Роберт Левандовски веќе има понуди од други клубови, бидејќи мали се шансите да остане во Барселона по завршувањето на сезоната.

Впечатокот е дека најконкретен во овој случај е Фенербахче, кој сака да ја прекине доминацијата на Галатасарај во домашното првенство.

Ако некој знае како да освојува трофеи, тоа е Роберт Левандовски. Иако е во ветеранските години, тој сè уште е на исклучително високо ниво, постигнува голови, а тоа е она што е она што му е потребно на клубот од Истанбул.

Според турските медиуми, полскиот напаѓач сака да потпише договор на две и пол години и тоа е неговиот главен услов за преселба во Фенербахче, бидејќи парите веројатно нема да бидат проблем.

Овие извори тврдат дека, Фенербагче му нудат договор на година и пол, но се очекува претставниците на Левандовски да продолжат со преговорите во наредните месеци за да постигнат договор.

Преговорите меѓу Реал Мадрид и Винисиус Жуниор течат во позитивна насока. Како што објави „Ас“, крилниот напаѓач наскоро ќе потпише нов договор со „Кралскиот клуб“.

Преговорите, кои во еден момент замреа се поместија од „мртвата точка“. Винисиус беше незадоволен од третманот што го има и од финансиските услови. Се шпекулираше дека сигурно ќе го напушти Мадрид, пред сè поради примамливата покана од Саудиска Арабија.

Договорот на Винисиус истекува во летото 2027 година, и се очекува дека продолжувањето на соработката официјално ќе биде објавено наскоро, бидејќи дури и Реал тешко може да си дозволи да го изгуби еден од најдобрите играчи на планетата.

Возачот на Мекларен и лидер во генералниот пласман на возачи, Ландо Норис, го обезбеди првото место на стартната линија за Големата награда на Лас Вегас.

Британецот ја запре штоперицата на 1:47.934, а интересно е што во Невада во ноќта од петок кон сабота врнеше околу 20 минути пред почетокот на квалификациите, па влажниот автодром им ги отежна квалификациите на возачите.

Поројниот дожд престана пред почетокот на првиот дел од квалификациите, па речиси сите возачи (освен Габриел Бортолето и Оскар Пјастри, кои излегоа со „сините“ гуми) возе со „зелените“, интермедија пневматици.

Возачите почнаа да наоѓаат ритам дури во последната фаза од почетниот сегмент, а беа забележани два инцидента – Оливер Берман од Хас удри во ѕидот затоа што не успеа да закочи пред зоната за запирање, иако Британецот успеа да продолжи со натпреварувањето, додека Александар Албон го оштети предното тркало на болидот на Вилијамс, а подвиг е како Тајланѓанецот стигна до боксот.

Макс Ферстапен ќе стартува во првиот ред со Норис, а четирикратниот шампион по ред и бранител на титулата беше 0,323 секунди побавен од својот главен ривал за титулата кај возачите оваа сезона.

Зад возачот на Ред Бул е Шпанецот Карлос Саинц, а возачот на Вилијамс е одвоен само за 39 илјадити делови од Холанѓанецот, додека Џорџ Расел од Мерцедес е четврти, кој е 0,869 секунди зад сонародникот Норис.

Претендентот за титулата, колегата на Норис од Мекларен, Оскар Ојастри ќе стартува од петтото место, до него во третиот ред е Лијам Лосон од Рејсинг Булс.

Трката за Големата награда на Лас Вегас ќе се вози в недела со почеток во 5 часот по македонско време.

It's Lando Norris and Max Verstappen on the front row, with Carlos Sainz in P3! 🙌

Here's the full classification from Qualifying ⬇️#F1 #LasVegasGP pic.twitter.com/cb26Pv3TM4

— Formula 1 (@F1) November 22, 2025