Спорт
Последниот танц Дувњак ќе го има на СП
Капитенот на хрватската ракометна репрезентација Домагој Дувњак се уште не се откажал од националнио тим, но неговото збогување може да се очекува на почетокот на следната година, кога Хрватска заедно со Данска и Норвешка ќе го организира Светското ракометно првенство.
Хрватска не се прослави на Олимписките игри во Париз, не успеа да ја мине групата. Дувњак тогаш најави дека повеќе нема да игра за Хрватска, но во меѓувреме се премисли.
„Веќе разговарав со селекторот Дагур Сигурдсон. Ако на репрезентацијата и требам за Мундијалот, тука сум да играм за Хрватска уште еднаш за последен пат“, изјави Дувњак во интервју за „Килер Нахрихтен“.
Хрватска во Загреб ќе игра во групата со Аргентина, Бахреин и Египет, во хрватската престолнина репрезентацијата ќе остане и во вториот круг, секако доколку ја минат пвата фаза.
Едното полуфинале ќе се игра во Загреб, другото во Осло.
Дувњак доживеа многу убави моменти со репрезентацијата, но и некои помалку убави. Никогаш не успеа да освои златен медал, но има бронза од Олимписките игри во Лондон 2012 година, сребро и бронза од СП и три сребра и две бронзи на ЕП.
Тој ја освои Лигата на шампионите со Хамбург во 2013 година и со Кил во 2020 година. Со Кил го освои и Купот на ЕХФ во 2019 година. Со Хамбург беше шампион на Германија во 2011 година, додека со Кил ја освои Бундес лигата во 2015, 2020, 2021 и 2023 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Надал ќе игра за Шпанија во Дејвис купот
Рафаел Надал ќе биде дел од шпанската Дејвис куп репрезентација во финалето на Дејвис купот.
Надал последниот меч го одигра на Олимписките игри во Париз, кога во второто коло загуби од Новак Ѓоковиќ, поради што многумина шпекулираат за неговото пензионирање.
Шпанија на завршниот турнир во Дејвис купот ќе настапи во следниот состав: Рафаел Надал, Карлос Алкараз, Роберто Баутиста Агут, Пабло Карењо Буста, Марсел Гранољерс.
Дејвис купот Топ 8 ќе се игра во Малага од 19 до 24. ноември, а покрај Шпанија учествуваат и Италија, САД, Германија, Канада, Австралија, Аргентина и Холандија.
Во четвртфиналето Шпанија ќе игра со Холандија, Германија со Канада, САД со Австралија, а Италија со Аргентина.
Да потсетиме, Надал во текот на кариерата со Шпанија освои четири трофеи во Дејвис купот.
Спорт
Бјелица се враќа во Динамо Загреб?
Динамо Загреб се уште е во потрага по тренер откако минатата недела клупските ќелници му врачија отказ на Сергеј Јакировиќ. Динамо загуби во дербиот од Хајдук (0:1) во домашното првенство, а потоа претрпе дебакл од Баерн во Лигата на шампионите (9:2).
Откако Јакировиќ си замина, Динамо доживеа уште еден тежок пораз. Со помошникот Сандро Перковиќ, Славен Белупо во Копривница го порази Динамо со 4:1.
Како што пренесуваат хрватските медиуми еден од тренерите кои оставија најголема трага во клубот во овој век е многу блиску до враќање на клупата на „модрите“. Наводно, останува да се договорат финансиските детали.
Проблем, барем е договорот ѓто го има Бјелица со Берлин Унион, на чија клупа седеше од ноември 2023 година до мај 2024 година, кога беше отпуштен поради лошите резултати во борбата за опстанок во Бундес лигата.
Договорот на Бјелица со германскиот прволигаш е со важност до 2026 година, што значи дека треба да го раскине за да се врати во Динамо.
Бјелица го водеше Динамо од 2018 до пролетта 2020 година и со него во првата сезона избори пласман во осминафиналето на Лигата
Спорт
Торонто репторс ќе го пензионира дресот на Картер
Поранешниот НБА кошаркар Винс Картер ќе стане првиот играч во историјата чиј дрес ќе го пензионира Торонто Репторс, пренесуваат бројни американски медиуми.
Ер Канада, како што го нарекуваа додека беше активен играч, е единствениот кошаркар во историјата на најсилната кошаркарска лига во светот кој играл во четири декади.
Тој беше избран како прв пик на НБА драфтот во 1998 година, а кариерата ја заврши во 2020 година со вкупно 25.728 постигнати поени во 1.541 одигран натпревар.
Во својата кариера, Винс постигна 9.420 поени за Репторс, што е четврти во клупската историја, а се уште го држи рекордот за највисок просечен број на поени по натпревар, во сезоната 2000/2001 постигнувал по 27,6 поени по натпревар. .
Свеченото пензионирање на неговиот дрес ќе се одржи на 2 ноември, кога канадскиот тим ќе се сретне со Сакраменто Кингс.
Исто така, следниот месец Картер и официјално ќе стане член на Куќата на славните на кошарката, а неговиот дрес од Бруклин ќе биде пензиониран во јануари.