Вечерва и утре ќе се одиграат натпреварите од последното коло во Лигата на шампионите. Клубовите ќе се борат за преостанатите пет места во нокаут фазата. Место во осмина-финалето обезбедија Ајакс, Баерн, Челси, Интер, Јувентус, Ливерпул, Манчестер сити, Манчестер јунајтед, ПСЖ, Реал и Спортинг.

Најинтересно во овие два дена ќе биде во групите Б, Е и Г.

Ливерпул ја освои Б-групата, а за второто место конкурираат Порто, Атлетико и Милан. Вечерва Порто ќе го пречека Атлетико, а Ливерпл ќе гостува кај Милан.

Барселона, во Е-групата, гостува во Минхен, само со победа ќе избори место во нокаут-фазата, во спротивно ќе зависи од резултатот што ќе го постигне Бенфика против Динамо Киев.

Вистинска лудница се случува во Г-групата. Сите тимови имаат можност да изборат осмина-финале.

По пет кола Лил има осум, Салцбург седум, Севилја шест, а Волфсбург пет бода. Во последното коло Салцбург ќе ја пречека Севилја, а Лил гостува во Волфсбург.

Група А:

ПСЖ-Клуб Бриж
Лајпциг-Манчестер сити

Група Б:

Милан-Ливерпул
Порто-Атлетико Мадрид

Група Ц:

Ајакс-Спортинг
Борусија Дортмунд-Бешикташ

Група Д:

Реал-Интер
Шахтјор-Шериф.

Роберт Левандовски не успеа да ја освои Златната топка за 2021 година. Престижната награда, седми пат во кариерата му припадна на Лионел Меси. Полјакот ја доби утешната награда за најдобар напаѓач во светот.

Напаѓачот на Баерн, во 2020 година, не беше награден, бидејќи „Франс фудбал“ поради пандемијата на коронавирусот не ја додели Златната топка. Според многумина беше фаворит и оваа година, но наградата замина кај Аргентинецот од ПСЖ.

Левандовски за полските медиуми признал дека бил тажен кога дознал дека нема да ја добие Златната топка.

„Нема причина да кријам дека бев тажен. Бев толку блиску, а се натпреварував со Меси…Тоа само покажува кое ниво успеав да го достигнам. Го ценам Меси, за се што успеал да постигне во кариерата. Но не разори тоа што не победив. Драг ми беше што таа недела не играв за Баерн“, рекол Левандовски, а потоа ја коментирал изјавата на Меси, кој изјави дека Левандовски во 2020 ја заслужил наградата.

„Неговите зборови ќе ми значеа нешто доколку почувствував дека се искрени. Сметам дека тоа беа празни зборови“.

Никола Јокиќ забележа трипл-дабл, а Јусуф Нуркиќ постигна најмногу поени во последните четири сезони, но нивните тимови Денвер и Портланд не успеаја да победата.

Чикаго го победи Денвер со 109:97. Јокиќ забележа 17 поени, 12 скокови и 15 асистенции. Актуелниот МВП лошо шутираше од игра, погоди само шест од 17.обиди. Целата стартна петорка на Денвер постигна двоцифрен број на поени, потфрлија резервите, заедно постигнаа само 10 поени. Најефикасен на натпреварот беше Зек Лавин со 32 поени.

ЛА Клиперс победија во Портланд 102:90. Нуркиќ натпреварот го заврши со 31 поен. Ова е најефикасниот натпревар на Босанацот по 2017 година, кога против Денвер постигна 33 поени. Пол Џорџ со 21 и Маркус Морис со 19 поени беа најефикасни во редовите на Клиперси.

Победи измината ноќ забележаа и водечките тимови во лигата, Голден стејт и Финикс.

Вориорс го победија Орландо 126:85. Стеф Кари постигна 31, а Ендрју Вигинс 28 поени. Финикс со 108:104 славеа против Сан Антонио. Крис Пол со 21 поен и 10 скока го предводеше Финикс.



Џоел Ембид го одигра најдобриот меч од почетокот на сезоната, забележа 43 поени и 15 скокови во победата над Шарлот по едно продолжение 127:124. Кај Шарлот се истакна Кели Убре со 35 поени.

Резултати: Детроит-Оклахома 103:114, Индијана-Вашингтон 116:110, Мајами-Мемфис 90:105, Милвоки-Кливленд 112:104, Минесота-Атланта 110:121.