Спорт
Последна проверка на Брестовац пред ЕП, во Виена без Велко Маркоски
Македонската ракометна репрезентација денеска во Словенија го игра последниот подготвителен меч со селекцијата на Црна Гора пред Европското ракометно првенство кое на 9 овој месец започнува во Австрија, Норвешка и Шведска. На последната проверка на нашите репрезентативци пред ЕП, селекторот Данило Брестовац нема да може да смета на услугите на долгогодишниот репрезентативец, Велко Маркоски.
За него кобен беше пријателскиот дуел со Словенија. При еден шут на Словенецот, Дејан Бомбач топката заврши во главата на Маркоски, по што тој заработи повреда на окото и денеска се враќа во Македонија.
Вчера на дефанзивецот во нашата селекција му беа извршени прегледи на Очната клиника во Љубљана, а резултатите се дека ќе мора да отсуствува 14 дена од терените.
Брестовац нема да може да смета на Маркоски за ЕП во Австрија што претставува дополнителен удар ако се знае дека тој со години е дел од одбраната на селекцијата.
Инаку, вчера Црна Гора убедливо загуби на пријателскиот меч од Словенија, 37:22.
Македонија првиот натпревар на ЕП во Австрија, во Виена го игра на 10. јануари против Украина. Потоа следува мечот со Чешка, а групната фаза ја заокружување на дуелот со домаќинот Австрија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.