години бранеше во Котбус пред да се пензионира во 2015 година. Сега тој работи како тренер на германскиот нисколигаш Бајројт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вембањама и Холмгрен ги предводат дебитантите
НБА ги објави првата и втората најдобра петорка на дебитанти оваа сезона.
Првата постава дебитанти во најсилната кошаркарска лига на светот ја предводат Французинот Виктор Вембањама од Сан Антонио и Чет Хомлгрен од Оклахома, кои добија идентичен број гласови.
Тука се и Брендон Милер (Шарлот), Хамес Васкез (Мајами) и Брандин Подзиемски (Голден Стејт).
Вториот најдобар тим дебитанти во НБА го сочинуваат Дерек Лајвли (Далас), Амен Томпсон (Хјустон), Кјонте Џорџ (Јута), Кејсон Валас (Оклахома) и Џеј Џеј Џексон (Мемфис).
The complete voting results for the 2023-24 Kia NBA All-Rookie Team: pic.twitter.com/XNBPruS5FO
— NBA Communications (@NBAPR) May 20, 2024
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.