Спорт
Попович: Ова е најдобрата Франција што сум ја видел

По изненадувачкиот пораз на Србија од Аргентина во четврт-финалето на СП во Кина вчера, денеска повторно следуваше уште поголемо изненадување, победата на Франција над САД од 89:79.
Французите одиграа фантастичен натпревар и го елиминираа големиот противник за САД да доживее прв пораз по 58 победи на големите натпреварувања со НБА-играчи, но селекторот Грег Попович не бараше оправдувања, туку ја фалеше играта на Французите. Секако, главна тема беше отсуството на многу НБА-ѕвезди, кои решија да се фокусираат на своите тимови.
„Мислам дека е омаловажување дури и да се споменува тоа. Го немавме тој или оној играч. Тоа е понижувачки кон Франција или кој било друг тим на шампионатот. Французите не победија, нема врска кој е во тимот, јас се гордеам на овие 12 кошаркари кои го жртвуваа своето лето да дојдат тука. Не треба да се зборува САД имаат други играчи. Таква работа не постои. Тие што се тука – играат. Ова беше најдобрата Франција што сум ја видел“, вели Попович.
Fantastic response by coach #popovich on a question regarding the guys that did not participate. Coach has the back of his current players and thats why he is great #usafra #FIBAWC2019 pic.twitter.com/fGVzvEzCzp
— Dimitris Ioannou (@gavrojim007) September 11, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Барселона ја декласира Валенсија

Барселона го одигра својот прв домашен натпревар оваа сеозна. На стадионот „Јохан Кројф“, Барселона ја декласира Валенсија со 6:0.
Првото полувреме не навестуваше дека екипата од Валенсија ќе доживее дебакл.
Фермин Лопез ја доведе Барселона во водство по додавање од Феран Торес, а потоа следеше канонада во втората половина од натпреварот.
Во игра влезе Рафиња, кој целосно ја поремети играта на противникот.
Бразилецот го дуплираше водството на својот тим во 53-та минута, а три минути подоцна, Лопес повторно го запиша своето име на семафорот.
Рафиња ја зголеми предноста на Барса со брилијантен гол, а потоа на сцена стапи Роберт Левандовски.
Полјакот на теренот влезе во 68-та минута и набрзо го постигна првиот гол на овој натпревар.
Се играше во 78-та минута кога Левандовски ја затресе мрежата на Валенсија по одлично додавање од Дани Олмо, а потоа во 86-та минута го постави конечниот резултат, по асистенција од Бернал.
Барселона сега е на два бода зад Реал Мадрид, кој е единствениот тим со сите четири победи.
Foto/ EPA
Спорт
(Видео) Деби гол на неуништливиот Модриќ за триумф на Милан

Фудбалерите на Милан ја победија Болоња (1:0) на „Сан Сиро“ во натпреварот од третото коло на италијанската Серија А.
Херој на Росонерите беше 40-годишниот Лука Модриќ, кој го постигна својот прв гол во дресот на славниот клуб во 61-та минута.
Крајот на натпреварот го обележа интересна ситуација судијата Матео Марченаро покжа на пенал, но откако ја прегледа снимката го поништи, а потоа му покажа црвен картон на тренерот на Милан, Масимилијано Алегри, кој „полуде“ по таа одлука.
Милан на крајот стрепеше за победата, иако беше подобар во текот на целиот натпревар, дури четири пати неговите ја погодија стативата.
Тоа го направија еднаш Первис Еступињан и Самуеле Ричи, а двапати напаѓачот Сантијаго Хименез.
Милан ја оствари втората победа сезонава, има шест бода, додека Болоња остана на три бода, освоени во дуелот со Комо.
Foto/ EPA
Спорт
Шредер е МВП – Во најдобрата петорка само НБА играчи

Вечерва во Рига со победа на Германија заврши 42. Европското првенство во кошарка. Германија во спектакуларно финале ја победи Туција со 88:83. За најдобар играч на финалето е прогласен Исак Бонга.
МВП титулата, за најдобра играч на турнирот му припадна на Денис Шредер. Капитенот на Германија го реши финалето со шест поени во последните 67 секунди, мечот го заврши со 16 поени и 12 асистенции.
Покрај Шредер во иделаната петорка на првенството се уште четворица НБА играчи: Јанис Адетокумбо (Грција), Алперен Шенгун (Турција), Франц Вагнер (Германија) и Лука Дончиќ (Словенија).
Foto/ EPA