Спорт
Поповиќ воодушевен од Дончиќ: Замислете си што ќе беше Југославија да не се распаднеше
Далас Маверикс го совладаа Сан Антонио 104:99, откако успеаја да се вратат по негативата од 20 поени. Творец на пресвртот беше Лука Дончиќ, постигна 25 поени, 10 од нив во последната четвртина.
По завршувањето на натпреварот, Дончиќ на теренот доби честитки од легендата на НБА лигата, тренерот на Сан Антонио, Грег Поповиќ.
„Замислете си што ќе беше Југославија да не се распаднеше, да беа овие момци во ист тим. Тоа ќе беше возбудливо, Словенци, Хрвати, Срби, Босанци. Дончиќ ме потсеќа на тоа. Секој играч тој дел е одличен. Во НБА се исклучително добри. Се сеќавам на Дивац, Паспаљ, Кукоч, Петровиќ“, рекол Поповиќ и дополнил.
„Сепак една друга работа ме тера на размислување, како можеш да станеш толку добар во една мала земја. Знам дека не „одеше“ по терените во Њујорк, Чикаго или Лос Анџелес, каде конкуренцијата е огромна. Значи морате да му се поклоните, а Американците тоа често забораваат да го направат. Прекрасно е што една мала земја каква што е Словенија има еден толку добар, голем играч“, заклучил Поповиќ.
What are Gregg Popovich and Luka Doncic talking about? ??
? @dallasmavs pic.twitter.com/YFEDGLlgAY
— BasketNews.com (@BasketNews_com) October 29, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
МЗТ влезе во полуфиналето во АБА2 лигата
Кошаркарите на МЗТ Скопје Аеродром изборија пласман во полуфиналето на плеј-офот, во АБА 2 лигата. МЗТ загуби од Широки со 70:68 и со +13 влезе во полуфиналето Првиот натпревар во Скопје заврши со победа на МЗТ со 85:69.
На гости кај Широки кошаркарите на МЗТ одиграа лошо прво и одлично втро полувреме. Широки во втората четвртина имаше предност од 15 поени, на полувреме таа изнесуваше 11. Првиот дел со тројка го заклучи Војдан Стојановски.
Во вториот дел играчите на МЗТ ја стигнаа предноста на Широки, имаа водство 65:64 на четири минути до крајот по што беше јасно кој ќе излезе како победник од овој двомеч.
МЗТ на овој натпревар го предводеше Делалиќ со 18 поени, четири скока и две украдени топки, браќата Стојановски постигнаа по 13 коша, имаа по три асистенции, Дамјан имаше осум, а Војдан три скока. Двоцифрен со 10 поени беше и Баковиќ.
МЗТ во полуфиналето ќе игра прптив Спартак.
Спорт
Џонтeј Портер доживотно суспендиран од НБА
Кошаркарот на Торонто Репторс, Џонтеј Портер, доживотно е суспендиран од НБА лигата поради коцкање.
Челниците на НБА одлучија дека тој повеќе не може да се натпреварува во најдобрата кошаркарска лига во светот.
Така на неславен начин ја заврши кариерата. Џонтеј е брат на кошаркарот на Денвер Нагетс, Мајкл Портер Јуниор.
По аферата која изби во изминатите два месеци, пронајдени се непобитни докази дека Портер се коцкал обложувајќи се на себе.
За комесарот на лигата Адам Силвер немаше дилема, тој мораше да ја донесе оваа одлука.
Според правилата на НБА, секој играч кој ќе се обложи со пари или ќе вложи било каква вредност на натпревар или настан организиран од лигата или Развојната лига може да се соочи со казни од комесарот на лигата Адам Силвер.
Портер, кој е брат на Мајкл Портер од Денвер, во 26 натпревари имаше просек од 4,4 поени, 3,2 скока и 2,3 асистенции.
Спорт
Надал елиминиран од Де Минор
Рафаел Надал го заврши својот настап во второто коло на турнирот во Барселона. Шпанецот во два сета загуби од Алекс Де Минор (5:7, 1:6).
Надал против Де Минор се држеше до финишот на првиот сет. Австралиецот во 11.гем направи брејк, а патоа и го освои сетот. Во вториот сет немаше никава неизвесност, Де Минор го прегази својот противник.
Тој ја забележа првата победа во дуелите со Надал на земјана подлога и втора во петтата меѓсебна пресметка со еден од најдобрите во историјата на тенисот.
Де Минор во третото коло ќе игра против подобриот од пресметката меѓу Даниел Алтмаер и Артур Фис.
На крајот публиката со овации го испрати Надал. Веројатно ова беше последен пат во кариерата да настапи на турнирот кој го освоил 12 пати.