Спорт
Постекоглу: Фудбалот станува форензика

Менаџерот на Тотенхем, Ангелос Постекоглу побара да престане да се преиспитуваат одлуките на судиите за да спречи поткопување на нивниот авторитет. Изјавата ја даде по поразот на Тотенхем од Челзи со 1:4 и го претрпе првиот пораз оваа сезона во Премиер лигата.
Тотенхем и Челси, одиграа спектакуларен натпревар. ВАР поништи три гола, а Тотенхем натпреварот го заврши со двајца играчи помалку. Постекоглу не сака да го критикува судијата Мајкл Оливер.
Првото полувреме беше продолжено за 12 минути поради неколку проверки на ВАР системот, а тренерот на Тотенхем смета дека бројните инциденти довеле до прекумерна употреба на технологијата.
Менаџерот на Арсенал, Микел Артета, беше бесен по поразот од Њукасл и рече дека трите проверки на ВАР во саботниот натпревар биле „срамни“ и побара ревизија на судиските стандарди.
„Одлуките се одлуки, треба да ги прифатиш или да не ги прифатиш. Некои од нив се самонаметнати, но ако сакаме да се жалиме секоја недела за лоши одлуки, ќе се случи она што се случи во оваа игра, форензичка студија за секој одлука. Во тој правец оди фудбалот. Не ми се допаѓа тоа, би можел да бидам осамен во тоа бидејќи ми кажаа дека тоа е патот до напредок. Со интервенциите од ВАР собата имаше премногу празен од во орвото полувреме“, изјави Постекоглу изјави за „Скај спорт“.
„Во одреден момент ќе мора да ја прифатиме одлуката на судијата. Оваа постојана ерозија на овластувањата на судијата, тоа е она што ќе се случи, тие нема да имаат авторитет, тоа ќе се намали и ние ќе имаме контрола над некој што гледа на ТВ приемник и е оддалечен неколку милји“, додаде тој.
Запрашан дали имал полуд натпревар во кариерата од оној против Челзи, австралискиот тренер рече:
„Не, но мислам дека тоа ќе стане норма, тоа е насоката во која оди фудбалот. За жал, мислам дека вака ќе биде во иднина. Веќе реков дека не ми се допаѓа. Не го сакам театарот додека не ги чекаме одлуките“.
По поразот од Челзи, Тотенхем е втор на табелата со 26 бодови, бод помалку од Манчестер сити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мурињо побарал да му го донесат Бензема во Бенфика

Карим Бензема (37) би можел да дојде во Бенфика, пишува „Гол Франс“. Францускиот напаѓач е на радарот на Бенфика, на чија клупа минатата недела седна Жозе Мурињо. Доколку трансферот се реализира, судбината веќе нуди филмско сценарио: дуел против неговиот поранешен клуб Реал Мадрид во Лигата на шампионите.
Португалскиот тренер знае што му е потребно за да напредува во проектот: искуство, лидерство и цели. Тука се вклопува Бензема. Мурињо не ја крие својата желба да го доведе и веќе му даде до знаење на раководството дека вреди да вложи напор. Секако, нема да биде лесно.
Французинот влегува во последната година од договорот со Ал-Итихад и заработува вистинско богатство. Доколку сака да го носи црвениот дрес на „Естадио да Луж“, ќе мора да прифати големо намалување на платата.
Саудискиот клуб, исто така, размислува за продажба за обештетување помеѓу 5 и 7 милиони евра. За Бенфика, тоа е прифатлива сума… под услов Карим да каже да.
Таквиот потпис би носел доза на романтика, но и стратегија. Мурињо го сака Карим како лидер и модел за млад и гладен тим. Тој не бара никаков напаѓач, туку роден победник. Исходот е во рацете на Бензема.
Фото/ Принтскрин
Спорт
Кристијан Хорнер дебело си го наплати отказот

Кристијан Хорнер официјално го напушти Ред Бул откако беше постигнат договор за раскинување на договорот и пакет за отпремнина во вредност од 60 милиони евра, објави Би-Би-Си.
Британецот (51) беше на чело на тимот од неговото основање во 2005 година и во тој период го водеше тимот до осум шампионски титули во конкуренција на возачи и шест во конкуренција на конструктори.
Имаше годишна плата од 12 милиони евра, а неговиот договор беше важечки до 2030 година.
На 9 јули, Ред Бул објави дека Хорнер е „ослободен од оперативни должности“, а одлуката следеше по турбулентни 18 месеци, кога вработена во Ред Бул го обвини за сексуално вознемирување.
Обвинувањата, кои станаа јавни во февруари 2024 година, беа отфрлени од Хорнер двапати – прво по внатрешна истрага, а потоа по жалба поднесена од жената.
Спорт
Милинковиќ-Савиќ ќе се врати во Италија?

Сергеј Милинквоиќ-Савиќ, поранешна ѕвезда на Лацио, би можел да се врати во Италија.
Фудбалерот од средниот ред на Ал Хилал се пресели во Саудиска Арабија пред две години, а претходно играше за Лацио осум години. Сепак, неговата дестинација нема да биде Рим, туку Торино.
Според медиумите во Италија, Игор Тудор се пожалил на недостатокот на играчи во средниот ред, а раководството на „старата дама“ го гледа Сергеј како идеално решение.
Од друга страна, постои интерес и кај поранешниот играч на Војводина и Генк да се врати во Европа. Милинковиќ-Савиќ на тој начин би станал третиот Србин во тимот на Јувентус, покрај Душан Влаховиќ и Филип Костиќ.
Ова не е прв пат Јувентус да покажува интерес за српскиот играч од средниот ред. „Старата дама“ се обиде да го доведе неколку пати додека беше играч на Лацио, но не успеа.
Во Италија, Милинковиќ-Савиќ има добри бројки. Одигра 341 натпревар, постигна 69 гола и додаде уште 58 асистенции. Во Ал Хилал, тој собра 100 натпревари за две години со 29 гола и 25 асистенции.
Foto/ X